Zomi Innpi (Zomi Center) USA neihzawh nading sumkaihkhop nadingvai zaksakna

Zomi Innpi (Zomi Center) USA neihzawh nading sumkaihkhop nadingvai zaksakna

To : Zomi Innkuan USA kipawlna sunga om pawlhuam Zomi Innkuan kipawlna teng
From : Executive Director

Date : 11/02/2017

Athu : USA gamsungah Zomi Innpi (Zomi Center) neihzawh nading sum kaihkhopding vai zaksakna

Dear azahtakhuai USA gamsung muntuamtuampan Zomi Innkuan makai teng leh pawlmi teng aw,

Dammaw ci-in ZIUSA kipawlna mintawh ong hopih ingh. tutung kong zaksak dingpen ZIUSA kipawlna vaihawmna tawh USA gamsungah Zomi Innpi (Zomi Center) khat neihzawh nadingin abeisa ZIUSA kumcin khawmpi pan kikipsak hi. hihthutawh kisai abeisa ZIUSA Innpi (Congress) meeting leh Board meeting te panin sepziading, mapanziading kikupna kineikik a, anuai adanin ZIUSA kipawlna huam sunga om Zomi Innkuan kipawlna te tungah sum kaihkhopdingin khentatna kinei hi.

ZIUSA kipawlna pawlmi mimal khat in $ (10) ahihkeileh atungsiah

Mimal or Innkuan khat pan $ 100 pan atungsiah apiate Innpi kawmtungah aminte uh leh sumpiakzah cihte kisuansak ding hi.

Zomi Innpi (Zomi Center) neihzawh nading sumkaihkhop hunding pen azekaaipen March, 2018 khabeima in kikaikhawm ding hi. hihsum kaihkhopna ah sum ong kipia zahzah sumngahna Receipt zong kipiadinga asawtlo in amunmun a om Zomi Innkuan makaite ngahdingin ong kikhak tading hi.

Hih sum kaihkhopna tawh kisai ZIUSA Treasurer Pu Pau Lian Tuang in a kisam bangin nungzuihna, update na cihte ongbawl toto ding hi.

I lunggulhna te a taangtun zawh nadingin akua mapeuh thasaanin hanciamtek ni. lungdam!

Notengtawh mapangkhawm,

Pa Tual Sawm Lian

Executive Director
Zomi Innkuan USA, Inc.
November 02, 2017