Vanleiding in apailaitak nupikhat lampi tungah nausuakziau
China gamsung ah nupi naupaai khat anteh lohing (Vegetable) kizuakna ah vanleiding in paikhia hi. Tuabang in vanleiding Grocery Shopping Trip apailaitak lamzikpi tungah nausuak dihdih cih kiza hi.
Guangdong City of Yunfu sungah nungkalsung in thupiang hi a, tua nau asuah laitak Video kizaihkha in, tua Video Clip pen Social Media ah ki thehzakpah zihziah hi.
Nupi naupaai pen nausuakding in ki lamen nailo himahleh, lamzikpi tungah apailaitak agilna savat ahih manin dinsa in nausuakziau hi.
Nausuakding in atui apai madeuh in na samahmah in, awng ci a, tuakhit asawtlo in adinsa mahin anau suaksukziau cihi.
Tuaciang in ageinai aom te’n ahuhding in paiphei uh a, pawlkhat in Cardboard tawh aomna umsak in, pawlkhat in atutnading tutna napia uhhi.
Tua nau asuahna phual ah Ambulance khat ki sapsak in, Medical Worker te hongtun ciangin naungek ii alaigui tansak uhhi.
Video: Woman gives birth on street, picks up newborn and groceries, walks back home
https://www.youtube.com/watch?v=jK7vYKiNq-c
Tualaitak in anaungek suakcil pen tutna tungah lumsak in, anu pen agei ah dingsa in ngak hi. Anu leh anau bangmah siatna omlo hi ci’n Medical Worker te’n genkhia hi.
Tuakhit ciangin tua nupinu pen bangmah acilodan phialin akhut langkhat ah anau tawikawm in, alangkhat ah anteh lohing nekding in aleiteng tawikawmsa in, khetawh ciahkhia litlit cimawk hi.
Related: China ah mopawi bawlma akimawl, akidelhleh monu inntung pan kia in si
Anik apuan te silenai tawh kidim himahleh amahpen bangmah thuaklah seselo in, ama thu in khetawh ciahkhia cihi. Nausuah danzong atuamtuam, baih asa te’nlah baihsalawmlawm, athuaklah te’nlah sihpihliang. Sawltak #zomidaily
Comment piaknop aomleh...