ZAM Thupuak :: 16 Jun 19 (Makaithak kiteelna)

ZAM Thupuak :: 16 Jun 19 (Makaithak kiteelna)

13 June, 2019 (Thursday) ni-in Zomi Association of Malaysia (ZAM) kum (14) cin khawmpi leh 2019-2020 Palaai teelna kinei pen ZAM hall ah kinei thei hi.

Hih khawmpi ah hong pai khempeuh pen Danpuah (Briyani) leh a vot tawh kivak hi. Sun 1:00PM lian in hun kipan to a, “A kipat cil a om ka Pasian” mipi in sa in, kipatna ding in Rev. Thawng Khan Sut (Senior Pastor- Harvest Church) in hong nei hi. A zom ah ZAM lutangpi ahi Sia Kap Za Khup in thukong hon na leh vai muakna hong nei hi. Tua khit ciangin 2018-2019 sung ZAM nasepna te pulakna (Report) piakna kizom to hi.

Amasa in Damlo lam van na tawh kisai in Sia Kam Sian Mung in pulakna hong nei a, a zom ah ZAM counter leh ZWO tawh kisai in pulakna Sm Cing San Huai @ Saanpi in hong nei hi. A zom ah kimat kihen vai sepkhiatna tawh kisai in Sia Joseph Tuan Sawm Tuang in hong nei leuleu hi. Tua khit ciangin lutangpi Sia Kap Za Khup in ZAM zum kivai puak zia leh nasepna te a cingtak in hong pulak khia hi. 2018-2019 ZAM sum lut leh sum zatna tawh kisai in Auditor te sung pan Rev. En Cin Pau in hong nei hi. Tua khit ciangin Pu Lengtong Pauno in lasak na hong nei hi.

Hunpi khennih na ah palaai thak kiteelna hun kinei a, 2019-2020 kum ZAM palaai ding mi (6) a kisam teng cing lian ahih manin teel kullo in apna kinei suak pah hi. 2019-2020 ZAM kalsuan na ah panmun la in hong makaih dingin a nuai a teng kipsakna leh apna kinei hi.

• 1. Sia Kap Za Khup 011 3563 2059 Sia Kam Sian Mung 018 312 2957
• 2. Sm Cing San Huai 017 282 4801 Sia Thang Zo Mung 017 663 6087
• 3. Sia Joseph Tuan Sawm Tuang 016 254 4093 Sia Sian Mung 018 913 2587

Tua ban ah 2019-2020 sung ZAM ah khalam taksa lam ah thudotpi dingin anuai a teng zahtakna leh muanna tak tawh kiseh hi.

• 1. Rev. Thang Do Khen : 017 611 5622 8. Rev.Thawng Khan Sut : 016 6443 011
• 2. Rev. Gin Khan En : 017 334 176 9. Rev. Pau Sian Piang : 016 318 5296
• 3. Rev. Dai Sim Mang : 016 615 7573 10. Rev. Thang Za Cin : 012 661 0046
• 4. Rev. En Cin Pau : 018 272 3720 11. Simon Pau Khua Muan Lal: 018 238 6204
• 5. Pa Thang Za Khai : 012 621 2447 12. Pa Thang Suan Piang : 016 254 3352
• 6. Rev. Ngin Khat Thang : 016 334 7900 13. Rev. Khen Za Dal : 012 263 6330
• 7. Sia Hau Thang : 016 282 0189

Khawmpi ah hong pai Pasian nasem te leh mipi khempeuh in palaai thak te adingin thupha piakna kinei hi. Tua khit ciangin mipi in “Tun Sung Khat Pan” cih la kisa khawm in aman ciangin Rev. Thang Do Khen thupha piakna tawh hun khempeuh nuamtak in kizo thei hi.

REFUGEE DAY KIBAWL DING

World Refugee Day pen Malaysia Ethnic Women Refugee Organization te makaihna tawh Methodist Collage Kuala Lumpur ah nitak 4:00PM-8:00PM sungin nasia takin kibawl ding hi. Hih hun sungah nek theih tuamtuam kizuak ding a, naupang kimawlna tuamtuam, performance lahna tuamtuamte zong om ding hi.

PILVANG TAK IN OM SAWM NI

Ih omna Malaysia gam ah nisim phial mah in amun mun ah kimat kihen om thei den ahih manin ei lam pan zong kidawp mahmah ding ih kizasak phapha hi. Hidan in kimat kihennate hoihtak etphatna ih neih ciangin a tam zaw pen ih vakna leh ih kim ih pamte in hong thuaklah in zum ah hong khiatna tawh kiman kitam zaw hi. Hidan dinmun ih tuak loh nadingin ei mahmah zong ih om dan ih khawldante a kipan ih pilvang ding kisam mahmah hi. Ei suaktakna in midangte anawngkaisak ahihloh ding ngaihsut huai semsem hi.

