ZAM Thupuak :: 04 December 2016

Zomi Nam Ni mapankhop ding zotna leh theihsakna :: Malaysia a om Zomi ten kumsim a i bawl den i minam ni sawtlo in hong tung ding hita hi. Abeisa kumte mah bangin tu kum zong thupi tak leh picing takin bawl theihna dingin 14 November 2016 in ZAM zumpi ah kimuhkhopna kinei hi. Tu kum zong nopci tak leh picing tak a ih bawl zawhna sum leh pai tampi hongki samding ahih manin muanna leh lametna lianpi tawh Zomi Nam Ni Committee in anuai a bangin ma i pankhopding kong zawn uh hi.

• ZOMI NATIONAL DAY 2017 COMMITTEE
• President(1) Rev. Gin Do Khup 012 3406 141
• President(2) Rev. Thang Do Khen 017 6115 622
• President(3) Rev. Gin Khan En 017 3342 760
• Secretary(1) Sia. Khoi Sian Tuang 010 286 6189
• Secretary(2) Rev. Suan Cin Hau 011 1447 1981
• Secretary(3) Sia Kap Za Khup 016 383 8014
• Secretary(4) Rev. Ngin Khat Thang 016 3347 099
• Treasurer Sia. Tuan Sawm Tuang 016 254 4093
• Accountant(1) Thang Lam Cin 011 2329 4820
• Accountant(2) Pa Thang Za Khai 012 6212 447
• Accountant(3) Sia. Simon Pau Muan 012 6212 447

• ZOMI CUP COMMITTEE
• President Pa Pan Khai 018 3863 915
• V-President Rev. Thang Za Cin 012 6110 046
• Secretary Sia Khoi Tuang 010 2866 189
• Secretary (2) Sia Daniel Mung 016 6174 997
• Treasurer Sia Tuang Puu 016 2544 093
• Assist:Treasurer Tg. Thang Lam Cin 017 379 1327
• Accountant Sia Kap Za Khup 016 3838 014
• Security Sia Gin Go Mang 018 2021 216
• Security Sia Cin Bawk 01127200826

1. Zomi Nam Ni a dingin sum leh paai tampi mah kisam a I pankhot ngeina bangmah in tutung zong Khua ki pawlnate panin RM 200 leh biakna Pawlpite panin RM300 tawh mapang khawm ding in I kizawn hi.

2. I minam pi ni ciang in Pu Lengtong Pauno, Sm San Nuam leh Idol 2014, 2015, 2016 Top 3 ciang a ngahte in la hong sa ziahziah ding uh hi.

3. I minam geina laam tuamtuam te zong ki laam ziahziah ding hi.

4. Chief Guest Dr. James Suan Za Dongh kisam ding hi.

5. I minam ni muakna I neih den ahi Zomi Cup(Tukpeng) leh Zomi Cup(Volley Ball) zong nasia tak in kibawl ding hi.

ZOMI CUP – 2017

A (7) veina Zomi Cup pen hongtung ding January 28 pan Februa -ry 2 kikal in kibawl ding hi. Tukum in Zomi Cup ah Tukpeng leh Volley Ball namnih kibawl ding hi. Kumsimin Zomi Cup kibawl zel a, khang no tampitak I kihel zel hi. Tukum 2017 I Zomi Cup pen nidang tawh kibangloin kibawl ding hi. Zomite sungah siamna tuamtuam nei tam pi I om a, tua bangmah in tukpeng kimawl siam zong tampi I nei hi. Ahi zongin I siamna leh I ukna a nuntakpi taktak I tamnai hetkei hi. Tukum Zomi Cup ah Myanmar National League a kimawl Chin United FC team I Vice President ahi Sia Do Khan Khup leh alawmte zong hong kihel ding uh a, siamna nei takpite zong hih a siamna tawh kivak in a khuasak zawh nading kigel khawm ding hi. Zomi khangthak te a dingin siamna leh ukna tawh nuntak khuasak theih nangin lampi khat kihong cih theih ahihi.

Zomi Cup (Volley Ball) pen Kampung Pandan Sport Complex ah January 16-17 ni in kimawl ding in kigel hi. A lunglut team te in January 6, 2016 ni ma in minsazian leh passort size photo piak kim ding ahihi. Zomi Cup Volley Ball a kidem nuamte adingin lut man RM 400 leh Deposit RM 100 hi ding hi.

Zomi Cup tukpeng kimawl nading pen Astaka Sport Complex PJ(Phucil leh Nantal tualpi) ah kimawl ding hi. Zomi Cup tukpeng a kimawl ding te in lutman pen RM 800 leh Deposit RM 400 hi ding hi. Tukepng kimawl ding te’n minsazian, ZAM Card No. leh passport size photo te January 6 ni a nunung pen kipia thei ding hi.

Zomi Cup a ding min sazian hong pia sa khua te

(1) Saizang, (2) Vanglai.

