Khuahun siatna thuak Zomi Dongtuakte huhna kikhakta
August kha kipat a kipan khuahun siatna athuak Zomi dongtuakte ading huhna kidon sak ding ci-in ZAM zumpi pan a ki taangkokhiat mah bangin Malaysia a om Zomi te’n zong hih theihna munciat pan ki hanciam in ngah zahzah tawmin tamta leh khak ding cih khensatna ommah bangin in Zogam Disaster Relief Committee (ZDRC) tungah kikhak hi. ZAM tungtawn a huhna a piakhia Minam kipawlna, Biakna Pawlpite, ZEC-Cheras, Khua Kipawlna, Zomi te nasepna Company te, Zomi Khangnote leh Mimal khempeuh tungah lungdam mahmah hi. Hih dongtuak huhna vai a sum ngahna khempeuh a theinuam ih om leh a nungah thuahbeh dal ah athucing in hong kisuak sak hi. Sum leh paai tawh ih panpih bek tawh khawllo in thungetna ah phawk ciat lai ni.
I. Zomi Association of Malaysia (ZAM) RM 5,000
II. Biakna Pawlpi Tuamtuam Pan RM 31,535
III. Zomi Education Center (Cheras) RM 1,125
IV. Khua Kipawlnate Pan RM 11,100
V. Zomi te nasepna Company Pan RM 3,805
VI. Malaysia Zomi Khangnote RM 15,486
VII. ZAM zumah mimal a hong kipia RM 9,990
Vekpi gawm RM 78,041
Khuahun siatna thuak Zomi Dongtuakte huhna ngahvekpi
Hih link >>> PDF File tungah namek lecin Dongtuak huhna piate List ki simthei dinghi.
KHUADO Pawipi Mapan Khopding Zotna
Zomi Ngeina Khuado Pawi picing takin ih bawlzawh nadingin sum leh pai tampi hongki samding ahih manin muanna leh lametna lianpi tawh Khuado Committee in anuai a bangin ma ih pankhopding kong zawn uh hi.
1. Khuakhat pan mimal 100 val a omte RM200 pan a tungsiah.
2. Khuakhat pan mimal 100 nuai a omte RM100 pan a tungsiah.
3. Biakna pawlpi khat ciang RM200 pan a tungsiah.
4. Khua kipawlna leh Pawlpi panbek hilo in, mimal inzong piaknop zahtek kipia thei hi.
Zomi bup akua maciat in mapangkhawm dingin muanna leh zahtakna lianpi tawh kongzawn uh hi.
Khuado Pawi Special:
Zolia & Zotaang kidemna, Zomi Idol kidemna leh ngeina lam tuamtuam nasia tak kinei ding hi.
Khuado Pawi Committee 2015
Khuado Pawi ading mapan khopna apiasa teng
Go Suan Mung (Haupi-Kawlpi) 50
Phunom Khua Kipawlna 100
Tualzang Innkuan Malaysia 100
Zomi Catholic Community Malaysia (ZCCM) 200
Suanghoih Khua Kipawlna (SNO) 200
Zomi Bup Tatsatlo Lungdamkohna leh Thunget a (3) vei na (3 September – 3 October 2015)
ZAM makaihna tawh Malaysia gam sung a om Zomi khempeuh in Topa tungah lungdamkohna leh Thungetna te kinei zel pen tukum adingin 3 September 2015 ni in ZAM hall ah Pawlpi tuamtuam kigawm khawm in kipan thei hi. Hih thungetna pen 3 October 2015 ni dong kitatlo in kizomsuak ding a, a diakin Zomi Nam bup ading mahmah ki ngen ngiatngiat ding hi. Pawlpi min bek hi tuanlo a, mimal mahmah tawh zong kihel thei hi. Tukaal sung thungen No. 1-16 teng pen mimal vive hizaw hi. Topa’n thupha hong piaksak semsem hen. Thungetna mun pen nasepna mun, biakinn leh omna inn pan ahizongin kingen thei hi. Thungen dingte khempeuh in Thungetna ding outline kibawlsa zui in kingen ding ahih manin ZAM zum ah hongla ciat un. Kizopna ding 016 995 6231. Maikal sung thungen ding te anuai abangin kizomsuak ding hi.