Malaysia gam sungah ih om sungin kipawlna khat limlim ah hoihtak ih kihel ding, Pawlpi khat limlim ah hoihtak member ih lut ding leh ih khua kipawlnate hoihtak kancianin kipawlkhop ding thupi mahmah a, tua dan ih kipawl hamtang dingin zong ih kihan thawn pha pha hi.

Malaysia om Zomipih a kuamaciat ih omna gam huih nun zia tawh kizui-in kidawm ciatni cih hong zasak pha pha ung. Kiim leh pam a om mite in hong muh khialh loh dingin I om dan I khawldante kikem siam kawmsa in om ciatni. Vai thupi mahmah lobuang zong vakvak kei zaw leng hoih zaw ding hi. Grab tawh na vak leh zong na tuan ding motor hawlte hoihtak teelsiam lecin nang a ding hoih pen dinghi. A diadiakin mitamna munte ah tam vak kei leng ei ading hoih pen zaw ding hi. A zenzen in kimat kihen na khat natuak leh ZAM zum ah hong zasak pah in.

UNHCR ZUM PAN PHONE HONG KISAP CIANG

UNHCR zum pan in phone hong kisap ciangin hong sap na mun (RSD,DSU/RST/RSC/OPE, DHS..etc) dong hamtang inla, bangvai tawh hong sam cih zong dot ding mangngilh kei in. Hong hopih uh natel kei leh ken pau tello hi ing cih hoihtak gen inla nang ih tel pau mah tawh hong sap kik na ding gen hamtangin. Telmel lo pi in kiho in aman ciangin koi mun pan bangvai tawh hong kiho cih tello in lungmangin na om sangin na ma vang zaw ding hi.

Pau na telloh na hangin na vai buaina omlo zaw a, telmel lopi in na om na hangin hong buai huai zaw ding hi. Phone hong kiho ciangin hoihtakin kiging kawm sa in dawngkik in. Thudot hong neihleh zong na zum vai tawh akipelh lohding hoihtak ngaihsun kawmsa-in dawn -gkik hamtangin. Kam khat ih dawn khialhna tawh supna tampi piang thei hi. Hong sapna Department ih theih kei leh zum I pai ciangin nawngkaina tampi om zelzel hi.

Ih zum vai ciat pen midang in hong huh theih leh hong panpih theih tampi a om mah bangin ei mahmah in ih suksiat theih zong tampi om thei zel ahih manin ei vai ei mah in ih kin ding thupi ahihi.

Kum tampi ih ngak sa khat pen minute khat minute nih kiho na in hong susiathei cih phawk kawmsa in ih dawn kik theih ding leh ih tel mello kampau tawh hong kiho leh zong ih tel sitset kampau mah hong zatna ding uh ih nget ham tang ding pen ei lam pan mawh puak ahi hi.

INTERVIEW NA PAI CIANG

UNHCR zum ah interview napai ciangin pelloin na theih ding thu pawlkhat hong om zel hamtang hi. Interview ah kiginglopi in napai pen nang leh nang akibawlsia tawh akibang nahih lam phawk gige in. Ih mailam kalsuan nadingte ei mau mahmah in a hoihpen ding in hanciam tek ni.

1. Thu hong kidongte hoihtak tel lopi in dawng kik kei hamtangin. (upmawh dawn or mangsia khiat in khiain dawng kei in) Telmel lopi in upmawhin na dawnna in na zum vai hong kikhel sak thei cih phawk gige in.

2. Kamphen te in pau telcian lo ahih kei leh nang lam panin kamphen te pau telcian loh na khat a om khak leh zong kisuangtaklo tak mah in kitel kei ci-in gen lel in. Tua bangin na sianggen na hangin nang a ding buaina bang mah om tuanlo ding hi.

3. Pawl khat in ei khua awsuah/awkaih tawh ih pau ciangin kamlet pawl khat in zong tello thei hi. Tua bang hun ciangin kamlet pawl khat in Tedim pau in pau in ci in tai cih zong kiza thei a, ahi zongin kamphen te mahmah in zong nang pau hong tel ding zong a thupi a hih lam phawk hamtangin. Kammal khat kitelkhial leh zong I vai pi khat ki pelh thei hi.