ZSM kumcin ah Sapna

ZSM kumcin meeting ding pen December 07, 2016 (Wednesday) ni in ZAM hall ah kibawl ding a, zingsang nai 10:30 – 11:40 kikal ann nek khopna kinei ding a,12:00 lian in hun kipan ding hi. Tuani mah in 2017 a ding ZSM laibu te zong kihawm khia pah ding hi. Zomi pih a kua maciat nong kihel kim nangun itna tawh kong zawn uh hi.

WELCOME TO ZAM

Kawlgam,Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi a hi Zomi Association of Malaysia (ZAM) zum ah nong hawh/pha hamtang na dingun itna lianpi tawh kong zawn uh hi.

Na UN Vai Nakan Nuam hiam?

Na UN vai lunghimawhin kannop dotnop khat peuhpeuh na nei hiam? UN Department tuamtuam ah laigelhsak nop naneih le ZAM Member te ading mangenlo in ZAM zum pan lai kigelh sak theiden hi.

ZAM member I cihpen ZAM Card bawl ngei cihbek hi lo in UN card neihkhit hang a renew/hingsak dente member hiden cihna hi. Refugee na kicih sam hang UN Card na neih naikei leh UN ten kami hong ci tuanlo hi. Tua a hih manin Zomi na hih leh ZAM card bawl in. Amau panpih na kisapnai kei leh huh zaw phot in.

UN ZUM KIKHAK DING

December 9 (Friday) ni UNHCR zumpi kikhak ding cih CLU(Community Liaison Unit) pan zaksakna hong gen khia uh hi. Tua ahih manin December 9 ni UNHCR card a bei ding te December 8 ni-in UNHCR zum ah pai in na card uh na renew sak un.

GRAB CAR TAWH ZAM ZUM PAIDAN DING

ZAM zum nahawh nop leh baihlua ta! ZAM zum address na theih kei leh GRABCAR na sapciang DROP OFF a cihna mun ah ZOMI nagelh khit phetin Zomi Association of Malaysia hong suak pah ding a, na ut hunhun in na Grabcar hawlpa sam lecin lungmuanhuai takin hong kha ziau ding hi.

NA BANK CARD A THAK TAWH LAIH HAMTANG IN

Malaysia a om Bank khempeuh pen a system uh akilaih na tawh kizui in tu laitak aa natawi Bank Card pen card a thak laih kul ahih manin natawi card te Bank tawh kizui in na card bawlna mun mah ah a manlang in na card va laih sak in. CIMB card tawite ading ahih leh December 20 ma na laih khak kei leh kizangh thei nawn lo ding hi.

ASYLUM ACCESS AH HUHNA KINGEN THEI

SVP team te interview napan a card kipia kik nawnlo na theih uh leh Asylum Access zumte makaihna pan sitni te tawh pang khawmin UN nangah kik theih nading hong geelpih/vai hong hawmpih ding ahihmanin ZAM zumah hih lai namuh phetin nong zaksakpah nangin deihsakna lianpi tawh kong tangko uhhi. Asylum Access te kiang ah utbangin kipai thei loin appointment lak phot kul ahih manin UN pan lai na ngah phetun nalai teng tawh hong paipah un. Appointment date ma kal khat a kisap in nong paipat a leh sitnite in buaipih man nawnlo ding hi.

KIDAWM KIDAWM!

Kawlgam ah Rakhai kala i cih te leh kawlte kinak buai na hangin Malaysia hong lawh khak ding ki lipkhap mah mah a hihmanin vaksuk vaktohna ah pilvang tak a i om theih nang i kitheisak hi. Malay gammite mahmah in zong kawl gam Embassy mai ah lungphona nei uhhi. Thusit na khat peuh natuah leh ZOMI nahihna ZAM card leh Palai te phone No. te limtak kem in.

RHB Insurance kilei thei Lai

ZAM zumpi ah nisim zumhon hunsung khempeuh in RHB Insurance kilei thei hi. Hih Health Insurance pen a deih khempeuh in kilei theilo a, UN Card neite bekin lei thei hi cih mangngilh kei ni. Insurance leina dingin UN card copy, omna inn address cihte kisam ham tang hi. UN card a nei zongin kum (60) val sate in kilei theilo ding hi. Nu leh Pa in Insurance card neih khit ciang a suak pan naupang te pen Insurance kibawl sak thei nawnlo a, a Nu leh a Pa I card renew ciangin kigawm thei pan hi.

Hih Insurance card pen zato lupna bek ah kizang thei a, clinic paina, zato appointment paina te ah kizang thei lo hi. Tua ban ah lungtangnatna nei te leh Cancer nei te a card a bawl zawh ni 120 khit ciang kizang thei pan ding hi.

