ZAM Thupuak :: 22 October 2017 (Zomi Khuado Pawi pulakna)
Zingsang lam 11:00 AM lian in Zomi Khuado pawi kipan lian thei hi. Kipatna dingin “Lunglau lo aw Zogam lei aw” cih la kisa ziahziah a, B Muan Ngaihte leh Smh San Nuam te in la hong makaih uhhi. Tuakhit ciangin Rev. Go Za Suum in hunap thungetna hong nei a, a zom in Khuado Committee lutangpi Rev. Thang Do Khen in thu kong honna leh zinmang pi Professor Dr. C Thang Za Tuan te nupa, Kawlgam pan hong pai Evan Langh Do Khup (Khitui Gospel), Rev. Dr. Khen Za Sian, Pa Cin Lian Khai (ZCD-Youth) leh Kawlgam pan Khuado pawi ading mapang khawmg ding hong zin ahi Pa Kaino (New Eden Service-Yangon), Fashion Designer Doe Dongh (Tuun’ vang Zua’ Liim– Yangong), Designer Lamlun (Zopaal Fashion) India pan hong pai lasiam B. Muan Ngaihte maitang lahna hong nei hi.
Lasiam Smh Sannuam in lasakna hong nei in mipi te kilawp mahmah hi. A kizom in Zomi ngeina daklam lahna Zolia/Zotaang te in hong nei uhhi. Mipi in zong thangah mahmah in khuado gim bang hong nam tuampah hi. Zomi ngeina tuamtuam lahna ah hong panpih te lungdamna laidal pi piakna kinei pah hi.
Tua khit ah Zola bupi Pu Lengtong Pauno in la hong sa in mipi te hong lawp sak semsem hi. A kizom in zin mangpi Professor Dr. C Thang Za Tuan in thugenna hong nei a, a thugen ma in Khuado Committee te sung pan Sia Khaibawi leh Sia Paumuan in siapipa Tanghciin hong silh sak uhhi. Siapipa in (a) Khuado I cih bang hiam? (b) Banghang in Khuado pawi bawl I hiam? (c)Khuado pawi I bawl manin bang phattuam na ngah I hiam? (d) Khuado pawi pen banghun in kibawl a nibang zah sung kibawl hiam? Cih dan in khuado pawi vai tawh kisai hong gen cian kawm in zola pi te mah hong awi kawm a, khuado gimnam in nuam kisa mahmah hi.
Siapipa in hong gen khitciangin Siama Lamlun in Zongeina puan te hilhcianna hong nei a, “Pasal te bek I silh ding ngeina puan te numei te in niik khawng in khui sak kei ni, numei te bek in silh ding a kibawl puan te khawng pasal te in puan in silh kei ni” ci in hoihtak hong gen a, kitel sitset pah hi. A zom in 2017 kum Zomi League gualtung tuang te pahtawi na kinei a, ZAM lutangpi Sia Khoi Tuang leh Siapa Evan Langh Do Khup in pahtawi na hong piak sak uhhi.
A kizom in Khuitui Gospel makaipi Evan. Langh Do Khup in thugenna hong nei a, Zomi te’n minampuan namkhat kician tak neih ding, Zomi te in pau namkhat kician tak I zat khop ding, Biakna sungah Zeisu hangin thupha I ngah theih nadingin makai siate itin zahtak ding, Sumpi 1/10 piak ding, Khua kipawlna ah kihel hamtang ding cih te tawh hoihtak in thapiakna hong nei in tha kingah thei mahmah hi.
A zom in Zolia/Zotaang te in ngeinapuan tawh fashion lah na hong nei leuleu uh a, zong etlawm leh muhnop mahmah hi. REC sangnuapang te in zong Choir sakna hong nei uh a, hong lawpsak mahmah uhhi.
A zom ah 2016 Zomi Idol Malaysia winner Lia Sian Hoih in lasakna hong nei in ama man khitciangin Zomi Idol 2017 Top 5 te kidemna kizom suak a, tua sung pan in Top 3 kitel khia hi. A kizom in Fashion show kizom to leuleu a muhnop kisa semsem hi.
A zomah Pa Cin Lian Khai (ZCD Youth) in “Zogam in nang hong ngak hi” cih thulu tawh thugenna hong nei a, tha kingah mahmah hi. Azomah India pan hong pai lasa siam B Muan Ngaihte in la hong sa in mipi te hong lok zo mahmah hi.
Kawlgam mah pan hong pai Rev. Dr. Khen Za Sian in thungenna hong nei in “Zomi Khuado pawi leh 914 tawh kisai” genna hong nei hi.
Khuado pawi tawh kisai lungdam kohna ZAM President Sia Khoi Sian Tuang in hong nei a, a zom in UNHCR huangsung a sem Zomi te, ACTS, Tzuchi, HEI ah sem te, ZEC sangsia te, Zomi Idol 2017 Judge hong sepsak te, Khuado pawi a ding special donors te lungdam kohna laidalpi piakna hong zom to suak hi.
