Zangkong Ah Lungpho Ding Kilawp

Zangkong Ah Lungpho Ding Kilawp

Leitung aa democracy gam lianpen ci aa akisathei mahmah India in Zomi mipi lungphote thautang taktak tawh hong kapna hang in asih lawh tuni in Zomi mi 10 ih phata hi.(Tuzing nai 7:30 kimpawl in Tg En Khan Khup , kum 19 s/o Pu Neng Za Chin, College veng Lamka – CBA pawlpi mi, in hong nusiat beh hi)

Leitung aa migilopen 3 lak aa kihel Than Shwe nangawn akhan lai in hici gamtat samlo hi. Buangnai thautang leh tear gas khawng zangh phot sam hi.

Pasian’ thuzui ih hih man in sisan tawh kinai hitakei leng zong Zeisu sungah unau khat hilai ih hih man in ih dahpihna ih lahkhiat ding pen LST in hong gen “adahte tawh dahkhawm ding, a lungdamte tawh lungdam khawm ding” cih Pasian’ deihna tawh zong kituak hi.

Leitung mun tuamtuam ah Zomite’n ih omna Indian Embassy te’ kiang ah ih dahna leh ih khasiatna theihsak huai mahmah hi.

Ih pu ih pa’ satsa leitang ah lengla/pemta va lehsuah ding cih zawzen pen na mahmah sam hi.

Palestine khangno khat in “Ka pu’ leng gah huan ah kapa tu’n sum thalawh aa apai hita” acih tawh hong kibang ding hi.

Ih pu ih pat’ satsa hilua kisa tulaitak aa ZRA te’ phualpi khat ahi Songtal khua bang Tonzang Innpite’ mo zonna kici zawzen hi. Tudong Songtal nungakte melhoih mahmah lai uh hi.

Zangkong ah zong Indian Embassy om ahin man in Zomite’n lungphona neih ding kisamh hi.

Tuni dong Zangkong aa om Zomi kipawlna khat mahmah in zong lungpho ding vai pulak khia lo ahih man in mipi in ngaklah mahmah ta hi.

Hih dan abat leh mipi in ngak zolo khading hi.

Pasian in Zomite hong gualzawhpih heh

Mung Lan Thang/ Thangboi
Zangkong