Nausuahna tawh kisai

Malaysia gam ah ei Zomi/gamdang mite adingin koikoi ah zato lupman khang mahmah hi. Maikum 2017 sung ah zong hong khan behlai ding hi. UKM cheras zatopi in November kha a kipan UN card neite alang khiam nonlo hi. UNHCR te hong vaihawmsak ahi Qualitas mah zuan masa hamtangh ni. ZAM palai ten nau suahna koitak hi leh hoih pen diam cih kilungngai kawmkawm a, Hih a nuai a Zato a hoihpen leh tawmbei pen dingin kathei uh hi. Hih zato a I suah nop leh nausuah ma in 2-3 vei bang kilak masak kul hi.

• JLN SM3 TAMAN SUNWAY BATU CAVE
• 68100 BATU CAVE SELANGOR
• TEL: 03-61899641
• FAX: 03-61899643
• Ahun: MONDAY: 6PM-9PM
• TUESDAY,THURSDAY&FRIDAY:10AM–1PM, 6PM –9PM
• WEDNESDAY: 10AM –1 PM
• SATURDAY: 10 AM –1PM , 2PM – 6 PM
• SUNDAY / CLOSE

NAUSUAK TE ZATO LUP MAN

• Nau suah theih dan tuamtuam Lupna khat ciang
• Normal Delivery (pongman) RM2200 leh atung
• Caesatean (ki at) RM6000 leh atung
• Vacuum (Dawhkhiat) RM2300 leh atung
• Church Management tawh kisai thusinna
• Rev.Dr JM PAUPU tawh “Church Management” bul phuh in Pastor thusinna ki nei ding hi.
• Ahun: 12:00noon-4:30pm
• Ani: 5-6December 2016
• Amun: Zomi Christian Ass -embly
• Add: No.77-1, Jalan 1/91 Taman Shamelin Parkasa, Cheras.

Malaysia a om Zomi Pastor khempeuh Jesuh mintawh ih ki zawn hi. (ZCMC)

ZAM MEMBER TE ADING NASEP

• 1. Factory wash plastik
• Amun – bukit beruntung, rawang
• Nasep hun – 8:00am –10:00pm
• Khasum – Basic + Overtime 1936RM
• UN card nei hi ding hi. Kha khat ni 26 sung sem ding, Omna pia, ann pia lo.
• 2. Tzu-Chi SIKHAN AH NASEM DING KIDEIH
• TZU-CHI sikhan ah mangpau pan zopau leh kawlpau in kamlet thei ding mikhat kideih hi.
• 3. Coffeshop Jalan alore ah
• Nasep hun ni khat nai (10) Omna pialo, ann vak, Kal khat khat vei off. Numei/Pasal (4) kideih. Khasum RM 1350-1400
• Nasep tawh kisai Contact : Sia Khuppi –016 3838 014

NA LAI HONG LA IN

Lian Sian Thang lai ngah ding ZAM ah hong tung a hih manin a manlang in hong la in.

RHS INSURANCE CARD HONG TUNG THAK

• 1. Vung Boih 11. Dim Ngaih Lian
• 2. Kai kham Mang 12. Steven Thang Sian Van
• 3. Dim Lun Siam 13. Michael
• 4. Ning Khan Cing 14. Niang Deih Lun
• 5. Cing Za Nem 15. Hau Suan Piang
• 6. Mang Sian Thang 16. Jam Kho Tong
• 7. Hau Lian Thang 17. Niang Gel Lun
• 8. Mang Pi 18. Thang Sian Sang
• 9. Cing Sian Len 19.Cing Sian Zuun

ACTS KIKHAK DING: December 12,25 leh January 1 nite ah ACTS sikhan ki khak ding hi.

THONG LAM BUAI PIH TENG

• 1. Kam Ngaih Cing (Pimpih) Sugai Way palik zum pan kitan khia
• 2. Vena (Ngente) Serdang pan kitan khia
• ZATO LAM BUAIPIH TENG
• 1. Tuang Puu (Anlangh) Pudu Clinic
• 2. Pau Lam Kim (Tuimang) GHKL
• 3. Thang Khan Dim (Pimpih) Sunggaibuloh
• 4. Thang Sian Tuang (Haupi) IPR
• 5. Tual Hen Pau (Mualpi) HUKM
• 6. Pau Suan Kim (Suangzang) HUKM

Kimat kihen na tuahkhak leh: ZAM member te kimat kihenna tuahkhak uh leh Sia Tuangpu: 016 254 4093, Sia Go Mang: 018 202 1216.

Lungdamkohna

• 1. Go Za Thang(Tuicilh) – 50RM
• ZAM zum leh thupuak a ding panpihna hongpia Zomi u le nau, Khua kipawlna leh biakna pawlpi khempeuh tung ah
• genzawhloh lungdamna lianpi ZAM pan kong tangko uh hi. Topa Zomi te thupha a hiden dingin hong siam ta hen.
• ZYA BUILDING A DING
• 1. Anlangh Khua kipawlna-Malaysia -200 RM

Note :: PDF tawh na simnop leh
Hih link PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.