ZAM Thupuak :: 12 May 19 (UN Fraud vai meeting kinei)

ZAM Thupuak :: 12 May 19 (UN Fraud vai meeting kinei)

FMT (FRAUD MANAGEMENT TEAM) TAWH MEETING KINEI: 09 May 2019 (Thursday) ni 2:00PM-4:00PM sungin UNHCR zumpi ah Ms, Gwen -FMT Fraud Management Team (FMT) leh Community Leaders te meeting kinei khawm hi. Tua hun sungah dotna lehdawnna tampi kinei thei a, amau lam pan hong dawn kik theih loh zong thu tampi om hi. Hong dawn kik te sung pan pawl khat

1. Fraud Case tawh kisai gam hong ki cancel khinsate koi gam ngahkik ding cih pen bang mah kong gen thei kei uh hi.

2. 2014 lai in Fraud Case min kibangte amau leh amau hong ki-apte a min uh kilaihsak in a UN mabaan uh a ngeina mahbangin kizomto ding hi, ngak zawh ding kisam hi.

3. Min ki bang Fraud case a om lai leh hong ki-ap un. Na UN maban uh a ngeina mah bangin hong ki paisak (Process) veve laiding hi.

4. Fraud case tawh RST mankhin Resettlement pepline sung alutkhinsate zong nalunghimawh kei un. Na UN mabaan uh kizomto ding hi ngakzawhding kisam hi.

5. Lahwahkah interview man khin Fraud case tawh a awk te a hih leh USA Immigration lam tawh ki sai zaw ahih manin Malaysia pan in ei sai theih gentheih bang mah omlo hi.

6. UNHCR ah Fraud case tawh minlaih kik in Ta-te Birth-certificate ah Nu/Pa te min ih laih kik nop leh ei thu in JPN ah va pai in va laihsak ziau leng hak sa mahmah aa kimawk laih ziau theilo hi. UN pan in lai vala un cih te hong gending uh hi.

7. JPN ah na UN vai te leh Fraud case na hih nate bangmah gen kisamlo hi. (Nang ih UN vai leh mimal vai pen JPN in theih ding kilawm lo ahih manin in tua te kisamlopi in na ngen se loh hoih zaw hi.)

8. Na Ta-te uh Birth certificate ah na min uh na laih nop uh leh UNHCR ah huhna kingen thei hi, a diakdiak in (JPN, Jalan Duta, Hatamas) ah napai leucin uh hoih penpen hi.

9. Fraud case vai tawh kisai in min a laih kik nuam te-in nisim in zingsang 9:00AM ma-in UNHCR zum ah kipai thei hi.

10. Fraud case vaitawh kisai in thu khat peuhpeuh dotnop theihnop na neih uh leh [email protected] ah a hun ciang tanloin laikhak in thu kidong thei hi.

ZAM PALAI KITEL VAI DING ZASAKNA : Zomi Association of Malaysia (ZAM) kumkhat sung nop na dahna tampite kantan a hong tonpih ih biak Pasian min ih phat masa hi. Tuabang a ih mualsuah zawh na ding tha hongpia, hong dinpih, ZAM thudotpite, Pawlpi sia te, khua makai, veng makaite leh nop leh dah hun a ZAM palaite hong theihbat khakloh Zomi dongtuakte a dinga mapang in thu hong zasak, gim leh tawl hong thuakpih Zomipih khempeuh tungah genzawhloh lung damna ZAM zumpan kong pulaak uh hi. Topan nasep na munciat pan Zomite adingin hong zangh semsem ta hen. Amen.

Hong tung ding 13 June 2019 (Thursday) ni ciang ZAM Kum 14 cinna pawi leh Palai thak kiteelna vai ding May 06, 2018 (Monday) ni-in ZAM advisor meeting tawh kizui in kong tangko uhhi. Zomi ading ihpilna, siamna sitlo a mapang khawm dingin ZAM Election Committee pan kong zawn uhhi.

