Japan gamsung aom zintunbuk khatah Video gukzaih nadingin Camera kithuah

Japan gamsung aom zintunbuk khatah Video gukzaih nadingin Camera kithuah

Japan gamsung aom zintunna innsung lupna tungah Camera khat ki gukkoih cihi. Tua zintunna pen Airbnb panin aki Booking hi a, zintung tepen Korea gammi nupa khat ahi uhhi.

Lupna inndei ii Ceiling akiukhat ah akithuah Fire Detector tawh akibang vankhat panin meitang amuh uhciang in lamdangsa uh cihi. Tuaciang in phelkhia in a et uhleh lupna sungteng agukzaihding in akithuah “Hidden Camera” acihte nahimawk hi ci’n Korean Herald te’n genkhia hi.

Camera tawh gukzaihsim athuak dektak nupa te’nzong lamdangsa uh a, Fire Detector pen aphelkhiat ciangin asungah micro-SD Memory Card khat kithuah cihi. Tua Hidden Camera ahih keileh Spy Camera panin lupna inndeisungteng avekin Video Record akibawlding in ngimsa in akithuah cimawk hi.

Abeisa inzong hih zintunginn pen Airbnb website tungtawn in Booking bawlin atunngei khitna uh hi a, tutungzong alumding in akithawithawi laitak in amukhia uh cihi. Kamphatna tawh bangmah lupnatung zuannailo uhhi.

Japan gamsung aom South Korean Embassy te tungah huhna ngenin, Police Report bawlpah uh a, tuapan in adang zintunnading innkhat ah hongkha uh cihi.

Tua zintunna inn pen Airbnb Community panin ki hemkhiapah in, Privacy Infringement pen kideih vetlo hi ci’n Airbnb thunei te’n genkhia hi.

Hih thuthang tawh kizui in zintunna innkhatpeuh leh Hotel, Motel cihte ah Hidden Camera kithuahding in na upmawhleh lupna inndeisung nalutphet in meitang khempeuh sumit inla, Camera panin “Power On” sa in akikoih meitang aomhiam cih encian masa in.

More: Selayang aom Homestay numei kisilbuk sungpan Spy Camera ki mukhia

Muanmawhhuai meivak lalcin, pak kisuang, lim kisuang cihkhawng aomhiam encian in.

Mobile Phone te ii Lense ciacia atattheih nading avang khatpeuh aomhiam sittel in. Ahihtheih liailiai nakleh zintunbuk leh Hotel, Motel khatpeuh ah nagiahpak ciangin na guaktang liangin ompahpah kei in. Sawltak #zomidaily