Covid-19 Update: White House pan theihhuai pawlkhat (March 23)

Covid-19 Update: White House pan theihhuai pawlkhat (March 23)

Covid-19 Update VI: White House Press Briefing pan atheih huai thu pawlkhat – (March 23, 2020) President Trump on Hydroxychloroquine (Quine) – “It is a gift from God”; “Pasian kiang pan letsong hi”………

– Covid-19 virus tawh asi dek tak Florida pan Pasal khat in nung nipi sungaa President Trump taangkoh khiat zatui ahi Malaria (Nattun) za-“Hydroxychloroquine” a nek leh dam ta hi ci in President Trump in taangko khia hi. Tua zatui te pen zingciang in New York leh mundang te ah hawmkhia ta ding ci hi. Tua Quine (Kunai) zatui te pen Kawlgam ah Nattunza in kizang aa, deih bangin kilei thei hi.

Hih US gam ah belh doctor te’ phalna (prescription) bek tawh kilei thei hi. Tua zatui tawh a dam takpi ahih leh hih virus pen kithat, kidal zo ta ding in kilamen aa, President Trump in belh Pasian kiang pan letsong “a gift from God” hi ci hi. Tua hi aa, Kawlgam aa om ten Quine zatang na lei khol ciat un!!

– Vice President Mike Pence in the Food and Drug Administration (FDA) te phalna (approved) tawh ei leh ei Covid-19 ki test theih na – “self-swab or self-collected samples for Covid-19 testing” kizang thei ta cih pulaakkhia aa, clinics leh drive-through-testing sites ah kizang ta ding ci hi.

– Coronavirus stimulus package pen Senate Democrats ten a nih veina block leu leu uh ahih manin ki pass zo lo aa, kikum kum lai uh hi. President leh Vice President genkhiatna ah innkuan te sum piak ding pen Innkuan mi 4 (family of 4) apha te $ 3000 piak ding hoih ka sa uh hi ci in pulaakkhia uh hi.

– President Trump in hih virus kithehthang na pen Asian American te tawh kisai het lo aa, Asian American community te ka protect dinguh ko ma tavuan (mawhpuak) hi cih pulaak khia hi. Ei US gam sung om Asian te aading belh tampi lungnuam tuam zaw deuh hi.

– President Trump in ni 15 sung Coronavirus kithehthang na daisak (slow down) nading upna leh vaihawmna lianpi ka nei ci aa, gam mi ten ei ma inntek ah om ciat in hong huh un ci hi.

– President Trump in “defend production act” acih executive order sign thu aa, tuni pan kipan US gam sungah zatui leh zato van (medical equipment) te ahon (alom) aa zuak, puak theih loh nang thu khun bawl ta hi. Tua lak ah hand sanitizer, face masks, personal protective equipment cih te zong kihel ahih manin van zuak te kidop huai hi.

– Covid-19 hangaa nasepna pan akikhawlsak (layoff) ten amau omna State ciat ah Unemployment benefit amanlang pen in kisiau thei ci hi. Akisam requirements te belh State khat leh khat kibanglo ding hi.

– US gam sungah Covid-19 virus hangin tuni bek bek mi 100 si aa, tu ni ciang dong mi 500 val si ta ahih manin akua mapeuh kidawm ciat in thu ngetna ah kipanpih ciat ni. Thomas On Sian Mung (Thomas Mung Guite) Washington D.C, March 23, 2020.