Yangon khuasung akizang Gyo Phyu tuilak ah ektui kihel

Yangon khuasung akizang Gyo Phyu tuilak ah ektui kihel

Myanmar, Yangon khuapisung ah akizang tuisik pen atamzaw “Gyo Phyu Dam” kici Gyo Phyu tuikholna panin akila, aki hawmkhia ahihi. Hih Gyo Phyu Dam pen abeisa British te’n hong uk hunlaipek in akibawl hi a, Drinking Water Supply tawh kisai in Yangon khuapisung tuidawn tezong British te hongbawlsak tudong akizang suaksuak ahihi.

Hih Gyo Phyu Dam panin aki hawmkhia, Yangon khuapisung ah akizang tuilak ah ekthemneng, ektui kihel hi ci’n Professor Dr. Khin Maung Win in genkhia hi.

Hih thuthang pen upmawhthu aki mawkgen hizenzenlo a, Yangon khuasung aom innsung ah akizang tuisik tezong Sample kila in, akisit ciangin asungah ektawh kisai datnamkhat kihel takpi cimawk hi.

Dr. Khin Maung Win in agenbehna ah Gyo Phyu tuizawnte pen abeisa British hunlaipek in akibawl, tudong akizang suaksuak hi a, luimahmahta hi. Tuaban ah tuizawn leh ekpaikhiatna ekzawn kikhungkhawm, kinai mahmah hi. Tua ahih manin, pawlkhat Pipe akitapna munte ah ektui alutkha hiding cihi.

Video: Dr. Khin Maung Win in agenkhiatna anuai ah ki entheiding hi.

Tuizawn leh Ekzawn kikhungkhawm ahih manin, tui apai ciangin tui akehte pen ekzawn sungah lutin, tui apailoh ciangin ektui te tuizawn sungah lehluk kikzel hiding cihi.

Tua ahih manin, Yangon khuasung aom mipite Gyo Phyu tuitepen huanmin tangtangin, tuakhitciang dawnpatding hoihhi ci’n genkhia hi.

More: Yangon International Airport ah 2017 kumsung khualzin anawk mi 5.92 Million pha

Ektui akihel asianglo tui aki dawnkhak ciangin Hepatitis B kingahbaih mahmah hi. Adiakdiak in nupi naupaai te adingin lauhuai mahmah hi ci’n Reporter te tungah agenkhiat Popular Myanmar pan aki zasawn ahihi. Yangon khuasung aomte naki gensawn un, ektuipeuh adawndawn ihhih khakding, ektui ihdawn akul vevephial lehzong suangmin photding, tuakhit ciangin dawnpanding cimawk hi. Sawltak #zomidaily