ZCD Khawmpi ~ Go Sawm Khup

ZCD Khawmpi ~ Go Sawm Khup

Pha hi! A ziakai zongin, a kipuahphatloh sang’n manpha zaw cini ei.. ZIC2019KL Khawmpi thukhensatna khat a lawhcing hi inciai.. Lungdam huai hi.. Tu’n,

• (1) ZCD Party pen Minam Party a hihna,
• (2) Democracy ading (… for Democracy) ngiat a hihna..

..a kician mahmah dingin, Party pen Minam buppi tung ah a kilam asuah theihna ding Kivaipuakzia limtak khun masak ding kisam in um ing,

..tua ciang, Party vai tawh kisai thu leh la khatpeuh khensatna ah Democracy dan zui in Party Members-te thuneihna a kimang dingin thumeilet kician khun kul ding hi ci ing ei..

Tua teng khempeuh tung ahbel Party Ngimna Bulpi taktak bang hi hiam cih thukhun leh Party Thumeilette bang teng hiam cih thukhunte zong kician tak mahin khun sinsen kisamngel in um ing..

(.. Party Policy bulpi li kici bang tu a Party Constitution ah kigelhlo mawk ahihteh e..)

• Minam Party’ Ngimna Bulpite (Aims & Objectives),
• Thumeilette (Policy & Principle),
• Kivaipuakziate (Organizational Structure/Governance) cih thu lianpi teng
• Party Constitution sung ah a kikhun khitciang,

bangci bangin MP Candidates ding teel ding, kua in teel ding, kuate teel thei ding cih Ngeina Dante (Bylaws) tuamtuam zong khunbek kullaingel ding hi.

(.. tun ni zong, Khawmpi Thusuah sung a dan lianmah in, NLD Party inzong MP Candidates teel dan ding Thusuah hong bawl ngelmah ei mate.. hong etteh uh hisamkei inteh..)

Party Constitution and Bylaws kician mahmah khat hong kikhunkhit a lehbel.. Zomi buppi muanna kingah semsem dingin lam-en ing.

Hih Kalmasa a kikalsuan zawh aleh, Kawl Gam sung mahmah a, ih kiim ih paam a Minam tuamtuamte adelh ding a kithawi hipan ding hihang.. phot zawzen..

Ih Lawmte bel a Thukhun (Law) tawh na buai nawnlo in, Rule of Law cihkhawng,

• ..tua tung pan Capacity Building cihkhawng,
• ..tuaban ah Good Governance cihkhawng,
• ..tua khitteh Policy Development cihbang,
• ..Strategic Planning maw, Master Plan maw,
• Kal tampi nasuan khinta uh aive..

Ei pawl, leivui panin hong kilamto himawk ahih ciang a, CEC in Thukhunpi kipsak ding cih dan a, lamdawt dan khat zui in mite ih nungdelh a kul dingmah hiphot aive..

Thukhunpi ih kipsak khitciangbel, tua Thukhunte zui a ih kalsuan kul, Rule of Law ih kisinpah kulphot ding hi.. Thu khat ah, tua Party Constitution a kikipsak masiah pen ih MP Candidates dingbang a kigen theinai mahmahlo ding dan hiphot..

..tu bang na kisehkhol mawklenglah, Rule of Law cihbang omlo, Rule omlo, Thukhun kician om nailo a, eima mimal deihna tawh, Dictatorship bang dan dektak khatin a kalsuan nuam zaw suakmawk ding hi vehang maw…

Bangbang ahi zong, ih Gam sung a, Minam dangte a delh ding a kithawi himhimta suak ihhih ciang, lam-et huai, lawp huai lam in sang ni..

Hi bangin limtak ih kalsuan zawh aleh anungta Pasian in Zomi-te thupha hong piazel dingin, Minam dangten hong etteh leuleu ding uhhi hi ei.. GSKhup