Yahoogroups ah “Add Members” Feature ki lakhia ta

Yahoogroups ah “Add Members” Feature ki lakhia ta

Abeisa hunsung in Yahoogroups akici Mailing Group te ah Moderators te’n Member dingin Email ID amuhkhak peuhpeuh uh naban guan ziauziauthei uh a, tuapen “Add Members” Feature kici hi.

Zomi sungah Yahoogroups hongkitheih ciangin Group tuamtuam kibawlto ngeingai a, Group Moderators pawlkhat te’n Email ID neite deihna leh phalna omlopi in Email ID na guangsuk ziauziauthei uhhi. Email ID neite’n atheihpih uh hilo ahih manin akhuanung ah buaina, kitot kiselna tamthei mahmah a, tuni dongmah aki zazalai ahihi.

Group Member ding utlo pipi in aki guangsukgawp teitei Zomi pawlkhat te hehsuah hagawina pen Yahoo Company te’n nazatasam uh a, tuabang in aki guangthei nawnloding in May 20, 2013 ni akipan “Add Members” akici Feature pen Yahoogroups pan lakhiata uhhi.

Tua hi in Group Moderators te’n tu akipan na Email te uh mawkguansaktheih omnawnlo a, Member dingin hongdeih mahmah uhleh “Invite Members” ci’n sapna lai bek hongkhak theiding uhhi.

Akisam velvel aomleh zattheihding:
Yahoogroups leh Googlegroups te zatdanding

Tuabang in sapna lai na ngahciang in na utleh Accept bawlding hi a, Group Members ding na utkeileh Accept bawlhetkeu ziau lecin Moderators te’n acihtheih nadang uh omtuan nawnlo hi. Yahoogroups ahi zongin Googlegroups ahi zongin azangsiamding in Zomi te Topa’n thupha hongpia tahen! ZD Sawltak