Zambia gamah sangnaupang tawh Sex azangkhawm Teacher 23 kikhawlsak

Zambia gamah sangnaupang tawh Sex azangkhawm Teacher 23 kikhawlsak

Zambia gamsung ah 2016 kumsung in sangsia Teacher te’n sangnaupang tetawh Sex nazangkhawm uh ahih manin, sangsia mi 23 nasep kikhawlsak cih Xinhua News Agency in genkhia hi. Sangnaupang pawlkhat agai naupaai zong om uh a, pawlkhatpen “Sexually Abuse” ci’n zawhthawhthu tawh aki bawlsia zong om cihi.

Hihvai tawh kisai Zambia Gorvenment Agency khat in atheihkhiat ciangin kancian uh a, 2016 January kha panin December kha kikal akikhawlsak sangsia pen mi 23 apha cihi. Sangsia khat ii “Terms and Conditions of Teacher Services” tawh kituaklo ahih manin nasep akikhawlsak ahihlamzong gencianna nei cihzong Zambia News and Information Service (Zanis) pan kiza hi.

Hihvai akankhia makaikhat ahi Jennifer Chiwala ii genna ah 2016 kumsung bekbek in sangnaupang tetawh alumkhawm akikhawlsak sangsia pen mi 23 pha uhhi. Tualak ah sangsia 10 te in sangnaupang te gaisak uh a, adang 13 te ahihleh sangnaupang te lupkhoppih ciangbek hi in agai omlo cihi.

Hihbang buaina pen Lusaka Province leh Luapula Province te ah omlo hi cihzong genkhia hi.

Hihvai tawh kisai in kumpi thunei te’n hoihtak in kancianna bawllaiding uh a, Report kiciantak in pulak khiading uh cihzong genkhia hi.

More: Malaysia ah papi khatin atanu buan in naupaai, kha 7 phakhin

Nungkhasung in Northern Zambia aom numeite bek kahtheihna sanginn Girls’ School khatah sangsia te’n sangnaupang te zawhthawhbawl uh, Sexual Abuse om cih akitheih ciangin kumpi thunei te’n kancianna Investigation bawl uh a, hihbangvai aomlam aki theikhia ahihi.

Mipi theihpihluat kholloh in hihbangdan buaina aomthei himawk hi. Natheihkhak aomleh kumpi thunei te ahunlap in zasakpah in, naupang tampi te nuntakna ahonkhia nahiding hi. ZD Sawltak #zomidaily