ZAM Thupuak :: 17 Mar 19 (Chin State Refugee te hutna kisamlai)

ZAM Thupuak :: 17 Mar 19 (Chin State Refugee te hutna kisamlai)

KAWLGAM AH BITNA OMLO SEMSEM AHIH MANIN, CHIN STATE PAN HONG PAI GAMBEEL TE HUTNA (PROTECTION) KISAM ZOMTO LAI DING HI CI-IN UNHCR TE IN NGEN HI.

Kawlgam sung security lungmuanna omtheih nailoh thu tawh kizui in, UNHCR a ki ci UN Refugee Agency te in, Chin State pan hong pai gambel mite in kepbitna (protection) kisam lai ding ahih manin, Agency te in refugee status hongsak suak lai ding hi.

Tulaitak, Chin State pan hong pai mi 18,000 val in UNHCR tawh register bawl uh a, a tam zaw mi 15,000 kim bang pen Malaysia ah om in, India, Thailand leh Nepal ah zong om kawikawi uhhi.

2018 kum sung in, Chin State leh Sagaing mun teng ah thupiang te leh ki khelna tuam tuam hang in, UNHCR te in huhna ki sam lai ding hiam cih kan na nei uh a, kepbitna(protection) bangzah kisam lai ding cih na en uh hi.

Nung kumsung thukanna bawl zawh uh ciangin, Chin State leh Sagaing mun teng pan thupuak (reports) leh thukhinkhaina (asssessments) te et kak uh a, kikhelna lam bang mah omloin, a lauh huai semsemna thu a tuamtuam kiza/thei zaw hi.

A thupipen in ah, Southern Chin State lamah security lauh huai semsem nate UNHCR in mu khia hi. Kisimmawhna, ngonghtatna, leh kisuksiat nate tam semsem ahihmanin, UNHCR in a lungkhamna uh mipi khempeuh tung ah thupulak khiat na (public statement) ah hong ngen khia uh hi.

Security lungmmuanna omnailo ahih main, UNHCR te in Chin State pan hong pai gambel te mimal in etphat kikna (individual review process) ahihding khawl phot uh hi.

UNHCR ah Assistant High Commissioner (Protection) Pa Volker Turk in a gen na ah “South Chin State sung ah lauhhuai na tamsemsem a hihman in, Chin State pan hong pai gambel te in kepbitna(protection) kisamlai ding cih tel mahmah hi ung. Tun sepleh bawlzia dingte khantohna ding leh ih hihngei sepngei te zop kik theih ding hanciam ding hi ung.”

2018 sungin, gam tuamtuam a Chin State pan hong pai gambel mite omna mun te ah UNHCR te in thuki kuppihna leh mimal in etphatna (individual review) bawlpihna cih te kipan khia uh a, a khensat lian na hong om nailo uh hi. Mimal in etphatna (Individual review process) hihna hangin Chin State pan hong pai gambelte in a gambel dinmun te uh kemsuak thei uh a, a hihang tun mimal in etphatna bawlkikna (individual review process) te kikhawl bawl phot hi.

UNHCR te in Chin State a minamte ading a hihtheih tawpna uh tawh hong kepbit lai ding uh hi ci hi. Mailam ciang kawlgam sung security hong muanhuai in, lungkham nading omnawn loh ciang zong, a ki ciah theih nading hong ki ngaihsutsak ding hi. UNHCR te in Chin State pan hong pai gambel te belh nading mun hong pia gam khem peuh tung ah lungdam kohna hong nei uh hi. Note: I thungetna te zom pai suak lai ni. Original in a sim nuam te in hih link pan in zong kisim thei hi. https://www.unhcr.org/news/press/2019/3/5c8a31984/unhcr-says-ethnic-chin-refugees-require-continued-international-protection.html

COMMUNITY TE TUNG AH ZAKSAKNA

March kha 14 ni-in UNHCR te in Chin State pan hong pai gambeel mite tungah mimal in etphatna a bawl uh khawlsak ta ung ci-in hong zasak uh hi. A thu te a guicing zaw in a hun zui in hong kizasak toto ding hi.

Hih a pulakna ah mimal in etphatna a bawlna hangin Option a tel kha te pen a UN laidal uh a hun a bei ma in UNHCR zum pan in hong kisam kik ding a, tua hong sap kik hun na ngak na ding uh zong kong zasak uh hi. (A kisam kik te UN card mah pia kik ding) Adang zum vai te a hih leh a ngeina mah bang in pai suak ding hi.

