USA, Washington State sungah thaukikapna piang, mi 3 si, adang 2 liam

USA, Washington State sungah thaukikapna piang, mi 3 si, adang 2 liam

USA, Washington State sungah Friday ni in thautawh kikapna khat piangleuleu a, mi 3 si in adang nihzong limliam mahmah cih Fox News pan kiza hi. Washington State Mall sungah thautawi pasal khatin akapphialgawp hi a, asi 3 pen numei vive ahi uhhi.

Washington State Patrol Spokesman Sgt. Mark Francis in Reporters te kiangah agenkhiatna ah aliamlak ah pasal khatpen limliamlua mahmah ahih manin, asawtlo in sithei khamaiding hi ci’n genkhia hi. Adang aliam khatpen numei hi a, tuanu ahihleh anuntakna beilawhzah liangding in liamngawhlo cihi.

Burlington khuasung aom Macy’s Store sungah Friday ni nitaklam nai 7pm satkhitdeuh in akikap hi a, thunei te’n thautawipa ii alimzong CCTV panin mukhia uhhi. Thautawipa pen Hispanic minam hi a, puavom silh ci uhhi. Rifle thaukhat tawh hih Store sungah lutin akap hihtuak hi.

Hih thautawipa in akaplup teng ngimna tawh akaplum ahihleh ahihloh ki theician nailo hi. Asi aliam tepen kum 20 gualpawl hiding in ki ummawh a, ahi zongin amau te ii Information pen ki genkhia nailophot hi.

Police te leh kumpi thunei te’n tuamunsung teng umcip, khakcipphot uh a, bangtanvei khakcipding uh cihpen ki genthei nailo hi.

Thau kikapna Store sungah nasem te leh meltheih tanau te akimunuam khempeuh agei aom biakinn khatah ki musakphot uh cih thu kiza hi. Thautawipa zong kumpi thunei te’n akansan laitak uh ahihi. ZD Sawltak #zomidaily