ZAM Kumcinleh Palaai Kiteel hun ding hong naita
Kum leh nite hong bei zelzela, ZAM kumcin leh palaai kiteel hun ding zong hong naito hiaihiai ta hi. Tua tawh kizui-in May 7 ni-in ZAM kum (9) cinna khawmpi vai ding leh makai kiteelna ding vai ZAM advisors teng tawh thu kikupna kinei thei hi. Kum (9) sung tawntung a nungta Pasian in haksatna leh gentheihna a tuamtuam sung pan hong ompih in Pasian’ hehpihna mah tawh ih Zomi Kipawlna hiciang maa a suanthei ih hi hi. Makai kiteelna ding tawh kisai, akisam bangbang vaipuakna hong nei dingin, anuai a Election Committee mi 9 teng kiseh hi.
1. Rev. Dr. Cin Sian Pau (Convener)
2. Rev. Thawng Ngaih Khup
3. Rev. Gin Do Khup
4. Rev. Thang Do Khen
5. Sia Francis Khampi
6. Rev. Gin Khan En
7. Pa Thang Za Khai
8. Sia Nangtak
9. Sia Hau Thang
Kumcin khawmpi leh kiteelna bawl ni le hun ding:
Ani : 08 June 2015
Ahun : 11am-5pm
Amun : Chinese Assembly Hall
(nungkum a kiteelna)
Minam itna leh veina takpi tawh hunbit a semnuam/kipiakhia nuamte in May 18-31 kikal ZAM zumpi ah form kila thei hi. ZAM ElectionCommittee
Refugee leh Migrant kilamdanna bang hiam?
Migrant ih cihte pen ama omna gam sungah sum leh paai haksat luatna hangin nuntak nuamzaw lametna tawh gamdangah a paikhiate ahi uh hi. Migrant te’n amau gamsungah kumpi tawh haksatna bangmah neilo uh ahih manun a ut peuh uh ciangin ciahkik thei uh hi.
Ahi zongin Refugee te pen ciahkik theilo uh a, ciah in hi leh zong kumpi in Migrant te bangin hungin dallo ding hi. Banghang hiam cileh Refugee te pen kumpi tawh a kisiate kumpi tungah a lungkimlo te ahi uh hi.
Refugee te bang hamphatna ngah thei?
Refugee te’n gamdang khat peuh bel thei uh a, amau omna innteek kumpi in zawhthawh thu tawh a nutsiatna gam vuah ciahkik sak theilo uh hi. Bang hang hiam cih leh ciahkik in hi leh a nuntakna un thuak thei hi. Innteekte tawh kibangin Civil Rights, Economic Rights, leh Social Rights nei thei uh hi. Tua banah innteekte mah bangin kumpi thukhun omte a zuih uh zong kul pah hi.
Source : www.unhcr.org.my
United States Ngeina le Dan Thusinna Khutzat Laibu : ZOMI (azom)
Pelhding thute
Nasepna dingin maitang kimu in thudot, thu ki dawnna ah pelh ding thute in anuai a bang hi.
⦁ Minute khat bek ahi zongin zekai-in tunna.
⦁ Tha neilo a khutzaw niangnuangin khut let dan pelh in. Nang leh nang ki muanna takpi nei na hih lam aki theih nangin hoihtak khutlen in. Tua bang thu ki dotna naneihma in lawm leh gual, innkuanpih te tawh ki sinna nei masa in.
⦁ Na mit anuai lam en in mit vaksak kawikawi. Na theih ding khat ah, America gam sungah mi khat peuhpeuh tawh kimu in thu na genciang na mit anuai lam enlo in na ki hopih pen hoihtak in et gige na in cihtak, thumaanna, zahtakna leh ki muanna neih lam lahna hi. Namit anuai lam en in mitvak kawmsa in thugen na in thumaan lo in thu khat peuhpeuh ip nopna (or) lunghimawh (lau) na hihna tawh kibang hi.
⦁ Kawi ngeungiau in kawng kuul kawmin tutna pen nasep/thudotna lunglut lohna lahna hi. Tangtak, hoihtak in tutna in lunglut hi cih kimu thei hi.