INTERVIEW NA PAI CIANG

Tulaitak a diakdiakin RSC leh DHS interview te kinawh sap mahmah ta hi. Tua ahih manin interview na pai ciangin pelloin na theih ding thu pawl khat hong om hamtang hi. Tulai tak pen ei ading hun nunung hong hi ta ahih manin interview ah ki ginglopi a na paina pen nang leh nang a kibawlsia tawh a kibang na hih lam phawk gige in. Tua ahih man in hun hoihlo sungah I mailam kalsuan nadingte ei mau mahmah in a hoihpen ding in hanciam tek ni.

1. Thu hong kidongte hoihtak tel lopi in dawng kik kei hamtangin. (upmawh dawn or mangsia khiat in khiain dawng kei in) Telmel lopi in upmawhna dawnna in na zum vai hong kikhel sak thei cih phawk gige

2. Kamphen te in pau telcian lo ahih kei leh nang lam panin kamphen te pau telcian loh na khat a om khak leh zong kisuangtaklo tak mah in kitel kei ci-in gen lel in. Tua bangin na sianggen na hangin nang a ding buaina bang mah om tuanlo ding hi.

3. Pawl khat in ei khua awsuah/awkaih tawh I pau ciangin kamlet pawl khat in zong tello thei hi. Tua bang hun ciangin kamlet pawl khat in Tedim pau in pau in ci in tai cih zong kiza thei a, ahi zongin kamphen te mahmah in zong nang pau hong tel ding zong a thupi a hih lam phawk hamtangin. Kammal khat kitelkhial leh zong I vai pi khat ki pelh thei hi.

4. Zomi ahi lo namdang te in kamlet hong sep a, a pau na tel kei leh zong tello cih siangtakin gen pah zaw in.

5. RSC officer a tam zaw in Malay pau zong tel ahih manin a thugen te na tel kei leh Malay pau tawh zong na tel lohna gen kik zaw lel in.

6. DHS na interview ciang hong dotna na tel kei leh na tel dong dong kik kik lel in. Tua bangin dot kik hangin bang mah buaina om tuan lo hi.

7. A diakdiak in tulai tak min kitaih te DHS a sap laitak ahih na tawh kizui in ih min tawh kisai hoih tak I ki ging kholh ding hong thupi mahmah ding hi. Khat vei mawh matna om khin ahih manin tutung ah I dawndan leh I lakkhiat dan I siam ding hong thupi mahmah ding hi.

UNHCR ZUM PAN PHONE HONG KISAP CIANG

UNHCR zum pan in phone hong kisap ciangin hong sapna mun (RSD,DSU/RST/RSC/OPE, DHS ..etc) dong hamtang inla, bangvai tawh hong sam cih zong dot ding manggilh kei in. Phone hong kiho ciangin zong hoih takin kiging kawm sa in dawng kik inla, thudot hong neih leh zong na zum vai tawh a kipelh loh ding hoih tak ngaihsun kawm sa in dawng kik hamtangin. Kam khat I dawn khialh na tawh supna tampi piang thei hi.

KIDAWM CIAT NI

Malaysia om Zomi pih a kua ma ciat I omna gam huih nun zia tawh kizui in kidawm ciatni cih hong zasak phapha ung. Kimat kihen hong tam mahmah in, a mun mun ah oparasi hong lut pahpah ahih manin vaksuk vaktoh, hawhsuk hawhtohna ah kidawm ni. I om na veng kim veng pam ah zong kidawmsa in om ciat ni. Kiim leh pam a om mite in hong muh khialh loh dingin I om dan I khawl dan te kikem siam kawm sa in om ciat ni. Vai thupi mahmah lobuang zong vakvak kei zaw leng hoih zaw ding hi. A diadiak in mitam na munte ah tam vak kei leng ei a ding hoih pen zaw ding hi. A zenzen in kimat kihen na khat na tuak leh ZAM zum ah hong zasak pah in. Contact – Sia Tuangpu 016 254 4093 – ZAM hotline 016 293 9027

ZAM ZUM AH HONG HAWH

Zampi khuami Harvester Christian Center-Yangonah Pasian nasem Sia Thuam Khat Suan in Malaysia hong zin sungin Zomite a it a vei natawh kizui-in ZAM zum ah hong hawh in, ZAM zum pansan kawm in Malaysia Zomite ading thungetsakna hong nei ahih manin kilungdam mahmah hi. Topa’n siapa nuntakna hong zang semsem tahen.

MYRC CARD VAI ZAKSAKNA : MYRC card bawl ding a lunglut te in March 20, 2019 (Wednesday) ni-in kibawl thei ding hi. A bawl nuam te in zingsang nai 9:00 in ZAM zum ah hong pai un.

KAWLGAM CIAH THEI TA UH

1. Mung Ngaih Lian (Tonsim) pen Bukit Jalil camp ah contact neilo in a om zawh sawt a, Sia Gin Go Mang te innkuan in thong kia te huh na’ng hong piak sum tawh kivai hawm sak in 14 March 2019 ni in kawlgam ciah thei ta hi.

