Thai ah Karen nungak melhoih mahmahkhat asihna thu kiselcip

Thai ah Karen nungak melhoih mahmahkhat asihna thu kiselcip

Thai, Bangkok khuasung aom Condo khatah amahguak innsaap in aom Karen te nungak melhoih mahmahkhat, a innsaapna sungah asisa in abeisa December 31 ni in kimu cithu MTF Channel pan kiza hi. Tua nungaknu pen amin Nan Htay Htay Oo kici a, kum 26 bek hipan hi. Thai gamsung ah innnasem in aom ci a, asihna thupen Thai Police te’n amahleh amah aki guiawk ci uhhi.

A nasepna Boss pa in nasep akuanloh ciangin a innsaapna ah vakan in, tuapan in asihlam kitheipan cihi. Aluanghawm pen Thai Police te’n anai aom zato ah puak uh a, thuneite’n nat hamsa sa ahih manin, huihsiang ngahlo in asi hi cihciangbek genkhia uh cihi.

Asi nungaknu zong kuamah etding phalo uh a, asidan zong Photo bangmah lahtheihding neilo uh cihi. Asipen ii Hand Phone zong palik te’n kemcip uh a, kuamah etkhuan pialo cihi.

Tuaban ah asipen ii alupna inndeisung ahzong tuabang in ki gui awk theih nadingdan omlo, khau kikhihnading cihte zong omlo ci uhhi.

Condominium hisam ahih manin, CCTV kithuah ci a, ahi zongin tuanu lupna ah pasalkhat miatman tawh lut cihciangbek genthei uh a, akicianzaw in ettheih nading kha 2 bang hunlading cihi.

Aluanghawm pen zanni Jan 07 ni in kivuikhinta cihi. Hih Karen nungaknu sihna vaitawh thuthang tuamtuam kigen ngeingai ci a, pawlkhat in Condo neipa in abuankhit ciangin palik te sumpia in athu avengding in avaihawm hiding acizong omhi.

More: Trump in US President kiteelna ah Russia in DNC te Computer suamsak mahhi cih thukimta

Bangbang ahi zongin athuak te’n thuakkhin, asite lah hongthokik nawngloding himawk. Anungtalai gamdang ah sumzong in aomte kidopsiamding thupipen cihding himai hi. Kawlgammi limlimbel Thai te’nzong hong nopneh mahmah veve uhhi. ZD Sawltak #zomidaily