LZI Kipawlna Panmun Ki-apna Lawhcing

Makaipi Pawl Panmun Ki-apna Lawhcing
February 6/7, 2016 ni in, Leitungbup Zomi Innkuan (LZI) Kipawlna, Makaipi Pawl (Executive Council) Panmun Ki-apna leh thupha piakna hun, picing takin kibawlzo hi. Panmun Ki-apna hun pen US gam Tulsa khuapi Phualpi in zangin Video Conference tawhzong akibawl ahi hi. Phualpi mun dingin Tulsa khuapi a om Full Gospel Assembly pawlpi biak-innpi sung a Conference Room kizang hi.

Panmun Ki-apna Phualpi ah Oklahoma State sung a om LZI Kipawlna Makaipite, Kentucky State Louisville khuapi pan Rev. Pau Khan Khai, Tulsa khuapi sung a Pawlpikem Siapite leh Khuanu Khuapate, leh Zomi Innkuan Oklahoma kipawlna Makaite hong kahin thupha hong pia uhhi. Video Conference tawnin muntuam gamtuam a om LZI Kipawlna Makaipi alui lah athak teng hong kah uhhi.

Panmun Ki-apna Hun sung ah teelcing LZI Kipawlna Makaipite in Pasian mai leh mipi mai ah panmun sanna min khumna (Signing) leh Makailuite in panmun apna min khumna, a theihpi upa, makaite in minkhumna kibawl hi.

Tua khitciang in Makaithakte in panmun sanna thugenna neiciat uhhi. Rev. Kapmang Hatlang in Makaipite thupha piakna leh anungta Pasian tung apna thungetna nei a, hun leh vai khempeuh kician takin kizo hi.

Panmun ki-apna hun bawlna dingin Phualpi mun leh setvan (Audio, Video, Internet, etc.) kisam khempeuh hong zangsak Full Gospel Assembly Pawlpi leh pawlpikem Siapipa a kipan, Sia/Siamate, Setsiate, Upate leh Pawlpimi khempeuh tung ah nakpi takin kilungdam hi.

Video Conference bawlna dingin WebEx Account hong zangsak Zomi Innkuan USA kipawlna tung ahzong kilungdam mahmah hi. Phualpi ah hong kah Sia/Siamate, Makaite, Upate leh Tanute khempeuh tung ah kilungdam mahmah hi. Geelna masa bangin hun bawlna ding Biak-innpi leh setvan khempeuh hong phal ZBCM Tulsa Pawlpi tung ahzong kilungdam mahmah hi.

Executive Council
Leitungbup Zomi Innkuan Kipawlna

LZI Kipawlna Executive Council

• 1. Go Sawm Khup, P.E. : President
• 2. Pau Khan Khai, Rev. : Vice President – I
• 3. H. Lian Do Tongseal, Pu : Vice President – II
• 4. Hau Za Cin, Dr. : General Secretary
• 5. Cin Lam Thang, Dr. : Assistant General Secretary – 1
• 6. Gregory Kap Suan Lian, Pu : Assistant General Secretary – 2
• 7. Do Khan Khup, Dr. : Treasurer
• 8. Pau Khan Khup, Pu : Assistant Treasurer – 1
• 9. JK Kam, Pu : Assistant Treasurer – 2
• 10. Don Ngaih Lian, Pi : Member
• 11. Tual Khan Suan, Pu : Member
• 12. Disciple Kap Sian, Pu : Member
• 13. Kham Suan Thang Tunglut, Pu : Member
• 14. John Thang Sian Mung, Pu : Member
• 15. Khai Suan Khup, Pu : Member