ZAM kum 7 ci’n Khawmpi & Palai kitelna nuamtak kizo

ZAM kum 7 ci’n Khawmpi & Palai kitelna nuamtak kizo

Zomi Galtai tampi tak aomna ahi Malaysia gam Kuala Lumpur khuapi laizangah ZAM kici Zomi Association of Malaysia zumpi aom zawh kum 7 cin’na kumcin Khawmpi leh ZAM zumah hunbit Palai na sem ding mi 11 kiteelna hunte’ ih geelna sa ombangin, June 07, 2013 Friday ni zing nai 11:00 am pan 6:05 pm dong, bangmah buaina haksatna omhetlo-in, ih ki-apna bangin Topa’n honggual zawhpih ahih manin, ih biak Pasian’ min ih phat masa hi.

Hih kiteelna sungah Khua kipawlna pan tangmi 47, Pawlpi pan tangmi 16 leh thu ngai a, hongpai khempeuh tawh mipi 150 bang kipha thei hi. 2013-2014 kum sung ZAM Hunbit Palai asem ding hih anuai-a teng mipi deihna tawh kiteel khia thei hi.

Office Bearer (OB) teng:

1). President…………….. Hau Suan Khai (Mualbem)
2). Vice President………. Kam Lian Mung (Tungzang)
3). Secretary…………….. Joseph Mangsen (Thalmual)
4). Asst. Secretary……… Khoi Sian Tuang (Thalmual)
5). Treasurer……………..Joseh Kam Tung Sang (Suanghoih)
6). Accountant……………David Mungno (Luangel)

Executive Committee:

1). Tuangpu (Cikha)
2). Thaa Mung (Haupi)
3). Kep Lian (Lunmual)
4). Mangpu (Sezang)

ZWO makaipi:

Ning Ngaih Hau (Chiantagyi)

Tukum ZAM Palai kiteel zia pen abeisa kumte’ tawh ki banglo-in, Kuala Lumpur Khuapi laizang aom ahi Chinese Assembly Hall kizang ngiat a, kumcin khawmpi tawh thuaha kibawl ahih manin, apai mi khempeuh nuih mai, lungtai tak leh lungkim mahmah sa-a, inn lam ki zuan ciat hi, cih hong pulak phapha nuam ing.

Tutung kiteel apai khalote’ pen hamsia sa mahmah ing, bang hang hiam cih leh 2013-2014 ZAM Palai kiteelna pen gamlian gam khangtote’ zat dan mah tawh kibang liana, Parliament thu kikupna mah tawh kibanga hun khem peuh akizang ahih manin, apai kha peuhmah hampha kisa-in, zong lungkim mahmah diak uh hi. ZAM iNfO!