A ettehhuai Sangsia khatin acimawh sangnaupang te huhnading bunghawm kaikhawm

A ettehhuai Sangsia khatin acimawh sangnaupang te huhnading bunghawm kaikhawm

China gamsung ah sangsiakhat in sangsum piakding aneilo sangnaupang te ahuhzawh pen kum 10 valbang hikhinta hi. Huhna apiakhiatsa pen Chinese Yuan 20,000 (US$3014) bang phakhinta a, sangnaupang akigawm in 300 valte tungah huhna hawmkhiakhin hi. Tua sangnaupang te ahuhna sumpen aneihman leh ahauhman hilo a, ninbung panin thawlhawm kaikhawm in azuakna pan angah sumte tawh ahuh ahihi. Sanginn Classroom sungah ai hilhzel, tawlngak hunsung in ninbungpan thawlhawm kaikhawmzel cihbangin midangte ahuh hizen hi.

Tua sangsiapa minpen He Chunyu kici a, kum 44 aphakhin khat ahihi. Amahpen Northeast Heilongjiang’s Wangkui County sung aom Lingshan Township Middle School ah Chinese Teacher khat ahihi.

Amahzong aneulai in mizawng mahmah innkuan khatpan in akhangkhia ahihi. Ameltheih tanau leh khuapi te panpihna tawh sangkah zomthei bilbel in, 1998 kumin sang mansiang hi. Sangkah amankhit ciangin apianna akhua mahah ciahkikding hong khentat in, sangsia sep hongkipan hi.

Ahi zongin akhuasung ah sangnaupang tampitak sangsum piakding neilo in hamsa asamahmah amuhkhak ciangin alung nuamthei hetlo hi. Ahi zongin amahzong akhasum cihtak hetlo a, akhasum tawh ahuhnop mahmah hangin amahzong akhasum tawh akikhom liailiai bekmah ahih manin, huhzawhding hilo hi.

Tuabang tengah a sangnaupang te ahuhtheih nadingin amanhun kalkal in ninthem kaihkhop “Collect Waste Products” hongkipan hi. Midang te’n apaihkhiat thawlhawm, laidal Paper tuamtuam te hong kaikhawm hi.

Ama genkhiatna ah ninthem kaihkhop hunding in ahoihpen ahihleh zingsanglam sangnaupang te’n nin apaihkhiat khitdeuh, sunlam annek Lunch Break aki khawlkhitdeuh, nitaklam sangtuahkhit cih hunte pen ninthem kaihkhop nading in lempen hi ci’n genkhia hi.

Hihbang in ninthem akaihkhop pen naseppih alawm agual te’n ciamnuihbawl uh a, aminding in “King of Waste” cih phuahsakliang uhhi. Azi inzong nin kaikhawm in, apuantengzong nincipden ahih manin, totbawl zelzel hi. Ahi zongin damdam in alawm agual te leh azi in panpih mahmah uh ci’n China Daily te tungah sangsia pa’n genkhia ngeihi.

2009 kumciang in hih sangsiapa ii gamtatna pen Local TV sungah Broadcast aki suahsak ciangin mi tampi in anasep leh ami huhnopzia pen lunglut mahmah uhhi.

Tuahangin Local Education Department te’n sanginn ah sangsaap piakding hamsa asadiak te huhnading in Fund neihzawhding hong hanciam uh a, panpihna piak hongkipan uhhi.

More: Sangsia khatin naupang 20 val abetgawp laitak Video kikhahkhia

Sangsia He Chunyu zong ama tungtawn in tuabang in sangnaupang akisam phadiak te huhtheih nadingin Fund akineihtheih pen lungdam mahmah a, ama neihsa sumte tawhzong huhna piakhia in panpih hi.

Keiguak in kaseptheih pen themcikbek hi in, Limit luamahmah hi ci’n genkhia theizel hi. Sawltak #zomidaily