ZIUSA Genvai ah mithak sanna January, 2015 kha in ki nei kik ding

Dear USA gam sung-a om Zomi U leh Nau:

ZIUSA kipawlna min tawh hong hopih ungh. ZIUSA kipawlna in sihna tungtang ah luang kiphaamna ding in vaihawmna ahi ZIUSA Genvai ah Thukhunpom thak (a kihel thak) ding January, 2015, kha sung sanna kinei ding ahih man in ZIUSA Genvai ah thukhunpom-thak ( akihel thak) a suak nuam-te in amanlang in a nuai-a ZIUSA Genvai Tanupi (Genvai-pu) Pa Tual Sawm Lian tawh kizom-in Thukhunpom thak na suahna ding un kong zawn uh hi.

ZIUSA Genvai a picin semsem na zui leh USA gam sunga om Zomi-te a tam zaw semsem ZIUSA Genvai ah hong kihel zawh semsem na ding lunggulhna tawh ZIUSA Board in November 15, 2014 ( Board Meeting) ni-in a nuai-a bangin ZIUSA Genvai thukhunpom khat peuh sihna a om ciang a ki dongkik Piakkholh Kivuina Sum a nuai-a bangin ki-khiam hi.

1) Khatguak (Single) Zomi khat – $ 8

2) Nupa kopkhat (Couple) ahi Zomi innkuan khat – $ 10

3) Ta nih (Two Children) ciang anei Zomi innkuan (Family) khat – $ 10

4) Ta thum (Three Children) leh atamzaw anei Zomi innkuan khat – $ 15

***( 50% Piakkholh Kivuina Sum piak hun ah $ 4, $ 5, $ 5, $ 8 ta hi ding hi).

Tu laitak ZIUSA Genvai Thukhunpom Zomi Innkuan kipawlna (30) pan leh Zomi Innkuan kipawlna aom nai lohna pan mimal in hong lut mimal tul (3) kim bang kipha-a, Kivuina Sum piak theih ding in Genvai Thukhumpom sungpan sihna a tuak khat a ding in Genvai Thukhun tawh kituak in atampen ciangtanna ahi $ 10,000 (Tulsawm) cing ki nei hi.

ZIUSA Genvai tawh kisai a thucing zaw in a theinuam-te a ding in anuai-a Genvai Tanupi ki dongbeh thei a, tua banah hih laikhahna ah ZIUSA Genvai Thukhun ( Updated Nov 15, 2014) attachment tawh zong kikhah hi.

Kizop nang Genvai Tanupi:
Pa Tual Sawm Lian (Bawi Lian)

Secretary of Genvai

Zomi Innkuan USA, Inc.
2529, E 88th St, Apt # 612
Tulsa, OK 74137
716-228-5071 (Cell); [email protected]

Zomi sungah,

Executive Committee
Zomi Innkuan USA, Inc.
December 02, 2014 ( Tuesday )