Vision leh Mission kilamdanna ~ Pu Thangboi

Vision leh Mission kilamdanna ~ Pu Thangboi

Kipawlna gina khat ahih nak leh vision leh mission neihloh aphamawh ahi hi. Tua kipawlna ah a kihelkha peuhmah in tua tegel tel sitset le uh hoihpen hi. Vision leh mission neilo kipawlna khat pen ahawlna (steering) aomloh ban ah datsi nangawn akithunlo mawtaw tawh kibang hi. Amin in mawtaw hipong ding a koi mahmah tunglo ding hi.

Mission

Mission ih cih pen vision tangtun theihna ding a nasepna khempeuh ahi hi. Ih kungmui lam hong paipih ding nasepna khempeuh “Mission” ahi hi.

Vision

Vision pen atamzaw in kitel khial hi. Kipawlna khatpeuh in agen “Vision” pen biakinn sung khawng a ih zak theihzelte tawh kibanglo kha ngelding hi.

Hih mun ah “Vision” cih pen ih lungtup khempeuh atangtun khit ciang a dinmun ding genna ahi hi. Ih lungtup pen vision hinailo a, tua ih tupna atangtun khitciang a piangding pen vision hipan hi.

Vision Mission vai gentehna

Tulaitak a galhat mahmah ahi AA te’ vision pen “Confederation” ahi hi. Atup angimna khempeuh uh atangtun khit ciang in Rakhine gam Confederation tawh ki-uk ding cihna hi.

Tua vision atangtun theihna ding in agaldona uh, akipiak khiatnate uh, asih anatnate uh, kawl galkapte’ mat leh hen athuaknate uh a kipan vision tangtung sakding nasepna khempeuh “Mission” ahi hi.

Lungdam, Nong-it
Mung Laan Thang
Tawmvei, Zangkong