⦁ Nang i haksatte bekbek genna. Nasep neite in atawntung a thumthum a tautau thei mite deihlo uh hi. Nasep thanuam, citak mite bek deih hi.
⦁ Tal zing ngeungau (or) lim ngaihsut luatna.
Mimal kivakna
Nasep tawh kisai thudotna ah nang hih theihna te anuai a om ciapteh na ah (a) pia in.
Ciaptehna | Manglai | Zokam
Well organized Hoihtak asem, bawl
Hard working Nasep hanciam
Detail oriented Aneng atawngin thupisim, thupisak
Open minded Lungsim picing, ama cihbek aci tentanlo mi
Ambitious Hanciam
Active Thanuam, thalawp
Adaptable A kilawm, a kituak a om theihna
Energetic Thazaang, thanuam
Cooperative Pangkhawm, sepkhop theihna
Responsible Hih ding, sep dingte theih sakna
Punctual Hun maan,
hun zatsiam
Motivated Lawpna, hih nopna lungsim
Confident Ki muanna
Honest Thumaan, citak
Fast learner Na khat peuhpeuh theithei baih
Disciplined Zuihding a kikoih
thute zuihna
Reliable Ki ngah thamcing, muanhuai.
Willing to learn Theih nopna, sinnopna.
Dengue natna pan kidaldan ding
⦁ Tui kholna bungte kal khatin khat vei laihden ding.
⦁ Tuibung, tuihai zatloh te khupsa in koih den ding. Tui a om ahih leh asit tawh hamtang ding.
⦁ Innpua lam a kikoih vante tungah tui cingte hemkhia/buakhia den ding.
⦁ Innpua lam a vanzat loh khempeuh hemkhia/paikhia mang ding.
⦁ Omna inn siangtho sak den ding. Lupna khan sung a tui kicin theina munte nisim siangtho sak den ding.
Dengue natna bang dan a kilawh thei
⦁ Aedes a kici thoikangpi in natna anei sa khat pet in tua pan sisan hup khia hi.
⦁ Tua thoikhangpi mahin tua ahup khiat sisan pen ama tungah pua hi.
⦁ Tua khit cingin midang khat petin tua natna kilawh sak hi.
Dengue natna neite nattheih dan
⦁ Nasia tak a natna.
⦁ Nasia tak lutang natna.
⦁ Pumpi tungah cibawk omna.
⦁ Taksa leh guh leh tang natna.
⦁ Lungam a luakna.
Atunga natna dan na neih a leh nasem pailo in Siavuan te kiangah kilakpah in.
Nute pahtawi ni
Philadelphia, PA, USA a teng Anna Jarvis in a nu a pahtawina dingin ni khat a sehna pen thu hoih mahmah khat ahih manin 1914 kum ciang USA President 28 na pa Thomas Woodrow Wilson (1856-1924) in kum sim May kha Nipi ni nihna pen Nute Ni a zat dingin tangko hi. Tua hun a kipan May kha nipi ni nihna pen “Nute Ni” in kizang hi.
Leitung a mi minthang pawlkhat in a minthan theih nadingun a na pantah NU tawh kisai a gennate a nuai a bang hi.
Abraham Lincoln
“Kumpi ka tun theihna pen ka nu hong
patah hang hi.”
D. L. Moody
“Nu khempeuh kei nu a bang hi leh lei tungah
thonginn omlo ding hi.”
George Herbert
“Nu hoih khat pen sia 100 tawh kikim hi.”
Rasa Wallace
“Nau luai avei khut in leitung uk hi.”
R. A. Torry
“Nu hoih sang a zahtak huai zaw omlo hi.”
Winston Churchill
“Ka sia thupi pen ka Nu hi.”
Bishop Thompson
“Nu cih kammal sungah lungnopna zatui
namkim kiguang khawm hi.”
Abraham Lincoln
“Pasian a zahtak nu a nei peuhmah
genthei ngeilo hi.”
Theodore Williams
“Nute in vantung kongpi tawhtang kemte ahi uh hi.”
