Zomi Cup 2017 Final kisui tading

Zomi Cup 2017 Final kisui tading

Malaysia gamsung aom Zomi te’n kumsim in Zomi Nam Ni pahtawina in ihneih zelzel ahi “Zomi Cup” tukpeng kidemna pen tukumzong kizomsuak theihi. Tukum Zomi Cup pen a 8 veina hita a, January 28 ni akipan khua kipawlna tuamtuam pan Team 22 te in asuito ngekngek uh ahihi.

31 January ni in Group kisuihna ki zosiangthei a, Team 22 akidemna panin khua 4 hong kahto uhhi. Tua khua 4 tepen Anlangh, Phaiza, Tuipi, Kapteel te ahi uhhi.

Group kidemna panin hongkahto khua 4 tepen 01 February 2017 (Wednesday) ni in Final akituh ding uh hita hi.

01 February 2017 (Wednesday) zingsang 8:00am hunin anuai a khua 4 teng Semi Final hongkimawl masading uhhi.

Anlangh vs Phaiza
Tuipi vs Kapteel

Hih khua 4 kidemna panin aguallelzaw khua 2 tepen sunlam 12:30pm hunciangin athumna kituhna tawh kizomsuak dinghi.

Khua 4 kidemna panin agualzozaw khua 2 tepen nitaklam 3:00pm in Zomi Cup Final hongkituh leuleuding uhhi. Akua maciat in tha piaciat ni ci’n kongzawn uhhi.

Zomi Cup honpawi zong nopcitak in kineithei a, Kawlgam Chin United FC panin Sia Do Khan Khup, ZYA panin Pa Vungh Za Khup leh Lengtong Kam Khen tezong hongki helthei uhhi.

Zomi Cup 2017 ah akihel khua 22 tepen anuai abang ahihi.

• 1. Anlangh
• 2. Darkhai
• 3. Gawngmual
• 4. Tuipi
• 5. Mualbeem
• 6. Laaitui
• 7. Kapteel
• 8. Ngente
• 9. Buan
• 10. Buanli
• 11. Singunau
• 12. Bukphil
• 13. Voklaak
• 14. Laibung
• 15. Pangsak
• 16. Phaiza
• 17. Vangteh
• 18. Vanglai
• 19. Heilei
• 20. Tuithang
• 21. Pyidawtha
• 22. Saizang