ZAM zumpi pan in Malaysia Zomite a ding itna, cihtak na, deihsakna, hanciamna lianpi tawh a kipiakhia nuam palai tampi nong candidate nangun ZAM thupuak pan kong tangko uhhi. Hih ZAM kumcin leh Palai kiteelna ah Pawl pisia leh pawlpi upate, Khua makai, sangsiate, leh minam vei a nasem khempeuh nong kihel hamtang nang ding un zahtakna lianpi tawhkong zawn uhhi. ZAM Candidate form pen ZAM zum ah kila thei ding hi.

ZAM Palai Siau nuamte Theih Ding

• 1. Zomi kipawlna ZAM Card leh UNHCR Card nei mi hi ding.
• 2. Khua kipawlna leh Pawlpi kician KHATBEK lutna nei mi hiding
• 3. Mangpau/Malay hoihtak apauthei, agelh thei hi ding.
• 4. Akilawh thei natnanei mi hilo ding Gentehna: TB, Hepatitis B or C leh HIV cihte…
• 5. Minam veina leh deihsakna nei a, ZAM thukhun leh dante’ azui mi hiding.
• 6. EC teelcing angah peuhmah hunbitin asem theipah hi ding.
• 7. Candidate pen Pawlpi leh Khua makaite phalna leh theihpihna bek tawh kipuak theiding (Theihding: Innkuanpih nei nailo “Single” hileh hoihpen).
• 8. Ki teelna hunsungah ami pumpi mahmah aom te bek kiteel theiding.
• 9. Ki teelna ah Pawlpi pan tangmi 1 leh Khua kipawlna pan tangmi 1 in mee pia theiding.
• 10. A lunglut khempeuh in na Candicate Form uh Election Committee te tung or ZAM zum ah 12 May 2019 (Sunday) pan 30 May 2019 (Thursday) sungin Pawlpi/Khua makai te letmat thuhsa in apkhin hamtang ding.

ZAM ELECTION COMMITTEE

• 1. Rev. Gin Do Khup (Convener) : 012 340 6141
• 2. Rev. Thang Do Khen : 017 611 5622
• 3. Rev.Thawng Khan Sut : 016 6443 011
• 4. Rev. Gin Khan En : 017 334 176
• 5. Rev. Khen Za Dal : 012 263 6330
• 6. Rev. Gin Do Khup : 012 340 6141
• 7. Simon Pau Khua Muan Lal : 018 238 6204
• 8. Pa Thang Za Khai : 012 621 2447
• 9. Rev. Ngin Khat Thang : 016 334 7900
• 10. Rev. Pau Sian Piang : 016 318 5296
• 11. Sia Hau Khan Thang : 016 282 0189
• 12. Rev. Tuang Lian Khai : 017 354 1590
• 13. Rev. Dai Sim Mang : 016 615 7573
• 14. Rev. En Cin Pau : 018 272 3720
• 15. Rev. Go Za Suum : 011 1151 2390
• 16. Pastor Daniel Vum Khan Mung : 018 398 3110
• 17. Rev. Thang Za Cin : 012 661 0046

Ani : 13 June 2019 (Thursday)

• Amun : ZAM Hall
• Ahun : 11:00AM Lunch, 12:00PM
• 1:00PM-3:00PM (Hunpi)
• Application Deadline : May 30, 2019 (Thursday)

Min a pia nuamte in

• 1. Rev. Gin Do Khup (Convener) : 012 340 6141
• 2. Sia Kap Za Khup (ZAM President) : 016 383 8014 te kiangah kipia thei ding hi.

PILVANG KAWM IN KIDAWM NI :Ih omna Malaysia gam mi te ih anntan hun (Ramadan) pen May 5, 2019 pan June 3, 2019 sung hi ding ahih manin ih omna ah pilvangtak leh kidawm takin ih om ding thupi hi. Biakna tawh kisai hun sung ahihna tawh kizui-in amau muhna ah et lawmlo dingte kidawm kawmsa in pilvang takin om ciat ni.