George Washington
“A lawhcing pasal peuhmah zi hoih
neiteng ahi uh hi.”
Nang e Nute thupitna, na Nu tung na lungdamna bangci nagen ding a leh?
Nute’ ni pen asisa nu phawkna hi. A nungta lai nute pen vaakna kisam hi. Kawlte’ thuciin ah, “Na Nu a sih ciangin kah kei inla, a nuntak lai in vaak in,” ci hi. Tua hi a, “Phamsa ningtui hong tulhsangin, ka hin lai ningtui tulh aw, Ka hin lai in albang kah aw, Thangvan ah hil ding hing e,” hong ci ding hi.
Tuni-in Nute pahtawi ciat ni. Nu neilai ten hopih in lungkim sak ni.
Tusung ZAM Palaai te buaipih diak teng
⦁ Zen Lam Cin (Phaileng), Sungai Buloh zato ah ni thum sung ki buaipih.
⦁ Pau Tul Kham (Tuikhiang), ACTS ah nihvei ki buaipih.
⦁ Kam Za Langh (Ngalbual), University zato ah ki buaipih.
⦁ Pa Cin (Muallum), ACTS leh IPR ah ki buaipih.
⦁ Man Za Niang (Haupi), Pudu Specialist ah ki buapih.
⦁ Nu Vung (Laaitui), May 4 ni-in a vai ki buaipih.
⦁ Man Lian Niang (Mualpi) te innkuan May 5 ni-in a vai uh UN ah ki buaipih.
⦁ Man Bawi (Vangteh) te innkuan 5 ni-in a vai uh UN ah ki buaipih.
⦁ Man San Lun (Thangnuai) May 5 ni-in Ampang zato ah ki buaipih.
⦁ Mang Lawh Nuam (Laaitui), May 6 ni-in Cheras MCH ah ki buaipih.
⦁ Lian San Don (Laaitui), May 7 ni-in MCH ah ki buaipih.
⦁ Langh Thawn Thang (Laaitui), April 22 ni-in Pokok Sena thongpi ah kiveh.
⦁ Thang Khen Khup (Ngente), April ni-in a omna kikan khiatsak.
⦁ Hau Sian Khai (Saipimual), April 30 ni-in Langkap Camp ah kikan pih.
⦁ Thang Lam Siam (Sezaang), Khai Tawi Sang (Sim suangzang) Suan Tawng (Sim suangzang), Pau Sian Mung (Sawbua), Mung Tawng (Sawbua) te a omna uh Dangwangi Palik zum panin ki delhpah a hong suakta thei.
⦁ Khai Khan Khup (Zozaang), Nang Suan Tuang(Keizang), leh Suan Za Khual (Gamlai) te zong a omna uh Setapak Lockup panin hong suakta thei.
⦁ Suan Sian Kham (Buan), May 4 ni-in UN ah ki buaipih in Jinjang lockup panin hong suakta thei.
⦁ Go Langh (Kapteel), a vai UN ah kipuak sak in a omna Kajang thong panin hong suakta thei.
⦁ Suan Khaw Mang (Zonuamzang), a omna Kajang thongah kiveh.
⦁ Cia Mung (Pyidawtha), Pekan Nanas Camp ah om in, a vai UN ah ki puaksak.
⦁ Thang Kap Khai (Voklaak), Semenyih Camp ah om in a vai UN ah ki puaksak.
⦁ Abdul Someo (Rakhai) Kajang thong ah om in avai UN ah ki puaksak.
⦁ Dal Sian Mang (Anlangh), May 6 ni-in a kipan a omna Jinjang lockup ah a buaipih laitak.
⦁ Dal Sian Khai (Anlangh), May 7 ni a kipan a omna Jinjang lockup ah a ki buaipih laitak.
⦁ Kam Siam Piang (Tedim), May 5 ni a kipan a omna Jinjang lockup ah a ki buaipih laitak.
⦁ Dal Suan (Anlangh), Dal Muan Sang (Tuikhiang), Suan Ngaih Thang (Tuikhiang) leh Khai Za Tuang te Kalana Jaya palik zumpan ki lakhia thei.
