Rev. Fr. Philip En Khan Mang siampi suahzawh kum 25 Jubilee kibawl

Silver Jubilee of Fr. Philip En Khan Mang

Tuni Tedim Zone, Sakollam St. Paul Parish aa om Rev. Fr. Philip En Khan Mang in Siampi aa suah zawh kum (25) a cin lungdam kohna Missa Biakpiak na 21.3.2018 ni-in hong bawl hi.

Tua Jubilee Missa sungah Bishop Felix Lian Khen Thang, Siampi (16), Sister (9), ThuhilhSia (42) leh mipi (3000) kim hong kikhawm in nop mah mah hi.

Missa Biakpiakna kipat ma in Mualsuang thupha piakna nei in tua khit teh Missa Biakpiakna sung ah Fr. Philip En Mang in tan (3) a phak pan kipan Siampi a suahnopna lungsim a neih na thu, ama hanciamna bek tawh hi lo in Pasian mah mah in a nu gilsung pen pan in in ki pan in a teel manin Siampi a suak zo a hih na thu te leh a sangkah pan kipan Siampi a suahna, Siampi a suak khitteh a om na munte aa a tuah khak thute sungpan thupi a sak diak teng leh Pasian thupha lo tawh bang mah tang tung zo lo hi cih thu te hong gen in nakpi tak in tha kingah mah mah hi.

Tua bek thamlo in Jubilee pawi a hih manin Pasian tung leh note tungah lungdam ing a mawhna te hong hong maisak un la ken zong mikhempeuh mawhna ka maisak hi. Leiba thangba a hong nei te khempeuh zong ka maisak hi ci-in tangko hi. Sun an nek khitteh pah tawina hun kipan in Tedim Myo ne, Tonzang Myone sunga om thuzui te in a khua khua in la thak te tawh pah tawi in letsong piakna te zong nei uh hi.

More: Feedback: Aki manawh Diamond Jubilee; Tedim Sanginnpi

Jubilee pawi a bawl Fr. En Mang in zong Siadawpa. Topa te, Sister te leh thuhilh sia te khempeuh zong letsong hong pia in ki nuam mah mah hi. Sakollam Parish sunga om thuzui te in zong Pawi sunga ding piak khiatna a nei te letsong piakna nei uh hi. Nitak lam nai (4) pawlin hun ki man in nuam kisa mah mah hi. R V A Tedim Chin Service