| No. | Date | Thunget hun | Pawlpi / Personal | Leader / Pastor | Contact | Hours |
| 17. | 06/9/’15 (Sun) | 00:00am-12:00pm | Zomi Adventist Church | Sia Daniel Mung | 016-617 4997 | 24hrs. |
| 18. | 07/9/’15 (Mon) | 00:00am-12:00pm | ZCF Kajang | Pastor Langh Cin | 016-926 7866 | 24hrs. |
| 19. | 08/9/’15 (Tue) | 00:00am-12:00pm | Mana Zomi Christian Church | Rev. Gin Khan En | 017-334 2760 | 24hrs. |
| 20. | 09/9/’15 (Wed) | 00:00am-12:00pm | Adonai Zomi Christian Fellowship | Sia Zam Tuang | 012-339 0343 | 24hrs. |
| 21. | 10/9/’15 (Thu) | 00:00am-12:00pm | Sunway Emmanuel Church | Upa Sian Tuang | 016-913 4847 | 24hrs. |
| 22. | 11/9/’15 (Fri) | 00:00am-12:00pm | Christ Mission Fellowship | Evan. Mungtawng | 010-908 4391 | 24hrs. |
| 23. | 12/9/’15 (Sat) | 00:00am-12:00pm | Victorious Living Assembly | Rev. Go Khua Thang | 017-204 5715 | 24hrs. |
| 24. | 13/9/’15 (Sun) | 00:00am-12:00pm | KL Adventist Church | Pastor Mungtawng | 017-326 5747 | 24hrs. |
Lungdamkoh Ding:
⦁ Zomi te Kawlgam, Zogam pan gam dang hongtun Topa tung lungdam kohna!
⦁ Zomi te Muslim gamah suakta takin ih Pasian ih biak theihna ding biakinn tampi hong piak lungdam kohna!
⦁ Zomi te migam milei ah ih kivanna ding ZAM zumpi hong piak lungdam kohna!
⦁ Zomi te migam milei ah tu ciangciang hong cing hong kem Pasian tungah lungdamkohna!
⦁ Zomi te Minam makai leh kamphente hong piak lungdam kohna!
Thunget Ding:
⦁ Kawlgam khuahun siatna hang a dongtuakte ading!
⦁ India, Manipur, Lamka a Mualtungmite buaina ah deihngetnate angah mengmeng theihna ding uh!
⦁ Zogam khuapi tuamtuamte a leitang ngiat cidamna ding!
⦁ Malaysia a om Zomi te cidam ngiatna ding!
⦁ Malaysia inntek kumpi leh mipi kikal daihna a omna ding!
⦁ Malaysia a om Zomi te UNHCR ciaptehna min sanna thak hong om kik baihna ding!
⦁ Malaysia a om Zomi damlote a ding!
⦁ Malaysia a om Zomi thongkiate a ding!
⦁ Malaysia a om Zomi UNHCR ciaptehna ngah khinsate aman langin gam thumna tun theihna ding!
⦁ Malaysia gam sung a om UN minsanna ngahsa te zumvai buaina omlohna ding!
⦁ Malaysia Zomi zumpi ZAM a minam a ding nasem palaite cidamna ding!
⦁ Malaysia a om Zomi te innkuan sung, nupa kikal buaina om nawtlohna ding!
⦁ Malaysia a om Zomi te minam vai buaina tuamtuam in hong nawkkhak lohna ding!
⦁ Malaysia a om Zomi te mi gilote tawh hong ki pelhsakna ding!
⦁ Malaysia a om Zomi nasep neilo te nasep hoih neihna ding!
⦁ Malaysia a om Zomi te taksa, kha cidamna ding!
⦁ Malaysia gam khangto semsem in gamdang nasem tampi a sapzawh semsem nang!
⦁ Malaysia a om UNHCR kivai puakna tuamtuam nuai nasem uliante leh vaipuakna tuamtuam a kamlette ading!
⦁ Malaysia a om Zomi te makaih pawlpi khempeuh ading!
⦁ UNHCR zumpi sung thu vaihawm uliante leh sum leh pai tawh ma apang gamdang mihau, kipawlna tuamtuamte a ding!
⦁ Kawlgam kiteelna buaina omlo in Pasian zahtak makaite in hong ngah theihna ding!
⦁ Kawlgam ki ukna maan ih neih theihna ding leh khantohna ding!
⦁ Zogam cidamna ding leh khantohna ding!
⦁ Zogam khantohna ding leh vaihawm hausa, veng makai, sangsiate ading!
⦁ Zogam khuapi tuamtuam sung a om zatopi leh sikhan (clinic) tuamtuam a sem siavuan, siamate ading!
⦁ Zogam a ih nusiat ih Nu, ih Pa leh ih Sanggamte ading!
⦁ Zomi te ih tuntunna gamah lungdamna thugente ih hih den nang!
⦁ Leitungbup mun tuamtuam a om Zomi te ading!
⦁ Leitungbup Zomi te sungah kha khanlawhna thak hong omna ding!
Tukaal sung ZAM palaai te buaipih diak teng
Damlo vai buaipih teng:
Nang La (Shin), Neih Thiam (Tungzang),
Thang Khen Kap (Lailo), Pau Sian Thawn (Haupi),
Pau Khan Khual (Anlangh), En Lian Khai,
Pa Sut (Khampat), Peter Khai Pu (Cikha),
Pau Gin Pian (Kapteel), Man En Cing (Lungkhua),
Dam Sian Langh (Darkhai), No No (Singunau),
Man Lian Niang (Mualpi), Ciin Sian Nem (Mualpi),
Mung Kaang (Pyidawtha),
Thang Sawm Mung (Tuithang)
ZAM pan lungdampihna
Zomi tampi ading RSC & DHS ah kamlet hong sepsak Sianu Dini (Bapi) in Malaysia a om a Zomi pihte ading na tampi hong huhkhit/ seppih khit ciangin September 2 ni-in a it a innkuanpih te tawh amau lunggulhna USA Portland, ah hong lensan uh ahih manin zumpi panin lungdampihna ih pulak hi.