4. Zomi ahi lo namdangte in kamlet hong sep a, a pau na tel kei leh zong tello cih siangtakin gen pah zaw in.

5. RSC officer a tam zaw in Malay pau zong tel ahih manin a thugen te na tel kei leh Malay pau tawh zong na tel lohna gen kik zaw lel in.

6. DHS na interview ciang hong dotna na tel kei leh na tel dongin dong kikkik lel in. Tua bangin dot kik hangin bang mah buaina om tuan lo hi.

7. Zum ah interview ding na pai limlim ciang zuu nam heha sa leh kamsan biabua sa khawng in pai kei zaw hamtang in.

WELCOME TO ZAM

Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang in thapiakna leh idea tuamtuam piakna nong neih na dingun kong zawn phapha uhhi.

A THEIH HUAI ADDRESS PAWL KHAT

ACTS CLINIC

• 44A, Jalan Padang Belia, 50470 Brickfields, Kuala Lumpur. Phone : 03 2272 2585
• Monday-Friday 9:00 AM– 5:00 PM
• Sunday –9:00 AM—1:00 PM (Sunday ni naupai te kilak thei lo hi.)
• Saturday leh Public holiday nisim kikhak den hi.
• Grab/Uber—ACTS CLINIC

HEALTH EQUITY INITIATIVES (HEI)

• 26-1A 1st Floor Jalan Vivekananda 50470, Brickfields, Kuala Lumpur. Phone : 03 2272 4957
• BUDDHIST TZU-CHI KL FREE CLINIC
• 221, 4th Floor Wisma LTS, Jalan Pudu, 55100, Kuala Lumpur. Phone : 03 2142 1567
• Mon & Tuesday—9:00 AM—12:00 Noon
• Thursday & Friday—1:00 PM—4:00 PM

HAA BAWL NUAMTE

• Wednesday—2:00 PM—5:00 PM
• Sunday—9:00 AM—12:00 Noon
• Saturday nisim kikhak hi. Grab/Uber—Wisma LTS

UN SISITNA MUN

• IOM MHD MALAYSIA
• No. 1 Jalan Pahang, 2nd Floor, Level 3
• KPJ Health Care Tawakkal Hospital, Kuala Lumpur
• 53000. Phone : 03 9235 5400
• US CO (Culture Orientation) KAH NA MUN
• F&B Business Park, 18 Jlan Metro Pudu 2, Fraser Business Park, 55100 (Near Chan Sow Lin LRT Station)
• AUSTRALIA TENTAN KAHNA MUN
• A 14-6 Menara Atlas Plaza Pantai, Jalan Pantai, 59200
• Kuala Lumpur. Phone : 03 9235 5431 (Kerinchi LRT Station ngei)

ZATO LAM BUAIPIH TENG

1. Niang Lian Lun (Anlangh) Selayang Hospital

ZATO LAM TAWH KISAI : Zato lam tawh kisaiin vai khat peuh na neih leh Contact :Sia Mungpi 018 3122 957

THONG LAM BUAIPIH TENG

1. Cin Khan Mang (Vongmual) Kawl sai pan Oparasi tawh kiman in Petaling Jaya Palik Lockup ah om in kibuai pih laitak hi.

2. Go Leng Pau (Vongmual) Kawl sai pan Oparasi tawh kiman in Petaling Jaya Palik Lockup ah om in kibuai pih laitak hi.

3. Thang Mun Mang (Vongmual) Kawl sai pan Oparasi tawh kiman in Petaling Jaya Palik Lockup ah om in kibuai pih laitak hi.

4. Do Khan Pau (Vongmual) Kawl sai pan Oparasi tawh kiman in Petaling Jaya Palik Lockup ah om in kibuai pih laitak hi.

KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. ah na hopih pah in. Nang a dingin a kigingsa in om denhi.

• Sia Tuang Pu : 016 254 4093
• Sia Zo Mung : 017 663 6087
• Sia Sian Mung : 018 913 2587

NASEP TAWH KISAI : Zomi nasep neilote in nasep tuamtuam om hi. A lunglut leh dot nop aneite in Sia Mungpi : 018 3122 957

LUNGDAM KOHNA

1. ZCCM pawlpi RM50

Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi danin I pan khopnate hangin tuni dong a kalsuan zo I hihi. Topa’n Zomite adingin mapang zo semsem dingin thupha hong pia tahen. ZAM ZUM HON HUN : 9:00AM-6:00PM Phone : 03 2142 6659/ 03 9226 1926