Dahna Pulakna: Mangpha Lia Cing Hau Lun, Kha 7 (Tohing beh)

USA gam, Kansas State, Kansas City khuapi a teng Lia Cing Hau Lun Kha 7 (Tohing beh) in a beisa January 29, 2017 ni-in Kansas City khuapi sunga zato minthang mahmah KU Hospital panin Lungtang natna tawh mual ong liamsanta cihthuizakmanin ZomInnkuan USA kipawlna in nakpitakin kidahpih, ki lainatpih hi.

Lia Cing Hau Lun pen Zogam, Pangsak khuami Pa Thang Ngaih Pau leh Nu Ning Ngaih Dim ten Tapasal 2 leh tanumei 1 a neihna sung uhah amahpen anautumpen ahihi. Pa Thang Ngaih Pau pen Nuntak khuasakna anuamzawding lunggulhna tawh abeisa 2007 kumin USA ongtungin a zi leh atate 2009 kum in USA ongtung uh ahihi.

Pa Thang Ngaih Pau te innkuan pen Kansas City bupphuh Zomite kipawlkhopna Zomi Innkuan Kansas City ah pawlmi kiciankhat leh USA gambup Zomite sihnavaiah luangkiphamnadinga kiphuankhia ZIUSA Genvai kipawlnaah Active member khat ahihna uhtawh kizui-in ZIUSA Genvai thukhun ombangin Lia Cing Hau Lun pen Zomi Innkuan USA kipawlna in USD 10,000.00 (Tulsawm) luangphamnadingin kipiakhiadinga $ 150 man Paakkual khattawhzong Mangphakhakna kinei dinghi.

Hih akipiakkhiat luangphamna sum leh Paakkualte pen USA gamsung muntuamtuampana ZIUSA Genvai thukhunpom pawlmi 8,300 valtekiangpana ongkhakkhop uh sumte ahihmanin Vaphual lungtang neia ZIUSA Genvai ah ma ongpangkhawm Zomipih khempeuhtungah idahna ilunglenna kawmkalpanin lungdamna lianpi iko hi.

I it mahmah Lia Cing Hah Lun tawh a nunungpen hunzatkhopding pen ongtungding February 04, 2017 (Saturday) ni 10:00AM hun in Highland Park Funeral Home & Cemetery 4101 State Ave, Kansas City, KS 66102 ah Zomi American Church Pawlpite makaihna tawh Rev. Kap za Mang Soona in anunungpen hehnep hunbawlna ong neihpih ding hi. tuakhitciangin tua mun mahah Vuina daitansakna kinei ding hi.

I it mahmah i Nauno ongnusiatna hanga adah akap, alunglengkhuangai Pianna nu leh pa, pianpih sanggam laizomteng leh khuapihtuipih tanaumeltheih, Zomipih Pawlpimi akuamapeuh tungah ibiak Vanglian Pasian khasiangtho in aluang khituite ong nulsakhenla lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.

Dahpihna lianpi tawh,
Zomi Innkuan USA, Inc
Taang’ in,

Pa Tual Sawm Lian
Secretary of Genvai
February 1, 2017