ZAM kum 9 cinna khawmpi leh palaai kiteelna noptak kizo
June 8, 2015 sun naiampmChinese Assembly Hall ah ZAM kum (9) cin khawmpi leh 2015-2016 ZAM makai ding kiteelna nasia takin kibawl thei hi. Kum (9) sung tawntung a nungta Pasian in haksatna leh gentheihna a tuamtuam sung pan hong ompih in Pasian’ hehpihna mah tawh ih Zomi Kipawlna hihciang maa a suanthei ihhi hi.Kumcin Khawmpi hong pai pawlpi sia makai te, khua kipawlna makai te leh pawlmi akuama khempeuh tungah ih Kipawlna tangin lungdamna kong ko uh hi.
Hun masa pen ZAM kum 9 sung lam honglak, hong kithuah pih Topa tung lungdam kohna leh 2014-2015 palaai semte kiang pan sep khiatna pulakna ki nei hi. Khawmpi sim mimal 97 pha in sunan kivak hi. Hun nihna ah Election Committee te in kiteelna hong makaih in 2015-2016 makai ding Khua kipawlna leh pawlpi panin mee piakna ki nei hi. Mee (vote) tang kigawm vekpi 76 pha in, candidate pasal mi 12 lak panin mipi in pasal 7 mee tawh teel khia in, numei pen 2 bek ahih manin teel kul nawnlo hi. Teelcing pasal 7 leh numei 2 te amau leh amau mee piakna tawh panmuh kiteelna nei uh hi.
ZAM Patrons
Pu Tun Sawm Khai @ Zokhai (Australia)
Pu Paul Maang Suan Pau (USA)
Pu Go Sawm Khup (LZI President)
Pu Cin Sian Thang (ZCD President)
Pu Hang Khan Lian (Singapore)
ZAM Thudotpi 2015-2016
Rev. Dr. Cin Sian Pau
Rev. Thawng Ngaih Khup
Rev. Gin Do Khup
Rev. Thang Do Khen
Pa Thang Za Khai
Pa Joseph Mangsen
ZAM Office Bearer (OB) 2015-2016
President : Hau Suan Khai
Vice President : Kam Lian Mung
General Secretary : Khoi Sian Tuang
Assistant Secretary : Francis Lamthang
Treasurer : Thaa Mung
Accountant : Zam San Cing
ZAM Executive Committee (EC) 2015-2016
Joseph Tuangpu
Kep Lian
Ning Ngaih Hau
Nasep hawmna
Hau Suan Khai : Zum vai khempeuh
Kam Lian Mung : ZSM (Genvai)
Khoi Sian Tuang : Office Admin/Maintenance
Francis Lamthang : Laigelh & Thupuak
Zam San Cing : Registration & ZWO
Joseph Tuangpu : Intervention
Thaa Mung : Assistant Intervention
Ning Ngaih Hau : Health Coordinator
Kep Lian : Health Assistant
Malaysia Immigration thuneite 4 kiman
Langkap thong a thunei Immigration Officers 4 te kimatna hangin Chin leh Rohingya refugees te a huncing nailopi in RM2000-3000 tawh a suakta sak ziauziau kipawlna om hi cih thu Malaysian Anti-Corruption Commission (MACC) officers te in mukhia uh hi. Hih banga a kisuahtaak sakna munte pen Pahang, Perak, Penang leh Kuala Lumpur pan hi cih zong mukhia uh hi. UNHCR Card tawilo mi 10 val ding khawng pen thong thuneite in UN thuneite tawh kimuh nang thu om cih tawh suakta sak ziauziau uh hi. Golhguuk neksimna hanga kiman Immigration thunei 4 te pen kum 30 kiim vive hi-in, thukhen zumah thudot phat dingin ni sagih sung a kikoihcip laitak uh ahi hi. Langkap thong pen galtaai mattuakte tampi tak a kikoihna mun ahi hi. MACC te’n a genna ah “Thong lam thuneite Bank Account zong a kikhaksak mang ding hita hi” ci hi.
