Zawgyi One leh Myanmar3 tawh anih in aki simtheiding nadeihleh

Zawgyi One leh Myanmar3 tawh anih in aki simtheiding nadeihleh

Ei Zomi te’n website khatpeuh ihbawlciang in “Roman Alphabet” ahih keileh “Latin Alphabet” akici hih laimal te nuamtak in zangthei ihhih manin, ihbawl website hong simsak Visitors te adinginzong buaina, nawngkaina bangmah omhetlo hi. Zolai hongbawlsak Cope Topa thupha asangsang ih hihi.

Kawlte ahihleh website khatpeuh abawl uh ciangin a Font zatding uhtawh buaimahmahlai uhhi. Abeisa hunsung ah Zawgyi One pen ki limzat mahmah a, Unicode daninzong akigengen khat ahihi.

Ahi zongin tuhunciang Zawgyi One pen Unicode taktak hilo hi hongci leuleu uh a, Myanmar3 Font pen Unicode taktak hi ci’n website pawlkhat inzong Myanmar3 bekbek hong zangzawta uhhi.

Tuabang in hong laihsuk, laihtoh uhciang in akikal ah laisim Visitors te’n hong buailawh mahmah uhhi. Ih Computer sungah Zawgyi One aki Install hangin Myanmar3 tawh akibawl website te ki entheilo a, tuamah bangin Myanmar3 aki Install Computer paninzong Zawgyi One tawh akibawl website te ki entheilo hi.

Ahi zongin tu in tua Zawgyi One leh Myanmar3 tawh akigelh website te ettheih nading lampi hongom kiaukiau ta hi. Zawgyi One leh Myanmar3 tawh akigelh Kawl website te nasimtheih nading in amasa penin na Computer sungah Zawgyi One na Install hamtang in.

Google Chrome

Google Chrome ah Zawgyi One leh Myanmar3 tawh akigelh website te ettheih nading in ihbawlding a, amasa in Google Chrome Browser nahong masa in.

Tuakhit ciangin hih Link na mek lecin atung a limbangdan khat namuding hi. https://chrome.google.com

Parallel Universe akici Page hongsuah ciangin, tuatung ah ADD TO CHROME acihpen tungah namek in.

Tua khit ciangin na Google Chrome Browser ii taklam atungkiu ah Kawllai tawh akigelh Box neukhat namuding hi.

Kawl website khatpeuh nahawh ciangin laimal te asuahtheih keileh tua Box tungah namek lecin hong lemthei khading hi.

Mozilla Firefox

Amasa in Firefox Browser ii Menu pan in Options >>> Options ah namek inla, Content tab ah namek suak in.

Fonts & Colors acihna nuai ah Default Font dingin Zawgyi One nakoih in.

Tuakhit ciangin apam a Advanced acih pen namek leuleu in.

Fonts kici laimai khat hongsuak ding a, tuasung ah hih anuai abang in nakoih in.

Setting:

• Fonts for: Western
• Proportional: Serif
• Serif: Zawgyi-One
• Sans-serif: Zawgyi-One
• Monospace: Zawgyi-One

Tuakhiatciang anuai ah Manglai in “Allow pages to choose their own fonts, instead of my selections above” akici khat omding a, tua ii Box sungah Tick (√) napia in.

Anuai a Default Character Encoding: zong hihbang in nalaih in “Default Character Encoding: Unicode (UTF-8)

Hihbangdan hileh Zawgyi One tawh ahi zongin Myanmar3 tawh ahi zongin akigelh Kawl website tepen nuamtak aki simtheiding in lamen hang. Windows 8 ah adiakdiak in Facebook sungah Kawllai hoihtak suaktheilo a, ahi zongin hih Steps tengtawh hileh Windows 8 ahzong nuamtak in Kawllai ki simthei hi. Zomi Daily 2012