Zogam ah Municipal (စည်ပင်) Committee kitelna October khasung kinei ding

Zogam ah Municipal (စည်ပင်) Committee kitelna October khasung kinei ding

Zogam aa aom khua (13) te-ah Municipal (စည်ပင်) Committee kitelna Oct, 8, 2016 ni-in kibawl ding ci-in Zogam Municipal kitelna Encikpawl in genkhiatna nei uh hi.

Municipal (စည်ပင်) Committee kital na pen Zogam ah Falam, Hakha, Tedim, Mindat, Matupi, Paletwa, Kanpalet, Tonzang, Thantalang, Cikha, Rihzua, Sami, Rohkhuadalta ah kinei ding cihthu kiza hi.

“Khua khempeuh ah ani kibang lian in kitelna kibawl ding aa Tangpi, Tangta te in Direct in mee pia in telthei ding uh hi” ci in Zogam စည်ပင်။ လျှပ်စစ်နှင့် စက်မှုလက်မှုဝန်ကြီး Salai Issac Khen in gen hi.

Hih kitelna ah akidem nuam te in Kawlgam mi hihamtang ding, kum 25 cingkhin te hiding, Municipal kitelna min list ah amin akihel hihamtang ding, atawmpen Zogam ah kum 3 in khinsa hihamtang ding, Pawlpi makai hilo ding, Kumpi zum nasem hilo ding, Lungsim kicing lo (Mihai) ci aa akiciamteh mi hilo ding, thongkia mi hilo ding, Party kipawlna khat peuhpeuh ah panmun nei hilo ding, Kumpi in thukhun tawh kituak in mizawng hi ci aa akiciam teh mi hilo ding, Thautawi/ Hiamtawi kipawlna pan hilo ding ban ah tua kipawlna tetawh akizom mi hilo ding ci-in Zogam စည်ပင်၊ လျှပ်စစ်နှင့် စက်မှုလက်မှုဝန်ကြီး zumpan genkhiat na nei uh hi. Ref: The Voice/Zingsol