Dahna Pulakna : Mangpha Pa Ngo Dal

Zomi Innkuan D.C Area (Zomi DCA) pan Dahna Pulakna : Mangpha Pa Ngo Dal

USA gam, Washington D.C Area huam sung, Virginia State, Alexandria khuapi aa ateng Nu Cing Pum Neam ii it luat Pasal, (Pu Sang Za Khup & Nu Kam Huai) te Tapa, Pa Ngo Dal (Kum 53) in tuni, July 4, 2016, zingsang lam in atenna inn pan ihmu suak in mual hong liamsan ahih manin Zomi Innkuan Washington D.C Area (Zomi DCA) kipawlna in nakpi takin kidahpih leh kilainatpih mahmah cih kong pulaakkhia uh hi.

Pa Ngo Dal pen U.S.A hong tun zawh kum 17 kiim pha ta aa, Zomi Innkuan D.C Area (Zomi DCA) akiphuh tung (2001) pan kipan in Zomi DCA hong panpih mahmah khat hi aa, Zomi DCA nasepna leh kikhopna te ah tha hong pia den khat ahi hi. Amah pen Washington D.C Khuapi sung aom Calvary Burmese Church (CBC) ii Pawlpi member khat zong ahi hi. Pa Ngo Dal pen Tongseal beh hi aa, Zogam ah a khualui pen Tedim gam Khuasak khua ahi hi.

Hibang in Pa Ngo Dal ii hong nutsiat na hangin Zomi Innkuan D.C Area kipawlna leh D.C Area sung om Zomi Khempeuh in kidahpih mahmah hi. Pa Ngo Dal hong nutsiatna hangin adah akap khempeuh Topan hehnepna hong pia ta hen.

Tutpih nading Amun (Inn Address) – 6463 Rockshire Street, Alexandria, VA 22315.
**Sihvui nang pen ahun hun in inntek thu nei lam ten hong kiza sak to to ding uh aa, Zomi DCA Facebook page – www.facebook.com/zomidca ah update hong kingelh to to ding hi.

Dahpihna lianpitawh,

Executive Committee
Zomi Innkuan Washington D.C Area (Zomi DCA)
www.zomidc.org