Khuado pawi fund sum zon na ding a kibawl Lucky Draw hon pawi kizom to a, Rev Dai Sim Mang, Pr Daniel Mung leh Sia Cinpi te in hong makaih uhhi.
Zomi Khuado pawi Committee President Rev. Thang Do Khen in zinmangpi Professor Dr. C Thang Za Tuan letsong piakna hong nei a, a zomah Idol te certificate piakna hong nei suak hi.
Zomi Idol Malaysia 2017 Top 3 teng pulakna kinei a, Idol No. 15 Cing Ngaih Mang @mangbawi – Heilei khua in winner hong ngah a, Idol No. 31 Huai Khat Cing @ Huaitee –Limkhai khua in 1st Runner up leh Idol No. 3 Pau Gin Tung @ Stephen Tungpu –Tualzang khua in 2nd Runner up hong ngah uh hi.
Zomi Idol Malaysia 2017 te pahtawina piak khitciangin mipi khempeuh ding to in “Tuun sung khat pan piang hi ngeingei hang e” cih la kisa khawm a, aman ciangin Rev. En Cin Pau thupha piakna tawh Zomi Khuado Malaysia 2017 nuamtak in kizo thei hi.
Zomi Khuado pawi a ding sum leh paai tawh hong kihel Pawlpi leh Khua kipawlna 97 te ahi zongin, tha leh gal tawh hong kipia khia te, vai tuamtuam ah hong panpih te leh pawi ah hongkihel mimal kim tungah lungdamna lianpi zong I pulak hi.
ZAM ZUM AH HONG HAWH :: Khuitui Gospel pan Evan. Langh Do Khup in Malaysia gam sungah hong hawh sungin Zomi te a it a veina tawh kizui in ZAM zum ah hong hawhin thungetna hong neihsak banah ZAM panpih na in RM 200 hong pia lai ahih manin kilungdam mahmah hi. Topa’n siapa thupha hong zat sak semsem tahen.
ZAM ZUM AH HONG HAWH :: Rev. Zen Khen Kap- Khua, Church pastor Heilei ZBCM, in Malaysia gamsungah hong hawh sungin Zomi te ait aveina tawh kizui in ZAM zumah hong hawhin thungetna hong neihsak ahihmanin kilungdam mahmah hi. Topa’n thupha hong piaksak semsem tahen.
Lungdam kohna khuado sum pia teng
RM 350 TAWH MAPANG—Lailo khua
RM 300 tawh ma hong pang khawm te :: 1. ZCCM 2. Zomi Innkuan-Rawang 3. ZCF– Kajang4. MBF) 5. ZEM 6. ZCF– Canaan7. MLPP 8. ZCA 9. ZAC10. Zion UPC 11. Shalom Christian Fellowship –Kota Damansara12. Khenman Khua 13. ZCF-Kota Damansara14. MZCC 15. Tuilangh 16. Adonai ZCF 17. Sunway Emmanuel Church 18. Shalom Church –Songailong19. Christ Mission Church (CMF)
RM 200 tawh mapang khawm teng :: 1. Thalmual Innkuan 2. Darkhai Unau-Malaysia 3. Mualpi Innkuan– Malaysia 4. Haupi Khua kipawlna 5. Vongmual Khua Kipawlna 6. Tuithang Innkuan- Malaysia7. Limkhai Bung Khua Kipawlna 8. Saipimual Khua Kipawlna9. Zung Khua Kipawlna 10. Cikha Innkuan Malaysia11. Buanli Khua Kipawlna 12. Mualnuam Khua Kipawlna13. Chanthagyi Khua Kipawlna 14. Taaklam Innkuan Malaysia15. Ngalbual Khua Kipawlna 16. Suanghoih Khua Kipawlna17. Saizang Khua Kipawlna 18. Tuimui Khua Kipawlna 19.MZYA (Malaysia Zozang Youth Association) 20. Dimpi Khua Kipawlna 21. Kansau Innkuan 22. Sezang Vontawi-Malaysia 23. Anlangh Khua Kipawlna24. Selbungh Khua Kipawlna 25. Laaitui Innkuan-Malaysia26. Pyidawtha Innkuan-Malaysia 27. ZCF– Dengkil 28. Phaiza Khua Kipawlna 29.Cingpikot –Keizang Khua 30. Malaysia Tedim Suangpi Innkuan31. Heilei Innkuan Malaysia 32. Malaysia Tungzang Innkuan33. Vaivet Khua Kipawlna 34. Ngalzang Innkuan Malaysia35. Mualkawi Khua Kipawlna 36. Lailui Innkuan Malaysia37. Suangsang Khua Kipawlna 38. Mualbeem Innkuan Malaysia39. Singzung Khua Kipawlna 40. Tuisau Khua Kipawlna 41. Tuivial Khua Kipawlna 42. Dimlo Khua Kipawlna43. Lalta Khua Kipawlna 44. Singgialzang Khua Kipawlna45. Tuitangzang Khua Kipawlna 46.Teeltui Von Innkuan-Malaysia 47. Phaileng Khua Kipawlna 48. Mualzang Khua Kipawlna49. Suangzang khua kipawlna 50. Haicin Khua Kipawlna51. Tuizang Khua Kipawlna 52. Malaysia Mavom Innkuan53. Lezang Khua Kipawlna 54. Tuipi Khua Kipawlna55. Laangzaang Khua 56. Pangsak Khua Kipawlna57. Luangel Khua Kipawlna 58. Vangteh Innkuan59. Bethel Christian Church –Songailong
