Vaisah mahmah aive
👉 I ut, i nuam aa mikhat peuh cigawp dikdek(gensia dikdek in)tua khit ciang, tawm hong dawngkik pian leh, kha lamah a picing lo leh a thuak zolo dan khawnga genkik nuam zawsop ihih cianga vaisah mahmah aive!
👉 Mihing genloh Topa Zeisu nangawn maan asak lohna(hi a sak lohna)ah heh thei buang hiven, ei’ lah Zeisu hisam lo aa, heh thei, khasia thei sam mah lo ding maw cihkikkik kul mawk ihih cianga vaisah mahmah aive.
👉 Mi’ na hoih sepna tampitakte muhsak lo(muhsak phial zongin a theilo bangin om)se napi’n, hoih lohna a omsun te lah lim ciapteh bilbel in, encik gige se cih khawng zong vaisah mahmah aive!
👉 Lawhcing nuam daupai nuam napi’n, hanciam nuam loin lungkia pahpah cih khawng vaisah mahmah aive.
👉 Pasian’ thu sungah bualbual napi’n kilamdanna lah om mello cih khawng vaisah mahmah aive.
👉 Kikhop leh thunget khawng hahkat mawhlo napi’n lungsim kawi(lungsim ginalo) teng lah nei den veve cih khawng vaisah mahmah aive.
👉 Pasian’ thu-um(piangthak khat)hinapi’n kikhop ding khawng thadah, Pasian’ maipha zon ding khawng haksa sa ngeungau cih khawng zong vaisah mahmah aive.
👉 Nuntak khuasakzia haksa sa mahmah napi’n nasep khawng uuk mello cih khawng vaisah mahmah aive!
👉 Thusim mellah neilo, bangmah pi lah hikhollo napi’n ei tumtak aa kipum liatsak(kilu teisak) cih khawng zong vaisah mahmah aive!
👉 Mi’ vaihawmnate hoihsak mel lah neilo, vaihawmna sungah lah kihel ngei selo cih khawng zong vaisah mahmah aive!
👉 Gawng nuam mahmah napi’n, a sun/zan aa an tampipi nene mai(zialzial mai)cih khawng vaisah aive!
👉 Cidam nuam mahmah napi’n, cidam a tawh kituak lo nek leh dawnte lah kidawm zo tuan lo cih khawng vaisah mahmah aive.
👉 Tapidaw(Christian)khat hinapi’n, piangthak lo cih bel vaisah mahmah aive!
Khazih sungah, ✍️ David Tuang
Comment piaknop aomleh...