ZNC/ZCD kum 30 cin tangkona (24 Oct 2018)

ZNC/ZCD kum 30 cin tangkona (24 Oct 2018)

Kum 30 ih cihpen kamtawh ihlawh takciang in minute (1) zong sawtlo, manlang mahmah hinapi in makaite gimna, tawlna leh gentheihna pen gentheih hilo hi. Ahihhang hihciangdong hong mualsuahpih Zomi hong aangvan anungta Pasian min ih phat hi.

1) 1988 kumpan gambup zatding thukhunpi (Constitution) igeel pen 1. Federal ki ukna diktak tawh gambup kilamh nading 2. Gambup Innpi (Hluttaw/ Parliament) dawl 2 koihding 3. Tua gambup Innpi dawl 2 te athuneihna kikim ding 4. Gambup innpi adawl tungnung ah gamkee (State) khatciat pan taangmi kikimtek puaktheiding 5. Gambup kumpi (Union Government) thuneihna ciangtanding 5. Tualo atamzaw thuneihna teng gamkee te tungah piading cih ahihi.

2) 1990 kum gambup kiteel sungin thukizakna tuamtuam ahi Radio, TV News leh laihawmte pan aki suahkhia/ tangko Zomi National Congress ngimna leh tupna, sepding: 1. Ih minam min diktak Zomi kicih ding (zomi Identity) 2. Mipi teelcing taangmite tungtawn gam ki makaihna Democracy diktak tawh ki uknading 3. Suahtatak kidemna om sumlei sumzuakna zatnading (Market Economy) 4. Panglong thukimna leh lungsim bulphuh kibelpawlna gam lamkhiat nading (Panglong Agreement and Spirit Based Federal Union) cihte thuguilet in kinei hi.

3) 1988 gambup gamvai kikhelna tungtawn hong piangkhia 1990 kum gambup kiteelpi inzongh gambup ki ukna thak ah kalsuanding cih ih thuguilette mualsuah nang ngimna tawh kiteelpi ki lutt in Tedim leh Tonzang pan taangmi 2 kiteelcing hi. Ahhih hang gambup thuneihna mungpi 3 teng galkap kumpi in mipi teelcing taangmite tuangah apiakloh takteh 1990 – 2010 kumsungteng hun haksat mahmah laitak nangawn matlehen thuakta lehang maban kizomto suak veve hi.

4) 1998 kumteh galkap kumpi alinglawngsak mipi aitang ading mipi teelcing taangmite (Committee for Representing People’s Parliament) cih aki phuatkhiat takciang inzong iminam Party mah apankhiapi lakah kihel leuleu hihang.

5) Gamvai khuahun tawm hongkikhel takciangin 2015 kumteh gambup kiteelna kilutkik theipan hi. Tua kiteelpi pan Zomi Congress for Democracy mintawh teelcing MP mun 6 bang Zomi mipite pankhopna hangmahtawh Tedim leh Tonzang pan kilawhcingto leuleu hi. Hih hunsung ah 2008 thukhunpi nuaimah ah Zomi mipi taangpi leh taangtate kisap leh khantohnang ngahtheih sunsunteng septheih tantan kisemto in kisemto suakding hi.

6) Zomi National Congress kum 22 cinnna 2010 kumin Kalaymyo ah kibawl theihi. Tua tungtawn tangkona khat kisuahkhia in tukhang Second Panglong Conference sapkik kulhi cih ahihi. Tua thusuahteng tulaitak gambup thudotpi Aung San Suu Kyi tungah ki ap pahhi. Tua Zomi te patkhiatsa pan hong piangkhia 21st Century Panglong pen tunidong gambuppi in maban akizomto suak ahihi. Zomi akip tatak nading vaihawmna zong 2014 kum gambup milip kismna (2014 Myanmar Census) ah Zomi bup hanciamna tawh Zomi nimam min khumkhia ta hihang.

7) Ahi zongin ih ngimna leh tupna te avekpi matut nailo hihang. Ih mai ah sepding omlai maban tampitak te ih mualsuah mateng kikhawl peuhmahlo dinghi. Tua ahih manin tukhangin atangtunglo teng khangsawnte zuihding lampi leh khaicii kituhkhinta ahih manin tukhangin atangtung nailote khangsawnte in hong zomsuaktoding uhhi. Central Executive Committee, Zomi Congress for Democracy

ZNC/ZCD kum (30) cin Tangkona

Tuni pen 1988 kum gam kikhel nading gambup mipi lungdeihna pan hong piangkhia Zomi National Congress/ Zomi Congress For Democracy kum (30) Cinni ahihi. Kawlgam gamvai haksat hun pan tuni ciang dong gambup kikhel nading nuntakna khual-ul leh gentheih liangvaihna tampi tuakin mapang den Zomi te ineihsun iminam party ZNC/ZCD kum (30) hong cing ta hi.

27 February,1989 kum pan mualmi party (25) kipawlna United Nationalities League For Democracy (UNLD) sung leh 1998 kum tak teh 1990 kum teelcing taangmi MP honkhat ban ah makai honkhat tawh kiphutkhia mipi aitang ading teelcing MP kipawlna (Committee For Representing People’s Parliament) apankhia ah kihelin, 15 September, 2012 kum ciang’n akiphuanthakkik mualmi party kipawlna (United Nationalities Alliance) tawh tuni ciang dong Zomi sung bek hilo, unau mualmite tawh khut kilenin gambup ading mapang den ZNC/ZCD party tutan hong mualsuahpih Zomi thupha apia ibiak ipaii anungta Vanglian Topa’ min iphat kawmin hih anuai ah tangkona kong suaksak uh hi. Makaite’ sawlna tawh, Bob Tuangpi (24 October, 2018)