2. Kap Deih Cin (Zozang) pen Bukit Jalil camp ah contact neilo in a om zawh sawt a, Zomi Innkuan Rawang te in thong kia te huh na’ng hong piak sum tawh kivai hawm sak in 14 March 2019 ni in kawlgam ciah thei ta hi.

TUKAL SUNG ZATO LAM BUAIPIH

1. Cing Ngaih Khawm (Thalmual) Damai Service Hospital ah kibuaipih ZATO LAM TAWH KISAI :Zato lam tawh kisaiin vai khat peuh na neih leh Contact :Sia Mungpi 018 3122 957

DAHPIHNA

Taaklam khuami Naulak beh Pa Suan Khan Nang leh Nu Luan Ngaih Dim te tapa Pa Thawng Suan Mung in 12 March 2019 ni-in hong nusia a, zum vai teng a kivan khit ciangin a luanghawm pen 15 March 2019 ni-in kawlgam kipuak kik hi. Pa Thawng Suan Mung pen ZAM/ZSM member khat ahihna tawh kizui-in ZSM pan-in zum vai teng leh sumtangin RM5000 tawh kipanpih hi. Pa Thawng Suan Mung hong nusiatna hangin adah akap khempeuh Topa Khasiangtho in alam dangin hong heh nem tahen. ZAM/ZSM pan in zong dahpihna I pulak khia hi.

DAHPIHNA

Lingthuk khuami Pa Suan Khan Nang leh Nu Niang Do Vung te tapa Tg. Thagn Hat Khai in 11 March 2019 ni-in hong nusia a, zum vai teng a kivan khit ciangin a luanghawm pen 15 March 2019 ni-in kawlgam kipuak kik hi. Tg. Thang Hat Khai hong nusiatna hangin adah akap khempeuh Topa Khasiangthoin alam dangin hong hehnem tahen. ZAM/ZSM pan in zong dahpih na I pulak khia hi.

HONG ZASAK UN

1. Thang Kheng Mung (Tedim Sakollam) A pa min-Mang Suan Thang ,Semenyih Camp ah om,ciahnang Sum ki thunthei ta hi.

2. Khai Sian Tuang (Tedim Lawibual)A pa min-Kham Khan Dal,Semenyih Camp ah om,ciah nang sum kithun theita hi.

3. Khan Lian khup Semenyih Camp ah om,ciahnang Sum kithunthei ta hi.

4. Khan Sawm Lian Semenyih Camp ah om,ciahnang Sum kithunthei ta hi.

5. Gin Cin khaing Semenyih Camp ah om,ciahnang Sum kithunthei ta hi.

KAWLGAM CIAH NANG SUM KI THUN SAK

1. Zam Sian Muang (Tuipi) Semenyih Camp a om,kawlgam ciahnang,Embassy ah sum thunsak khin hi.

2. Kham Lian Kap (Bualkuang,Tonzang Myonee)A pa min- Langh Cin Hau pen contact a neihloh banah Camp sung a om zawh sawtta a hih man in, Zomi Manchester United Fan te huhna tawh kawlgam a ciahnang RM-650 kithun sak hi.

3. Khawm Sawm Lian (Amat1 KhamPat) A pa min- Zam Khaw Pau zong contact neihloh banah Camp sung a om zawh sawtta ahih manin Zomi Manchester United Fan te huhna tawh RM 650 kipiak sak hi.

4. Gin Sian Khai (Bualkuang Tonzang Myonee) Apa min- Langh Khan Pau zong Contact aneihloh banah Camp sung a omzawh sawtta ahihmanin Zomi Manchester United Fan te huhna tawh aciah nading RM650 kithun sak hi.

TUKAL SUNG THONG LAM BUAIPIH TENG

1. Sian Suan Sang (Vaivet) Kajang thong ah kiveh thei

2. Lian Piang (Kapteel) Bukik Jalil Camp ah kiveh thei

3. Hau Lian Mang (Tongsial) Ampang Mahkahmah ah

4. Zam Suan Tuang Jingjang Lockup ah kibuaipih lai

5. Lian Lang (Pyidawtha) SS2 palik zum ah kitan khia

6. Lian Sian Khual (Ngente) Kepong pan Oparasi tawh kiman in kitan khia thei

KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. te ah na hopih pah in. Nang a dingin a kiging sa in om den ding uh hi. Sia Tuang Pu : 016 254 4093

NASEP LAM TAWH KISAI

Zomi nasep neilote in nasep tuamtuam om hi. A lunglut leh dot nop aneite in Sia Khuppi— 016 3838 014, 011 3563 2059