RM 100 tawh mapang khawm teng1. Bapi Khua Kipawlna 2. Teeklui Khua Kipawlna3. Tungtuang Khua Kipawlna 4. Paangzaang Khua 5. Manna Myanmar Christian Fellowship(MMCF)6. Tualzang Innkuan 7. Tuicinlui Innkuan-Malaysia8. Lamzang Khua Kipawlna 9. Buan Khua Kipawlna10. Ngennung Khua Kipawlna 11. Zampi Khua Kipawlna12. Ngausing Khua Kipawlna 13. Lingthuk Khua Kipawlna14. Thangnuai Khua Kipawlna 15. Singunau Khua Kipawlna
RM 150 tawh mapang khawm teng :: 1. Tauleng Khua Kipawlna 2. Grace Gospel Assembly3. Tongsial Khua Kipawlna
KHUADO PAWI LUCKY DRAW HONNA PAN ANGAH TENG :: 1. 0320 1st Prize – Iphone 7plusLian Suum – Phaiza 2. 1386 2nd Prize Ipad 64 GB-HZ Khaipi -Cikh3. 3732 3rd Prize laptop Computer i3 – Mang Sian4. 0814 4th Prize Suitcase Pa Kham -Maluri5. 3934 5th Prize Guitar -Thawng (Lailui)6. 1544 6th Prize Rice Cooker – AungAung (Mara)7. 3664 7th Prize Fan -Piang Lam Mang8. 3674 8th Prize Back Pact – Hmel I Hale A (MMC) 9. 1820 9th Prize Power Bank – Peter Khen Dal10. 0747 10th Prize Pen Drive – MBF-Y
HOLIMNA KINEI THEI :: Khuado pawi ah zinmangpi dingin I sap ahi Professor Dr. C Thang Za Tuan, ZCD Youth pan Pa Cin Lian Khai te ZAM zumah hong hawhin Zum nasep natawh kisai vai tuamtuamte kikum khawmin holimna kinei thei hi. Topa’n Siate thupha hong piaksak semsem ta hen.
LUNGDAM NA KICIAMTEH :: Designer Doe Dongh (Tuun’ Vaang Zua’ Liim) in ZAM zum a nasem te a ding ama design Zopuan hong piakhia ahih manin kilungdam mahmah hi. Topa’n thupha hong piaksak semsem in a nasepna te ah hong gualzawh pih semsem tahen.
ZOGAM ZOMI VAI HOLIMNA OM DING :: Kawlgam pan hong zin ZCD Youth pan Pa Cin Lian Khai & ZNCM pan Dr Khen Za Sian te tawh Malaysia aom Zomi vai leh mailam kalsuanzia ding pulaakna leh kikupna 23 October 2017 -Monday 3:00pm in om ding ahihman in ZAM hall ah hun nong lap nangh kon zawn uh hi.
ZATO LAM TAWH KISAI Contact : Sia Khuppi 016 3838 014, Smh CiiCing 0111 282 8482
Kimat kihen na tuahkhak leh: Malaysia a om Zomi te kimat kihen na tuahkhak uh leh Contact Sia Tuangpu: 016 254 4093, Sia Go Mang: 018 202 1216
ZOMI TE A DING NASEP
HOTEL HOUSEKEEPING- : Parttime/Fulltime kideih – Waiter/Waitress zong, Khasum RM1400-1500 kikal, Nasep hun 8:00AM-8:00PM. Omna pia lo. An pialo. UN card nei hi ding. Interview om ding. A mun : -Lrt Dang Wangi Station & Monorial Medan Tuanku station kiimteng.
Thupuak PDF File >>>
Car Workshop : Pasal 1 ki nawhdeih. Khasum-Rm1200 Nasep hun-8am to 5pm-OT omhi. Omna pia-An pialo Offday-Sunday off+Every holiday off. Amun-Subang
THONG LAM BUAI PIH1. Pau Suan Tuang (Tamu) – Dang Wangi Lockup pan kitan khia thei.
LUNGDAM KOHNA 1. Pau Suan Tuang (Tamu) RM200 panpihna hongpia khempeuh tungah genzawhloh lungdamna lianpi ZAM pan kong tangko uhhi. Topa’n Zomite adingin mapang zo semsem dingin thupha hongpia tahen.
Comment piaknop aomleh...