Yangon khuasung aom Company khatah damiah lut

Yangon khuasung aom Company khatah damiah lut

Myanmar, Yangon khuasung 50th Street aom Company khatah damiah lutin Company neipa asatgawp khitciang in vanmanpha leh sum tampi ciahkhiatpih uh cih Irrawaddy pan kiza hi. Yangon khualaizang Botahtaung Township sungah Tuesday ni 5am hunpawl in thupiang hi a, Yangon Police te’n damiah te zonsan uh cihi.

Damiah lutna pen New Wave Services Company hi a, aneipa pen U Min Swe ahihi. U Min Swe pen azumkhan sungah akhutleh akhe khihcip uh a, sum leh Jewelry vanmanpha tampi puakhia uhhi.

Zingsang 8am hunpawl ciangin U Min Swe in Veranda panin huhna ngenin a ot ciangin aveng apam te’n theipan uh cihi.

U Min Swe te omnatawh akimai ngaklian aom innveng te genna ah zingsang 8am hunpawl in U Min Swe in huhngetna hongki kokhiatgawp ciangin ka enkhia uh a, U Min Swe pen ki khihcip in, si tawh kidim cihi.

Police Officer te genna ah U Min Swe pen sihlawhliang nadingin liamngawh luasamlo hi. Damiah pen mi 2 hi a, aki zonsan laitak hi ci’n Botahtaung Township Police Station pan palik te’n genkhia uhhi.

Palik te genna ah damiah te’n suai khutzungbulh khat, sum kyat 200,000, Bank Passbooks nih, sumbawm khat leh U Min Swe ii National ID Card te laksak uh cihi.

Hih Office sungah CCTV kikoih a, ahi zongin nitaklam zumkhak ciangin mei kisumit ahih manin CCTV in bangmah Record lokhading hi ci’n New Wave Services Co ah Director asem Ko Myo Khaing Tun in genkhia hi.

More: Yangon, Immigration Office ah apuakkham om

U Min Swe pen tulaitak Rangoon People’s Hospital ah zatui kibawl in om cihi. ZD Sawltak #zomidaily