Zomi League 2015 Standing point
| No. | Pawlpi | P | W | D | L | GF | GA | GD | Pts |
| 1. | ZCCM | 4 | 3 | 1 | – | 11 | 4 | 7 | 10 |
| 2. | ZCF-Canaan | 3 | 3 | – | – | 11 | 5 | 6 | 9 |
| 3. | ZEM | 4 | 2 | 1 | 1 | 12 | 11 | 1 | 7 |
| 4. | MLPP (Laipian) | 4 | 2 | 1 | 1 | 7 | 6 | 1 | 7 |
| 5. | MMC | 4 | 2 | 1 | 1 | 9 | 9 | 0 | 7 |
| 6. | ZAC | 5 | 1 | – | 4 | 9 | 10 | -1 | 3 |
| 7. | AGAPE | 4 | – | 1 | 3 | 6 | 11 | -5 | 1 |
| 8. | ICA | 4 | – | 1 | 3 | 9 | 15 | -6 | 1 |
30 August 2015 ni kimawlna results
| No. | FIELD | MATCH | |||
| 15. | THANGHO | ZCCM | 3 | 1 | ZAC |
| 16. | LIANDO | AGAPE | 3 | 3 | ICA |
September 13 ni kimawl ding Pawlpi teng
| No. | TIME | DATE | FIELD | MATCH | |
| 19. | 8:00-9:30 | 13 Sep. | THANGHO | ZCCM | ICA |
| 20. | 8:00-9:30 | 13 Sep. | LIANDO | AGAPE | ZAC |
Zogam Salpha mi 8 te gaalna ding
Tu sungteng Zogam Lamka khuapi a thupiang buaina hangin anuntakna hong beisan Zogam Salpha 8 te gaalna ding apianuam ih om leh ZAM ah kipia thei hi.
Zogam Salpha 8 te
Henlalson (18) Pausuanlian (19)
Paulianmang (23) Thangzalian (30)
Khaijamang Touthang (10) Khamthianmuan (22)
Robert V. Jamminthang (30) K. Lamkhenthang (48)
ZAM pan dahpihna
Lia Niang Van Lian Tuithang Khuami, Guite Beh, Pa Thang Sian Piang leh Nu Lian San Mang te’ tanu (nauno)LiaNiang Van LianSerdang zatopi panin 27/8/2015 ni-in hong nusia a, 29/8/2015 ni in Sungai Buloh hanmualah nauno luanghawm kivui thei hi.
Patrick Pau Sian Khai (Kum 35)Tuipi Khuami, Munvungh Beh,Thang Sian Mang leh Nu Awi Ngaih Vung te tapa UpenTg.Patrick Pau Sian Khai (Kum 35)in sunglam damlohna tawh a omna Klang innpi panin 27/08/2015, zingsang 02:35hong nusia hi. RC ngeina bangin hun akibawl khit ciangin ZSM makaihna tawh Klang Meru hanmual ah lungkim huaitak in kivui thei hi.
Adah akap khempeuh tawh kibangin ZAM zumpi panin dahpihna kong pulak uh hi.
Zomi ZAM Card tawite ading nasep
⦁ Texas Chicken a sem ding Wangsa Walk Mall, KL, ah mi 2, Festival City Mall ah numei le pasal mi 5, Klang ah mi 3 leh Cheras ah mi 5 ki deih lai hi.
Omna pialo vive hi. Kizopna ding ‘ 012 367 4665
⦁ Indoor Sales, Ampang ah mi 2 kideih. Khasum RM1000, innpia, anpia lo. ‘ 014 225 9458
UN Card kimu aneiten ZAM ah hongla un
Nu Niang Sian Lun (791-10C06183) Niang Dei Kim
Lungdamkohna
⦁ Thang Lian Dim (Tuithang) in ZAM ading RM50 hong pia ahih manin ki lungdam mahmah hi.
⦁ Pa Francis Nang Go Lian (Thalmual) in UN Card ngah lungdamkohna in ZAM Thupuak ading RM50 hong pia khia ahih manin kilungdam mahmah hi.
Zomi League Result te PDF File sungah kiciantak in ki enthei dinghi.
Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.
lyapau says
Pawlpi thunget hun ding khawng seh sak kei leng hoih sa ing.Pawlpi in bel ni pi sim a ki ngen den hi.A hih hang in vai khat peuh2 om theih a hih man’ in Zum tawh ki zop loh pha mawh hi.