Malaysia om Zomipih a kuamaciat I omna gam huih nun zia tawh kizui in kidawm ciatni cih hong zasak phapha ung. Kimat kihen hong tam mahmah in, a munmun ah oparasi hong lut pahpah ahih manin vaksuk vaktoh, hawhsuk hawhtohna ah kidawm ni. Ih omna veng kim veng pam ah zong kidawmsa in om ciat ni. Kiim leh pam a om mite in hong muh khialh loh dingin I om dan I khawldante kikem siam kawmsa in om ciatni. Vai thupi mahmah lobuang zong vakvak kei zaw leng hoih zaw ding hi. Grab tawh na vak leh zong na tuan ding motor hawlte hoihtak teelsiam lecin nang a ding hoih pen ding hi. A diadiakin mitamna munte ah tam vak kei leng ei ading hoih pen zaw ding hi. A zenzen in kimat kihen na khat natuak leh ZAM zum ah hong zasak pah in.

HUHNGETNA : Chin State khanglam Palewa Township sungah AA te leh Kawlgam galkapte kidona hangin mimal 1000 val bang galtai in om uh hi. Gamsungah bu in om uh ahih manin natna tuamtuam in bawmpah a, ann nek tui dawn ding leh zatui zaha ding tampi tak kisam uh hi.

Hih galtai ih sanggamte a huh thei dingin Pasian in eite hong kem in thupha hong pia ahih manin lungdam ih ko a, tua tawh kizui in amaute ih itna leh ih hehpihna tawh ih kizawh zahzah panpih ciat dingin ih kizasak hi. Acimawh a hamsa mite tungah ih piakna pen Pasian tung ah a pia mah ih hihi. Huhna sum a tawm atam hilo in ih ngah zahzah pen 20 May 2019 (Monday) ni-in Malaysia a om Palewa makaite khut tungah ki-ap ding hi.

Pawlpi, Khua kipawlna leh mimal mahmah in hih sang gamte panpih nuam, huh nuam ing a ci te in ZAM zum ah panpihna nong piak nading uh hong zawn phapha ung.

Pasian in Zomi te thupha hong pia in midangte a huh zo ding dinmun ah hong koih ahih manin hong piak thupha te metbawl in ih huh theih ding mite huh ciat ni cih zong ih ki hanthawn hi.

Palewa galtai te ading huhna hong pia sa teng

• 1. ZAM zumpan RM300
• 2. Lalta Khua Kipawlna RM100
• 3. Nu Vung Tom RM20
• 4. Pa Kham Kap (Gamngai) RM100

UNHCR ZUM PAN PHONE HONG KISAP CIANG : UNHCR zum pan in phone hong kisap ciangin hong sapna mun (RSD,DSU/RST/RSC/OPE, DHS..etc) dong hamtang inla, bangvai tawh hong sam cih zong dot ding

mangngilh kei in. Hong hopih uh natel kei leh ken pau tello hi ing cih hoih tak gen inla nang ih tel pau mah tawh hong sap kik na ding gen hamtangin. Telmel lo pi in kiho in aman ciangin koi mun bang bang vai tawh hong kiho cih telo in lungmangin na om sangin na ma vang zaw ding hi. Pau na telloh na hangin na vai buaina omlo zaw a, telmel lopi in na om na hangin hong buai huai zaw ding hi. Phone hong kiho ciangin hoihtakin kiging kawmsa in dawng kik in Thudot hong neihleh zong na zum vai tawh akipelh lohding hoihtak ngaihsun kawmsa-in dawngkik hamtangin. Kam khat I dawn khialhna tawh supna tampi piang thei hi. Hong sapna Department I theih kei leh zum I pai ciangin nawn kai na tampi om zelzel hi.

Ih zum vai ciat pen midang in hong huh theih leh hong pan pih theih tampi a om mah bangin ei mahmah in ih suksiat theih zong tampi om thei zel ahih manin ei vai ei mah in ih kin ding thupi ahihi.

Kum tampi ih ngak sa khat pen minute khat minute nih kiho na in hong susia thei cih phawk kawm sa in ih dawn kik theih ding leh ih tel mello kampau tawh hong kiho leh zong ih tel sitset kampau mah hong zat na dinguh ih nget hamtang ding pen ei lam pan mawh puak ahihi.

KIDAWM THEI LENG : UNHCR te December 31, 2019 ciangin hong panpih nawnlo ding acihna hong khel in tu-in kum 3 bang hong pia kik uh a, ih lungdam mahmah hi. Ahi zongin amau hong piakna uh tungtawnin ih zatdan ih siam ding kisam mahmah hi. Galtai dinmun a om ih hih leh galtai khat ih dinmun tawh kituakin ih om ding kisam hi. Ih khut sung hong tungsa hamphatnate zang khalo zek khaloin ih va ap kik khak ding kidawp huai mahmah hi.

