Numei hoih le hoihlo ~ Rev. Lian Za Nang

• Thupatna:
• Leitung kiukna bangin innkuan sung a kiuk hi lehang anuai a bangin tavuan kinei ciat hi.
• (1) Pa- Chairman – Innkuan lutang(2)Nu- Secretary – Thuvanpi (S-1)
• (3) Tate-Members – Mipi
• Pasian thu tawh kizui-in innkuan khat pen pawipi neu khat tawh kibang a, anuai a bangin tavuan kinei ciat hi.
• (1) Pa- Senior Pastor -Innkuan Siampi
• (2) Nu-Sunday School Teacher-Nipi sianu
• (3) Tate-Sunday School Children-Nipi sang naupangte

Thuneihna
Innkuan sungah tate tawh a kitam­thuahpen Nute ahi hi. Ni khat nai 24 a omna sungah Sangah slate tawh nai 6 sung bang bek kithuah uh a, a omlai nai 18 sung pen Nute tawh a tamzaw kithuah uh hi. I pu i pate in thuciin khat na nei uh a, “Zipil in innkuan nuamsak, zihai in innkuan susia” (Numei pilte’n u le nau gawmtuah, numei haite’n phung khen) ci uh hi. Inn­kuan nuam le innkuan nuam lo i cih pen Nute makaihna tawh kisai mahmah hi.

Leitung sangte le nipi sangte ah thumang lo, slate uk zawh loh, a makaih zawh loh sangnaupangte pen inn pan nu leh pate’ hilh loh makaih lohte mah na hi pah hi. Kawlte’n zong “Leitungah i sia masa pen Nu le Pate hi” na ci uh hi. Innkuan sung pan Nu le Pa pattah numeite pen a tamzaw pasal a neih uh clang le to a neih uh ciangin zi hoih, nu hoih hong suak uh hi. Nu pil loin a tate pil mahmah cih tam lo hi. Tua ahih manin Nu (Zonu’ Tongluan) ahi ding peuhmah in innkuan sung makaih­zia ding theih kul a, sin zong kul hi.

Innkuan khat sim hoih tek leh PawIpi zong a hoih hi pah a, Pawlpi khat simin hoih tek leh i Zo minam bup a hoih, hong hi pah hi. Innkuan khat i cih pen pawlpineu khat ihih lam kiphawkhuai mah­mah hi. Tua hi a, i innkuan, i pawipi le i minam adingin numeite bangzahin man­pha hiam cih kimu thei hi. Lai Siangtho in zong hih bangin na gen hi. “Zi hoih in suang manpha sangin manphazaw pek hi. (Pau.31:10)

Topa Jesu khangsimna numeite:

(1)Bethsheba -1Kum 1:16

(2)Ruth -Ruth.4:13-14, Mt.1:5

(3)Rahab -Mt.1:5

(4)Tamar -Pn.38:24, Mt.1:3,

Zi hoih

Paunak lai gelhpa Soloman in zi hoih i cihte a bangci nam hiam cih paunak 31 sungah hih bangin na gelh hi.

(1)A pasal in muang mahmah hi.

(2)A khantawn tungin a pasal tungah thupha bawl hi.

(3)A pasal tungah thusia tun ngei lo hi.

(4)Thanuam takin na sem hi.

(5)Tho baihin lurn hak hi.

(6)Nasep ding vaihawmsak hi.

(7)Amah in khau khekin a puan ding gantawm hi.

(8)A zawng mite tungah cingh hi.

(9)A cimawh mite tungah huhna pia hi.

(10) Pilna tawh thugenin, kamkhum takin pau hiathiat hi.

(11) A innkuan sung nasep ding teng sem ahih manin manlah den hi.

(12) A tate in itbawl uh a, a pasal in zonc pakta mahmah hi.

(13) Topa a zahtak numei in a phaktaak khat ahi hi.

Lai Siangtho sung numei hoihte

(1) Abigal-(1Sam.25:3-18)-A tei, a dim, a navak

(2) Kanaan numei-(Mat.15:21-23)-Upna lian nei

(3) Deborah-(Tkte.4:4) Gammite deihsak

(4) Dorcas-(St.9:16)-Cimawh huh

(5) Elisabeth-(Lk.1:39-45)-Kiniamkhiat

(6) Martha-(Lk.10:38-42)-Innngak muan

(7) Magadala Mari-(Jn.20:1-2)-A thokik Jesu kilatna

(8) Naomi-(Ruth.1:8-10)- Teek hoih

(9) Samaria numei-(John.4:1-42)-Lung­dannna thu tangko

(10) Sumen-(2Kum.4:10)-Zindo siam

Lai Siangtho sung etteh huai numeite

(1) Esther bangin gam leh minam it in

(2) Hanna bangin Pasian tawh kiho den in

(3) Lydia bangin Pasian mite zindo siam in

(4) Mari bangin lungduai in

(5) Ruth bangin cihtakna le thumanna nei in

Hih hun nunung sungah Pasian in ei Zomi numeite thupha hong pia a, Lai Siangtho sungah a kigen numei hoihte nuntakzia tawh kibangin hong nungtasak hi. Tua bek tham loin pilna lamah zong minam dangte mah bangin ThD; PhD dongah hong lamsangto hi.

LST sung numeite Pasian nasepna

(1) Kamsangte zindo (2Kum.4:10)

(2) A cimawh mite huh (Pau.31:20)

(3) Jesu’ khe silsak (Lk.7:37-38)

(4) Pawlpi na sem (Rom.16:1-2)

(5) Sangmang na sem (Rom.16:3)

Lai Siangtho sung numei hoihiote

(1) Delilah (Tkte.16:22)-Samson’ zi, sum deihna tawh pasal nei, a pasal zuak

(2) Eve (Pn.3:6)-Adam’ zi- Leitungmi khempeuh Pasian gal suaksak

(1) Gomar (Hos.1:1-3)-Hosea’ zi, Numei paktat, a pasal daisak,

(2) Miriam (Gam.12:1-2)-Thu nei nuam

(3) Sapfira (St.5:1-6)-Ananias’ zi, SawItak­te tungah lo zuakman khem

Tuhun pen hun nunung ahih mah bangin leitung mun tuamtuamah nuntak haksatna tungtawnin thu urn lo numeite pen Noah huna tuiciin tun hun tawh ki­bangin sia mahmah hi. Bangkok ah a gam kumpite theihpih (tazavuan) numei kizuak awn khat le alang (million 11/2) pha hi. Tua ahih manin leitung bupah HIV lungno ki­hawmkhiatna phualpi kid liang hi. Combodia ah 40% HIV natna nei hi. Leitung ah thu um lote bangzah takin sia taleh ei Zomite Christian 99% kihi ta a, hih siatnate pan hong kern i biak Pasian min phat hang.

Thukhupna
Leitung lam le Pasian thu lama nnipil misiam, mi minthangte le Pasian mizatte thu i et ciangin a tamzaw pen Pate makaih­na sangin Nute’ makaihna hang hizaw hi. Ka nu hong thungetsakna hang, ka nu hong pattah siamna hang, ka nu hong makaih siamna hang, cih vive hizaw hi. Hih article a simkha numei khat kimciat in numei manpha le numei thupi na hihna kitel thak a, na innkuan sung, na pawlpi sung le na minam ading Nu hoih ahi dingin Topa’n thupha hong pia ta hen.

Rev. Lian Za Nang
Source: Zangkong Awging