Vitamin E nekna hangin Ciltang Cancer ki ngahthei

Vitamin E nekna hangin Ciltang Cancer ki ngahthei

“Prostate Cancer” cihpen ei Zopau in letkhiading cileng “Ciltang Cancer” mah ih cipah maidiam? Zatuilamsang mipil misiamte’n Study abawlna pan amuhkhiatna ah thahat nadingin nisim akine khat ahi “Vitamin E” pen pasalte adingin hoihlo a, Prostate Cancer ngahthei cihi.

2001 kum in Scientists honkhat in atom in SELECT akici “Selenium and Vitamin E Cancer Prevention Trial” khat ongki pankhia uhhi. Medicine lamsang ah pilnanei te’n hih Study abawltheih nadingin acidam kum 50 tungsiah aphakhin pasal 35,000 kihelsak uh a, United States, Canada, Puerto Rico gamthum panin mun 400 ah akankhiat uh ahihi.

Hih Study bawlna ah akihel Researchers te’n Vitamin E nekna hangin Prostate Cancer phattuamna omlo cih amukhiat khituh ciangin hih SELECT Study pen 2008 kumin kikhawlbawl hi. 2001 kumpan 2008 kumsung hih SELECT bawlna hangin $122 Million Dollar bei ci’n Cleveland Clinic pan Dr. Eric Klein in pulakkhia hi.

Nidanglai in Medical Studies akibawlna ah Vitamin E nisim in Dietary Supplement thahat nading in ane pasalte pen Prostate Cancer natna pan hongdalsak hi kici ngeihi. Ahi zongin tu’n hoihtak aki kancian ciangin hih Vitamin E in pasal te Prostate Cancer ngahtheihna pan ongdalloh banah, Vitamin E nekna hangin huaisia sakzawsop hi cih kimukhia hi.

American Medical Association te Journal sungahzong pasalte’n Vitamin E nekna hangin Prostate Cancer natna pan bangmah hongdaltuam lo hi ci’n genkhia uhhi. Tua banah National Cancer Institute pan Prostate Cancer lamsang atheician, a Expert mahmahkhat ahi Howard Parnes inzong Vitamin E nekpen lauhuai hi ci’n na genkhia hi. Banghanghiam cihleh Vitamin E nekna hangin Prostate Cancer ngahtheih nading 17% bang khangsak zawlai cihi.

American Medical Association Journal sungah laigelhkhat ahi Dr. Eric Klein in agenna ah Vitamin E a ne pasalte’n anek akhawlkhit nangawn cianginzong Effect omtheilai ciliang hi.

Tua hi’n Zomi sungah pasal te’n thaza dingin Dietary Supplement khatpeuhpeuh ihnek ihzatsawm leh ih Family Doctor tetawh hoihtak kikupcian masakding thupi mahmah khading hi. ZD Sawltak 2011-10-17