Yahoogroups leh Googlegroups te zatdanding

Yahoogroups leh Googlegroups te zatdanding

Zomi sungah thukizakna in ihtheihpen leh ihzatpen Yahoogroups leh Googlegroups cihtheih ahihi. Tua ahih manin hih Group nihte azatdan themcikkhat ihki kumkhawm ihki hawmsawn nuam hi. Banghanghiam cihleh Group Mail atamzaw ah Member lutdanding leh Member pan khawldanding cihte ihtheihloh manin buaina omthei zeuhzeuh hi. Mikimin ih theihloh manin Member Ngetna leh Member Khawlna cihtetawh Email kikhaksuk kikhakto tamlua ahih manin, laisim midangte adinginzong a nawngkai mahmahhun tamthei hi. Tuabah ah ih Group Moderator tezong khasum sanna hipeuhmahlo, Zomi te khatlekhat kizoptuah theihding deihsakman bekbektawh ongsemkhia ongbawlkhia uh hi a, amau mimal nasepciat bektawhzong abuai mahmahkhin uh ahihi.

Tuabangin Group Moderator te leh mipi Member te buaina atawmtuam nadingleh aomnawnloh nadingin hih anuai adanin Member ngetna leh Member pan khawlsak nadingte pen email tawh akikhak ziauziau thei ahihi. (Note: anuai ah gentehna in zomidaily kizang hi, zomidaily munah nalutna Group mintawh nalaih in)

Yahoogroups

1) Amasa penin Yahoogroups taangthu tomno ihsut dinghi. Yahoogroups ihcih mahbangin Yahoo te neihsa ahihi. 1998 kumin Yahoo! Club mintawh kipanhi ci’n Wikipedia ah kigelh hi. August 2000 kumin Yahoo te’n www.eGroups.com pen $413 Million tawh lei uh a, tuakhit ciangin Yahoogroups ci-in amin kilaihto hi. Alei laitakin www.eGroups.com azang mimal 18 Million phakhin hi. Yahoogroups Homepage pen hih www.groups.yahoo.com hi a, tudong mahin www.egroups.com tawhzong kilutthei lai hi. Na Group lut ii Homepage zong www.groups.yahoo.com/group/zomidaily cihdan hipah dinghi.

Yahoogroups te ah Member ngetna, Tawpna cihtepen hih anuai abangin Email khak ziauziauding ahihi. Email nakhakkhit phetin Yahoogroups pan Automatic in ong Reply dinga, tua Email tungtawn in na Membership ngetna pen Confirm ziauding ahihi.

Member thak na ngetnop leh:
[email protected]

Group pan Member natawp nopleh:
[email protected]

Group sungah email nakhak nopleh:
[email protected]

Nikhatsung laikikhak teng lomkhat in nangah nopleh:
[email protected]

Thulu khatta mahin onglut kikding nalunggulh leh:
[email protected]

Laikhak tawmvei nakhawlsakpak nopleh:
[email protected]

GoogleGroups

2) Googlegroups ihcih mahbangin Google te neihsa ahihi. Googlegroups pen 1995 in Deja News tawh ongki pankhia a, February 2011 ciangin Googlegroups in ongki laihto hi. Googlegroups Homepage pen hih www.groups.google.com hi a, tudong mahin www.deja.com tawhzong kilutthei lai hi. Na Group lut ii Homepage zong www.groups.google.com/group/zomidaily cihdan hipah dinghi. 

Member thak na ngetnop leh:
[email protected]

Group pan Member natawp nopleh:
[email protected]

Group sungah email nakhak nopleh:
[email protected]

Google Account naneihleh anuai atengzong kizangthei hi. Amasapen in www.groups.google.com/group/zomidaily ah lut inla, na Google Account tawh Login masa in. Tuakhit ciangin “Edit my membership” na mek in. Tua nuai ah na Group sung a email kikhakteng nasimnop danin kilaih theihi.

• “No Email” pen natelleh email onglut nawnloding a, ahihhang online pan nasimthei veve dinghi.
• “Abridged Email” pen email teng gawmtuahin nikhat khatvei ahih keileh email 100 ciang khatvei cihbangin ongkhak khiading hi.
• “Digest Email” pen email teng gawmtuahin nikhat khatvei ahih keileh email 25 ciang khatvei cihbangin ongkhak khiading hi.
• “Email” cihpen a ngeina Normal pen hi a, email kikhak peuhpeuh onglutsuak pahpah dinghi.

Theihman siamman hilozaw in, akisapman in ong kigelhkhia hizaw hi. Tua ahih manin kisapna thanemna gelhkhialhna te aomciang ong dawmpian unla, nongkuppih nongpanpih nonghilhcian nadingun kongthuum phapha uhhi. Lungdam, ZD Sawltak #zomidaily