Zato zuat hamtang akisam naupaai nupi pawlkhat

Zato zuat hamtang akisam naupaai nupi pawlkhat

Khanglui lai in i pu i pate in “Nau paai leh Thaltang paai´´ a nacih mah bangun naupaai hun sung leh nausuah ciang limtakin kidop/kikep siam ding kisam hi. A tam zaw in nausuah ciangin Zato kizuan sese lo aa innah a teeknu (ahkl) khuasungah a thei zawdeuh khat peuhpeuh cial in kisuaksak ziauziau hi. Tua bang tatna hang in khat veivei khialhlohpi ding kikhial thei-in nuntakna nangawn beilawh thei hi.

Naungek a om daan man in a cidam nupi ahih leh a thei/a siam Siamahte tawh a ma ut zawkna tawh kizui-in inn ah suak leh kingah mah hi. Ahih hangin Nau (ahkl) a Nu in damlohna khat peuhpeuh a neih leh a kisam thei sisan aa kipan van leh na, Siavuan, Siamahte a kicinna Zato mah zuat ding thupi pen hi.

Zato zuat hamtang ding a kisam Naupaai nupite

• 1. Naupaai hun sung sikhangin cibawk/ciphawmte (Pre-eclamptic toxaemia)
• 2. Naupaai sung siluangte
• 3. Naupeng a paaite
• 4. Ta tampi neikhin naupaaite (Ta nga pan a tungsiah a nei khin naupaaite)
• 5. Thaza ne mah ta leh sisan hat zolo naupaaite (Anaemia not responding to treatment)
• 6. Kum tam khit in tacil naupaaite (Kum 35 pan atungsiahte,>35years)
• 7. Kum tawm lualai tacil naupaaite(kum 18 pan anuaisiah te ,<18 years)
• 8. Ta masate a suah lai-in suahhak a sa naupaaite
• 9. Lungtang natna a nei naupaaite

10. Tuberculosis (TB) natna a nei naupaaite

• 11. Sikhum zunkhum natna a nei naupaaite
• 12. HIV(AIDS) natna a nei naupaaite
• 13. Tun tom lua naupaaite (4’10” pan a nuaisiahte)
• 14. A thau lua naupaaite (100kg/220lb pan a tungsiahte )
• 15. A gawnglua naupaaite (45kg/99lb pan a nuaisiahte)
• 16. Naubu damlohna a nei naupaaite

17. Kawngguh a ngeina daan ahilo naupaaite

• 18. Ni dang nau a suahin a ki-at ngei khin naupaaite
• 19. Naungek hong pusuak ma in nau’ laigui hong tolhkhia naupaaite (Prolapse of cord)
• 20. Nau suak nuam aa gilnat hun sawt in a suak zo pahlote (Prolong Labour)
• 21. Damlohna khat peuhpeuh hangin Numei van a ki-at/a kikhui ngei naupaaite
• 22. Naungek om daan manlo naupaaite (Malpresentation) ~ Vung Hau Lun/ Ref: Third Year Maternal Health Nursing Textbook leh Fourth Year Gynaecological Nursing Text Book