Na kam pan napulak thu pen nang mahmah in palsat in na pulak thu tawh a kilehbulhin na gamtatna in nang bek tungah siatna hong tung hilo a, na mipih tampi tungah zong tua siatnapen akibangin kithuak khawm ahi hi.

Tua ahih manin galtai hi ing ih cih leh galtai khat din mun kho takin len ni. Galtai hi kei ing ih kicih leh zong ih dinmun kho takin ih letkip ding thupi mahmah hi.

Ut hun ciangin ei thugensa mah palsatin ih gam ih lei ciahin ih ut hunhun ciangin pai kik zel, ih ut ciang ih card renew in ih ut loh ciang nusia zel cih dinmun pen nang suahtakna ahih hangin tua-in mitampi tungah sukha, buaisak tuam mahmah cih ih phawk ding hong thupi mahmah hi.

Ei hong huhnuam hong panpih nuamte hong huhnop semsem leh hong panpih nop semsem na dingin ih sep theih ding leh ih kalsuan theih ding thupi a, ei hong panpih nuam te a hong muh na ah a panpih huailo ih suak loh ding hong thupi mahmah ding hi. Thu leh la khat peuh ah ama hun zui in ih kalsuan ding zong kisam a, a hun ih lap ding leh a hun nailopi in ih kipei ngawp loh ding zong thupi hi.

ZSM PANPIH NA HONG PIA TENG : ZSM adingin mimal, Pawlpi leh Khua tek pan in zong panpihna ih nget zel mah bangin kum simin zong hong kipia den a, tukum adingin zong ZSM panpihna hong kipiapia tahi. Hih bangin ih pankhopna hang mah tawh tuniciang ZSM a kiding zo hi a, nang leh kei mapan hang bek ahihi. Hong pia khinsa Khua ki pawlna, Pawlpi leh mimal in 41 bang pha khin hi. Hong pia nuam te in zong kipia thei lai hi. Tua kal sung hong pia 1. Mualnuam Khua kipawlna RM200

ZATO LAM TAWH KISAI : Zato lam tawh kisaiin vai khat peuh na neih leh Contact :Sia Mungpi 018 3122 957

TUKAL SUNG ZATO LAM BUAIPIH TE

• 1. Niang Lian Lun (Anlangh) Salayang Hospital
• 2. Zaw Latt (Kawlpi) Sungai Buloh Hospital
• 3. Zam Sian Lam (Kawlpi) Sungai Buloh Hospital
• 4. Cing Zam Huai (Singgial) ACTS
• 5. Mung Ngaih Lian (Vaivet) GHKL

TUKAL SUNG THONG LAM BUAIPIH TENG

• 1. Thang Deih Kim KLIA Camp
• 2. Thang Suan Lian (Kapteel) KLIA Camp
• 3. Kam Kap Thang (Tauleng) KLIA Camp
• 4. Sian Lun Mawi (Vaivet) Kajang thong ah kivan
• 5. Sianpi (Sim Suangzang) Jalan Duta Mahkahmah ah kibuaipih
• 6. Hau Lian Mang (Tongsial) Ampang Mahkahmah ah kibuaipih

KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. ah na hopih pah in. Nang a dingin a kigingsa in om denhi. Sia Tuang Pu : 016 254 4093

NASEP LAM TAWH KISAI :Zomi nasep neilote in nasep tuamtuam om hi. A lunglut leh dot nop aneite in Sia Khuppi— 016 3838 014, 011 3563 2059

THONGKIA TE PANPIHNA DING HONGPIA :Mualbeem khuami Zam Ngaih Lian in ama thatang tawh gimtakin nasepna sungpan a ngahkhiat sumte pan in Zomi pih thong kia in kawlgam ciahna ding a nei zolo a hamsa mahmah te khat ciah nadingin itna leh veina tawh RM700 ZAM zum ah hong pia khia hi. Topa’n hong piakkhiatna tungah thupha tawh hong phungvuh sak kik tahen.