Malaysia gamsung ah IS migilo dingin aki ummawh pasal 4 kimankhia cih theStar pan kiza hi. Tua akiman mi 4 tepen Perak leh Sabah panin akimankhia ahihi ci’n Inspector General Tan Sri Khalid Abu Bakar in genkhia hi.
Inspector Khalid in agenbehna ah IS dingin aki ummawh, muanmawh tepen Bukit Aman Special Branch Counter Terrorism Division te matkhiat cihi.
Tua akiman mi 4 te lakah khatpen Malaysian gammi hi a, adang 3 tepen Indonesian gammi ahihi. Avek un Monday leh Tuesday ninih sungin akimankhia ahihi.
Abeisa Monday ni in Perak, Slim River panin Indonesian gammi khat ki mankhia cihi. Adang mi 3 tepen Thursday ni in Sandakan panin amatkhiat uh ahihi. Tuate pen Philippines gamsung Marawi City lam zuanding in apaisawm uh hiding kici hi.
Malaysian Police te’n IS tawh akizomding in a upmawh uh mi pawlkhat zonsanlai uhhi.
Malaysia gamsung ah Ramadan hunsung in buaina, ngongtatna “Terror Attacks” aomloh nadinginzong ki hanciam mahmah cih Wednesday ni in Inspector General Khalid in genkhia hi. Banghanghiam cihleh Ramadan hunpen IS migilo te’nzong ngongtatding ahanciam phadiak hun cihi.
Bangzahtak in kiging kahi uhhiam cihpen gengen nuamkhol keng. Banghanghiam cihleh tuateng genkhialeng khuasung mipi te patau in, lauthawnggawp khading hi.
Ahi zongin mipi te ka theihsaknop ah Malaysia gamsung ah buaina Terror Attacks aomloh nadingin kinak hanciam mahmah hi ci’n Inspector General of Police Khalid Abu Bakar in nung Wednesday ni in News Conference ah genkhia hi.
“The counter-terrorism unit” tepen sunthapai, zanthapai nai 24 sung nasemden uhhi cihi. Nungkalsung inzong Malaysia gambup ah Ramadan hunsung pen Security ki khauhsak mahmahding a, Police Officer bekbek akigawm in mi 40,000 bang Standby in omdending uhhi ci’n genkhia hi.
Related: Malaysia gamsung bitna aom nadingin Hari Raya pawisung palik 40,000 te’n nasemding
Khuasung lamzik te a ukding Traffic Department paninzong Officer mi 8000 te lampi Road Safety aomhiam cihpen encik gigeding uhhi ci’n genkhia hi.
Comment piaknop aomleh...