Source : themalaymailonline.com
Na UN Card hong laksak lohna ding
Na UN vai tawh kisai na tangthu leh na gensa dan hoihtak na ciapteh tawntung ding kisam hi. Gentehna in, nang thong pan a ngah hi dingin na card tettan tu a napai teh thu hong kidot teh na thongkiat lai a na Body No. leh thong min hoih tak na gen theih setset kei leh hong umlo in na card hong lak sak ding uh hi. Tua mah bangin zato lai tawh lutte zong na damlohna zato lai teng hong dong ding uh a, na lak theih kei a leh hong umlo ding uh hi. Tua ahih manin na card hong laksak lohna ding na UN tangthu hoihtak theih sawm in la banghun banghun in hong ki dong zong gen theih dingin ki gingsa in om tawntung in.
RST ah laigelhsak ziahziah
17 August 2010 pan December 2012 kikal a UN ngah 354 tawh kipan te RST ah lai kigelh sak ziahziah. Na gelhsak nai kei leh ZAM zumpi ah amanlang in gelh sak in.
Gamgii ah kikapna
Tukaal Tuesday ni-in India leh Kawlgam gamgii a Naga singnuaimi te bukna Camp India Commando te in luh in mi 38 va kaplum uh hi. Tua banah Camp zong halsak uh hi. Hih kikapna pen June ni 4 ni a Naga singnuaimi te’n India galkapte 18 kiim a kaplup sakna uh hanga phulak kikna hi-in, India in a genna ah hih kikapna pen Kawlgam sung hi ci hi. Ahi zongin Kawlgam in ko ka leitang tung vuah singnuaimi te ka omsak ngei kei uh hi. India kumpi tawh mapang khawm in hih singnuai-mite ka beisak ding uh hi ci leuleu hi.
Aung San Suu Kyi in a honkhia zo diam?
Sen gamah Suu Kyi a khatveina vahawh in Sunday ni dong va taam ding hi. Suu Kyi mah bang a Nobel Prize a ngah Liu Xiaobo pen Sen kumpi in thong sungah a khum laitak ahi hi. Suu Kyi in a honkhia zo diam cih pen mite kikup hi-in, himah leh Suu Kyi in Sengam a zin sungin Liu Xiaobo vai kam a pau khak leh Sen kumpi te nuam hetlo ding a “Kuakua a pau zongin Sen kumpi thukhenna kilaih kik ngeilo ding hi” cih thu kumpi thunei te’n gen uh hi.
Tangh natna (Measles)
Hih natna pen naupangte lakah a nei tam pha diak hi. Kum sim in hih natna hangin a si mi 100,000 lakah a tamzaw pen naupangte hi. Hih natna a thuak naupangte pen khuh, hat-chiai leh Nattun banah sungpai, mittaw, khuak khang, bil ngong leh tuap natna zong nei thei lai uh hi.
Measles lungno kitheh thaang dan: Tua banah hih natna lungno pen naak sung leh gawl sungah teeng hi. Measles natna a neite a hat-chiai or khuh ciang un a lungno pen kiim leh paam ah kizeel pah hi. Tua ahih manin hih natna anei 90% pen natdalna zatui a kisun nai lo teng hi pha diak uh hi. Hih natna pen sanginn sung leh mipi kikaih khopna ah ki thehthang baihin ki lawhbaih mahmah hi. Measles natna tawh kipelh theihna lampi hoih penin natdalna zatui kisut bek mah ahi hi. Ahih hangin theih dingah natdalna zatui ih cih pen natna nei nailote zat ding bek hi-in, a neikhin sate tungah bel khiatna nei tuanlo hi.
Telloh dotbehnop na neih leh UNHCR 03 2118 4879
Measles natna neite bangci kep ding: Na tanote in Measle natna a neih leh inn sungah khumcip zaw in.
Tua ahih kei leh kamtuam bulh sak in. Tua khit ciangin na inn tawh a kinaina pen zato ah lak pah in.
ZAM Palaai te buaipih diak teng
⦁ Thang Muan Lian (Khuadam), Pudu ah CID te’n manin kitan khia thei pah.
⦁ Huainu (Pyidawtha), June 10 ni-in Subang Specialist ah ki buaipih.
⦁ Mang Nuam (Laaitui), June 11 ni-in Bandar Tun Razak ah ki buaipih.
⦁ Mangnu (Tungzang), June 11 ni-in Ear Specialist ah ki buaipih.
