Vanleng sungah pasalkhat apuanteng suahkhia in, aguakin Porn Video en
Kuala Lumpur panin Dhaka City zuanin alengkhia vanleng sungah pasal khatin apuansilhteng suahkhia in, aguaktang in Porn Movie en hithiat ahih manin Bangladesh kumpi thunei te’n mansuakpah cih NST pan kiza hi. Tua vanleng pen Malindo Air te vanlengkhat hi a, Flight Number OD 162 ahihi.
Tuabang in guaktangin aomgawppa pen Bangladesh gammikhat hi a, kum 20 gualpawl ahihi. Malaysia gamsung, Cyberjaya aom Private University khatah sangkah in aom hi a, agamah aciahlam in vanleng sungah buaina apiangsak ahihi.
Tua Bangladesh sangnaupangpa pen zanni Saturday ni in Kuala Lumpur International Airport panin aomna gam zuanin aciahkhia ahihi. Vanleng alenkhiatzawh asawtlo in aomzia lamdang mahmah, midang tetawh kibanglo cihi.
Vanleng ah Pi 10,000 bang asanna ah alenlaitak in tuapa pen atutna ah apuansilh teng avekin suahkhia in, aguaktang in om cimawk hi. Tuaban ah atutna ah numei pasal zahmawhvai gamtatna “Porn Movie” en hithiat in, agei ah atu midang Passenger te awlmawhvetlo cihi.
theStar te pulakna ah tuapa pen aguaktang in Porn Video a enbekzong hilo in, akhuttawh azawhmawh lenkawm in Masturbate bawl cimawk hi. Tuakhit ciangin atutna ah azun tehkhia, atui kawtsak ahih manin, bangmah silhlo aguaktang in Toilet lamah midang Passenger te muhin paikhia cihi.
Tuabang in aguaktang in Toilet zuanin apaikawm in, vanleng sungah nasem numei “Female Crew” khat pumkawisawm cisawnsawn hi. Tuazawh asawtlo in adang vanlengsung ah nasem numeikhat pummatsawm leuleu hi.
Tuabangin agamtat ciangin Cabin Crew te makaipi ahi Head Stewardess in tuabangin agamtatlohding agen ciangin hehmahmah in, adang nasem tezong totsawm, Attack bawlsawm cihi.
Tuaciangin adang Passenger te’nzong mancip huan uh a, khaukhattawh akhut hencipsak in, atutna ah lencip uhhi.
More: AirAsia vanleng sungah Chinese pasal khatin zatep ahih manin kiman
Vanleng pen bangmah buaina omnawnlo in, Bangladesh, Shahjalal International Airport atun ciangin kumpi thunei te’n mansuakpah uh cih kiza hi. Vanlengsung buaina atuamtuam….. Sawltak #zomidaily
Comment piaknop aomleh...