ZBCA leh USA gamsung Pawlpi te kizopna thu zaksakna

Dear Zomi ulehnau teng,

Pasian in USA gamsung ah Zomi te kipawl khawm a Topa it ding leh ama
aitangin nahoih asem dingin hongdeih lam itel manin ilungdam mahmah
hi. Tulaitakin USA gamsung ah sum leh paai tawh kizopna anei sensen
kipawlna kip ahi ZBCA om ahih manin Topa tungah ilungdam mahmah a,
Pasian minthanna ding leh Zomi te adingin thupha naak asuak dingin
ithungetna ahihi.Mikhat bek in nalian tampi kisem zolo dinga mitampi
in tawmtek tawh nalian tampipi kisem zo ding hi.

ZBCA- Zomi Baptist Churches of America.( Alongform hi).

-Ne khawm leng lim.
-Pua khawm leng zang.
-Genkhawm leng nuam.
-Pang khawm leng kigualzo hi.

A.. ZBCA PAWLPI LEH ASIA TE :

1. ZBCM of Tulsa , Tulsa,OK.
Pastor teng:- 1. Rev.Kap Khan Mang.
2. Rev.Ngo Suan Thang.
3. Sia Thiam Lian Sang.
– 4. Sia Thang Lian Mang.
5. Sia Cin Hau Mung.
2. Agape Mission Church ,Nashville, TN
1. Rev.Pau Khan Lian.
2. Siamah Deih Cing.
3. Zomi American Community Church, Pensacola, FL.
1. Rev.Dr.Tun Cin Kap.
4.Zomi Community Church,Denver, CO
1. Rev.Tual Khaw Mang.
2. Rev. Sangpi .
5.Agape Zomi Church,Forthworth,TX
*Thungen lai.
6.Agape Zomi Mission Church, Houston,TX
1.RevKai Sian Mang.
7.Zomi Mission Community Church, Portland ,ORE
1. Rev. Muana Khuptong.
8.Zomi Christian Church,Louisville, KY
1. Rev.Pau Khan Khai.
9.Zomi Baptist Church, Seattle, WA.
* Thungen lai- Sia Muana in Nekkhawm pia zel ding.
10.Grace Zomi Baptist Church, Indianapolis , IN
1. Rev.Hang Go Thang.
2. Rev. Joshua Nginpi.
11.Zomi Christian Church, Twinsfall, IDA ( Ngetna lai hong pia khin).
* Thungen lai.
Topan geelna tawh hong kizop sawm honkhat omlai hi.

B. ZBCA TUP LEH NGIMNA:

1. USA gamsung aom Zomi te in anungta Pasian tawh limtak in kizom ding.
2.USA gamsung a om Zomi te in ei leh ei Topa hangin kizom dimdiam in
Topa maipha zong khawm ding.
3. Zomi te in i ngeina leh ilai ipau te limtakin kembit in zang ding.
4..Khat leh khat khathu ah tha kipia in mapang khawm ding.
5..Topa mintawh kipawl khawm in Zogam , Kawlgam leh Leimong dongin

Topa hongsawlpi ahi Mission nasem in Pasian lungtang tuak ding.

C. KAWLGAM AH INNTEEK KIZOP PIH:

Hih USA gamsung kipawlna ZBCA in Kawlgam sungah Zomi te mah tawh
mapang khawm a Topa nasep kul ahih manin Kawlgam sungah ZBCA aitangin
vai khat peuh peuh ah innteekna hongsep sakdingin ZBCM tawh kizopna
kinei hi. Kawlgam sungah ZBCM tungtawnin nahoih tampi Zomi bup huam
leh Kawlgam bup huam in na kisem khin ta a, mailam ah kipawlna
tuamtuam te tawh zong ahun zui in Topa nasepna ah Mission Partnership
neih hun zong hongom toto dingin ki lunggulh hi.

D. ZBCA IN KUA PAWLPI TENG TAWH KIPAWLTHEI DING:

ZBCA in Zomi Pasian thu um akizom nuam khempeuh tawh kizop theih
dingin lunggulhna ahihi. Pasian it a Zomi te apuah nuam azunnuam
pawlpi khat peuhpeuh tawh kipawl theih dingin lunggulhna ahihi.ZBCA
pen USA gamsung a om Zomi Pawlpi te kizopna guipi dingin lunggulhna
kinei hi.Pawlpi min sangin Biakpiakna kithupi ngaihsut zaw hi.

E. ZBCA TAWH KIZOPNA SUM .

ZBCA sunga akizom pawlpi khempeuh in ei Local pawlpi ciat pan ingah
zah sawm ah khat sum tung pan 5% tawh tulian in kizopna akinei
kipawlna ahihi. Mailam ah ZBCA gambup lunggulhna tungtawn in kizopna
kikhan kikhiam thei ding hi.

F.MISSION FIELD DING:

1. Zogam sung hiding.
2. Kawlgam sung hiding.
3. USA gamsung zong hiding.
4.Akisapna tungtawn in leitung gam tuam tuam zong hiding.

THUKHUPNA:

Zomi te koi koi om ta lehang Pasian in thupha hongpia in hihbangin
kipawlna ineih ciangin Khangsawn te adingin thalawp huai mahmah hi.

Thu khahkhia,
Rev.Pau Khan Khai.
Vice President – Zomi Baptist Churches of America.
Louisville, KY.
502-291-1948