⦁ Gin Za Khup (Tedim), 8 May a kipan a omna Jinjang lockup ah a ki buaipih laitak.
⦁ Mangnu leh Pa Khup (Tedim), 2 May in Klang ah innkuanvai Counseling ki bawlpih.
⦁ Nu Khan Cing (Tungzang), 4 May in GHKL zatopi ah ki paipih.
⦁ Ning Ngaih Zen (Thalmual), 7 May in GHKL ah ki buaipih.
⦁ Cing Za Dim (Thalmual), 8 May in Tungshin leh Pudu Specialist ah ki buaipih.
⦁ Man Za Niang (Haupi), 8 May in Pudu Specialist ah ki buaipih.
Hihbang in atung a cina luna, kimat kihen atuak ih mipih Zomi te vanzawh nadingin hong panpih pen kuamadang hihetlo a, NANG nahi hi. ZAM Card nongbawl a, kumsim nong Renew tangtang hang ahi hi. ZAM tuni ciang adinzawh nading in NGO pan ahi zongin, kipawlna dangdangpan ahi zongin Sponsor ki neilo hi. ZAM Card hongbawlteng pen Sponsor hipah nahih manun, ZAM Card abawl Zomi khempeuh tungah lungdam kongko uh hi.
Pa Gin Khen Mang ii luanghawm kivui theita ding
Tedim, Leitawhtan veng a teng Sezang khuami, Pu Thang Khan Mung leh Pi Ngul Luan Cing te tapa Pa Gin Khen Mang (Body No. 58705 / Lenggeng Camp) ii luanghawm pen 11/05/2015 Monday ni-in kivui thei ta ding hi. May 3 ni aa ih suahsakna om bangmah in Pa Mang pen 24/01/2013 ni-in Malaysia tung a, January 2014 in kiman in, 21.6.2014 ni in Lenggeng Camp na lut hi. sung panin damlohna tawh hong sih ciangin Thong cingte leh Kepong Genvai te tungtawn in kithei khia hi. Thong sung a si ahih mah bangin vaihawmna hamsa aa Kawlgam tanzung (embassy) te tawh zumvai sepkhawm hong suak ahih manin hun kisotto zel hi. Topa’ lam hon sakna tawh 11/05/2015 Monday, 1:30 pm hunin St. Joseph Biakinn, Sentul ah Pa Mang luanghawm tawh hunbawlna, Misa biakpiakna kinei ding a hunbawl khitciangin Sunggai Buloh hanmual ah kikha suak ding hi. Zomi ahi thei khempeuh in ki uap in dahpihna kilak ciat ni.
Navak ciang sum pua hamtang in
Khua sung navak ciangin a tawmpen RM50 or RM100 pua hamtangin. Deihloh penin Palik te tawh kituakna, tuahsiatna khat peuhpeuh tuak le teh nang adingin hong manpha mahmah ding hi.
Kidawm ciat ni!
Tusung teng mat leh hen omden ahih manin Zomi te ih hawhna ih ciahna ah kidawm in pilvang ciat ni.
Lungdampihna Philip Khaipu
Philip Khaipu (Zozaang) pen 2008 kumin Malaysia hong tungin Myanmar Catholic Community of Malaysia (MCCM) ah Secretary hong sem a, a sawt lo in President semto pah hi. Tua khit ciangin Sia Francis Kham te tawh kipawl in Zomi Catholic Community in Malaysia (ZCCM) hong pankhia uh hi. Kawlgam kumpi in Zomi om kei hong cih laitak
un Myanmar Embassy maiah Malaysia Zomi makaite tawh kithuah in lungphona nei uh hi. Tua zawh asawt lo in Zomi te kipumkhatna ding deihna tawh Malaysia Zomi Conference asam Zomi makai 8 lakah zong kihel hi. ZCD-LA ah zong President Pu Thomas Thang Lian Piang USA a len khit ciangin President hong semto hi. ZCD-LA ah President a sep sungin Zomi Women Conference zong khatvei makaih hi. Malaysia a om Zomi pawlpi lian tengah hangsan takin Zomi thu gen kawikawi in, mipi sim ding Zo Sunni Weekly zong thoh khia hi. A tunga mun tengah a sepkawm mah in Harvest sangah UNHCR nuaia Refugee sang om teng sit kawikawi in khasum zong UNHCR-EDU min tawh sangsia teng pia hi. Tua banahah Vice President a sepPasian geelsakna tawh May 4, 2015 ni-in Nashville, USA ah a innkuan un leng uh hi. Malaysia ah a om sungin Zomi makai ahi ZAM palaai teng tawh kithuhual takin mapang khawm den hi. Ih biak Pasian in thupha pia henla na ompih tawntung ta hen.
