Zeisu leh Aksi: Lungdambawl malep

Zeisu leh Aksi: Lungdambawl malep

Matt 2:10-12
1. Zeisu a om mana aksi akilang hi a, aksi aom mana Zeisu asuak hilo hi.Aksi sangin Zeisu thupi zaw cihna hi.

2. Mipil ten aksi mu in lungdam mah mah uha, khawlnailo hi. Tua lungdamna koi pan hongpiang hiam cih kan uh hi.

3. Ak si in Zeisu omna alak hibek a, atawpna ding hilo hi. Ih cidamna ipilna , ihauhna te pen Zeisu kiang tunna ding hibek a, Zeisu kiang pan paikhiatna ding hilo hi.

4. Mipil ten aksi bia lo hi, Topa hongpiak leh hongmuhsak thupha te pen ibiakding hilo in ilungdamna ding hibek hi.

5. Mipil ten Zeisu amuh uhteh a septe uh:
(1) Khut din uh – kiniam khiatna lak hi.
(2) Bia uh – Pahtawi leh lungkimsak , asangpen ah koih hi.
(3) Avanpuakte uh sungkhia hi – Zeisu mu taktak ten anuntakna ah aphalloh bangmah omlo hi, aneihsa khempeuh uh Topa adingin phal mahmah uh a , sungkhia nuam den uh hi.

6. Mipil te tungah lamthak kilak hi.
– Aksi mu masa uh,
– Zeisu zong uh hi.
– Zeisu bia uh hi.
– Zeisu pia uh hi.
Tun athupi mahmah ah Lamthak tawn dingin Lamhilhna ngah uh hi.

Tukum hongsuak ding Zeisu atunga teng bagin izon a ama tungah isep leh Topa in Lamthak honglak dinga ilamet ngamloh thupha hongpia ding hi.

Sia Pau Khai.
Nov 16