⦁ Tual Hen Pau (Mualpi), June 12 ni-in GHKL ah ki buaipih.
⦁ Gin Sawm Lian (Buanli), a omna ki kan laitak.
⦁ Kap Sawm Piang (Buan), Gin Za Khup (Buan), Pau Khan Suan (Kapteel), Suan Pau (Singunau) leh Suan Khua Mang (Sialthawzaang) te Embassy ah buaipih.
ZAM ah nisim in TUNE Insurance ki bawl theita
June 10 ni zingsang nai 10am-12pm kikal UNHCR-IAD & Tune Insurance tawh kimuh khopna UNHCR hall ah ki nei hi. Hih kimuhkhopna sungah Tune Insurance lei ding tha hongpia phapha uh hi. Tune Insurance a leisa te deihloh penin damlohna, zato lum ding na hih leh na Tune Insurance card tung a phone nambat ah zasak pah in. Tune Insurance aleinuam khempeuh in UNHCR zum pai kulnawnlo in ZAM ah nisim in kilei theita hi.
Appointment omlopi in UN na pai ding leh lol theihtawp in lol in
UN ah nau apding, Card tettantu ding, OPI ah thongkia report ding, vai khat peuhpeuh ah appointment neikhollo a pai ding na hih leh lol theihtawp in lol sawm in. Tua hi kei leh ni khat a sepding zah a cinkhit leh hong lutsak nawnlo ding uh hi.
ZAM zong MHPSS ah Member in hong kikoih
UNHCR in Health Equity Initiatives (HEI) leh Taylor’s University School of Medicine tawh pang khawmin Mental Health and Psychosocial Support (MHPSS) a kici Malaysia gam sung a Refugee leh Asylum-seekers lakah ngaihsutna kicinglo leh paikhial teng huh ding leh lamlah ding geelna nei uh a, hi tawh kisai thu kikupna ah ZAM palaaite zong hong sam uh hi. Hih a kivaihawm nasepna in Refugee leh Asylum-seekers sungah lungsim leh ngaihsutna paikhialh lohna ding panpihna hipi pen hi. Hih thu kikupna a kibawl theihna dingin UNHCR, IASC leh WHO te’n hong vaihawm uh hi. Thu kikupna tungtawnin MHPSS sungah Inter Agency Working Group kiphuan khia in, a sempi Steering Committee members dingin ACTS, HEI, ICMC, MERCY Malaysia, Taylor’s University School of Medicine, Tzu Chi, UNHCR leh Zomi Association of Malaysia (ZAM) te hong hi ding uh hi.
ZYA Kaamsinna laibu ki khon kikta
ZYA kaamsinna laibu a kemlai khempeuh in na khot zahzah uh ZAM zumpi ah nong ap kik nading un zahtakna lianpi tawh kong zasak uh hi.
ZAM pandahpihna
Khuadam khuami Pu Kam Cin Suan leh Pi Khawl Khan Cing te’ tapaPa Thang Khan Lal (Kum 42) Ngaihte beh, ZAM-150185/6/2015 ni hong nusiatna hangin ZAM pawlmi hihna tawh ki zui-in ZAM pan sih galna RM500 kipia hi. Sanggampa hang a adah akap khempeuh tawh kibangin ZAM zumpi panin dahkhopna ih pulak hi.
Zomi Card tawite ading nasep
⦁ UNHCR-EST nasep zonsakna panin moh bawlna leh ansai a sem ding UN ngahsa mi 50 ki deih. Alunglut khempeuh in ZAM zumpi ah form hong fill-up un. Nasep hun nai 8 sung. Kha khat ni 5 off. Kha sum RM900. Omna leh an pia. OT nai khat 1.5. Kumcin teh bonus om.
⦁ KFC Jahor Bahru asem ding numei/pasal citak mi 20 kideih. Min pia masasa lut masa hi pah ding hi.
Kizopna ding ‘ 012 367 4665
Lungdamkohna
⦁ Lian Kim in ZAM Thupuak ading panpihna RM20 hong piakhia ahih manin ki lungdam mahmah hi.
⦁ ZAM nasepna te tha napiak nop leh lungdamtak in hong kisang ding hi.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...