Tedim CMBC Pawlpi khangnote vaihawmna tawh Nelson Cup bawlung kidemna October 15-31, 2014 sung Kamhau tualpi ah nasia takin kibawl hi. Bawlung kidemna ah team 13 kipha a, Group A,B,C,D in kikhen hi.
Group A:
BAG, TTC, LbBC, Gawngmual YF
Group B:
EBC, SBC, Leilum YF
Group C:
PAG, LCJC, Lailo
Group D:
CMBC, RC(Skl), Tuilang Christian Fellowship
October 31,2014 (Fri) ni Final ah BAG v Gawngmual te champion kituh uh a, BAG in 7:0 tawh Nelson Cup Champion (2014) khatna ngah hi.
Vai khempeuh ah CMBC YF te-in innteek sem uh a, kician mahmah uh hi. Kimawlna ah mi tampitak mah in en in tha kipia a, nopci mahmah hi.
Nelson Cup cih pen tukum December ciangin Nelson topa Tedim hong tun’ Diamond Jubilee muakna ahi hi. Kum 2012 kumin zong CMBC YF te’ vaihawmna mah tawh Jodson kum 200 cin’ muakna le Kawlgam Sea game muakna More Than Gold cup bawlung kidemna om a, BAG te mah in Champion ngah uh hi.
Nelson Cup khatna ngah te Ks 200000/- tawh zui a, nihna Ks 100000/- tawh zui hi. Kimawl siamte pahtawina tuamtuam zong kinei hi.
Nelson Diamond Jubilee muakna in lai gelh kidemna, thu gen kidemna tuamtuamte zong om hi.
Nelson Jubilee muakna kimawl hun nuamtak hong zawhpih Topa’n minthanna ngah tawntung hen la, picing tak-a vaihawm siam CMBC Pawlpi le khangnote tungah zong Topa’n thupha hong pia ta hen!
En Za Sing
Tedim
Comment piaknop aomleh...