US President omna White House dai umna ataihsak numeikhat kiman

US President omna White House dai umna ataihsak numeikhat kiman

US President zumpi omna ahi White House maiah Friday ni in numei khatin mawtaw tawh Security Barrier phutsak ahih manin, kiman cih Reuters pan kiza hi. Tua numeinu pen Tennessee numei “Tennessee woman” kici a, Van mawtaw akang khattawh White House Security Barrier te ngimngiat in aphugawp cihi.

Hihbangin mawtaw tawh aphutna hangin Security te’n thautawh kapna bangmah omlo a, Law Enforcement Personnel zong aliam kuamah omlo hi ci’n U.S. Secret Service te’n Statement ah genkhia uhhi.

Ahi zongin tua Van mawtawtawh Security Barrier aphugawp numeinu pen kimanpah cihi.

Hih buaina aom ciangin White House zong khakcipding dinmun in akithawisa in ompah in, Uniform silh thautawi “Armed Uniformed Agents” tezong buaimahmah in taingeingai uhhi.

Hih buaina apianlaitak in President Donald Trump pen White House Building sungah aomlaitak hi a, Australian Prime Minister Malcolm Turnbull ahawhtawh kituak in, azindo laitak in hih buaina apiang ahihi.

More: US White House gei ah mikang palik teng athahsawm pasal khat kiman

Tua Van mawtawhawl numeinu pen Secret Service Uniformed Division Officers te’n amanlang in mankhiapah uh a, Metropolitan Police Department te khutsung ah ki appah hi. Sawltak #zomidaily