UN Sisitna mun
IOM MHD Malaysia
No 1, Jalan Pahang,
2nd Floor/Level 3 KPJ Healthcare, 53000
Kuala Lumpur, Malaysia
General Line : ‘ 03-9235 5400
USA lengding te tentan kahna
F& B Business Park
18 Jalan Metro Pudu 2, Fraser Business Park
Jalan Pudu, 55100 KL (Near LRT Chan Sow Lin)
Australia lengding te tentan kahna
A 14-6, Menara Atlas Plaza Pantai
Jalan Pantai, Rharu 59200 KL,
‘ 03-9235 5431
UN vai tawh kisai lai kigelh sak den
Innkuan lutpih (DS), REG, RSD, RST, RSC, DHS leh IOM ah lai gelhsak nuam peuhpeuh ZAM zumpi panin a khawnkhong in lai ki gelhpih den hi.
Zomi Card tawite ading nasep
⦁ Veng tuamtuam a om KK Super Mart saite a sem thei ding Zomi citak pasal/numei Malay or Mangpau atel honkhat kideih behlai hi. Nasep hun 8am-8pm. Sun nai 2 sung khawl. OT nai 2 sung omden in nai khat teh RM6.50. Kha khat RM1237.50 ngah ding. Omna leh an pialo. Na omna veng tawh kinai penpen ah septheih nading hong ki vaihawmpih ding. Omna piakna pen Kota Damansara & Klang ah mi 10 ta ki deih.
Theihding : April 20 ni a interview te May 12 leh 13 ni zingsang nai 8am-6pm ciang nasepdan sinna (training) om ding hi.
KK Super Mart alunglut te Tuesday & Friday ni sun nai 2pm in ZAM zumpi ah interview na om ding hi.
⦁ Serdang Steamboat a sem ding mi 2 kideih. Khasum RM1000. Nasep hun 1pm-12am, kha khat ni 28 sung. Omna leh an pia.
⦁ Seri Kembangan Serdang Coffee shop a sem ding mi 1 kideih. Khasum RM1000. Nasep hun 10am-12am, kha khat ni 28 sung. Omna leh an pia.
⦁ Shah Alam Japan ansai a sem ding mi 3 kideih. Khasum RM900. Nasep hun 10am-12am, kha khat ni 28 sung. Omna leh an pia.
‘ 012 367 4665
Lungdamkohna
⦁ Tuimang khua kipawlna in Thupuak ading RM50 hong piakhia ahih manin lungdam mahmah hi.
⦁ Dim Do San (Sezang) Leitawhtan a teng Pa Gin Khen Mang (late) sanggampa in Thupuak a ding RM50 hong piakhia ahih manin ki lungdam mahmah hi.
⦁ Khen Khua Tuan in RM100 leh Khup Sang Lian (Suangsang) in RM50 ZAM nasep zonsakna ah nasep theih manin lungdamkohna hong pia khia hi.
⦁ Thang Kim Khai (Taaklam) in RM20, Nung Sian Khai (Zozaang) in RM20 leh Dal Suan Piang (Anlangh) in RM50 Thupuak ading hong piakhia ahih manin ki lungdam mahmah hi.
⦁ Gamsung gampua mun tuamtuam pan ZAM nasepna te tha na piak nopleh lungdamtak in hong kisang ding hi.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...