USA, Texas ah nupi khatin atanu nih mawtaw sungah nai 15 sung nusiacip ahih manin si

USA, Texas ah nupi khatin atanu nih mawtaw sungah nai 15 sung nusiacip ahih manin si

USA, Taxas State sungah nupi khatin atate numei 2 mawtaw sungah nai 15 sung nusiacip ahih manin si cih Fox News pan kiza hi. Tuabang in atate anusia pen kum 19 aphakhin Amanda Hawkins kicinu ahihi.

Amanda Hawkins pen alawm pasal kum 16 aphakhin khattawh kithuahkhawm dingin Texas, Kerrville sung aom innkhat ah painuam ahih manin, atate nih pen mawtaw sungah anutsiat ngiat cihi.

Mawtaw sungah anutsiat atate pen numeituak hi uh a, kum 1 bek aphapan Brynn Hawkins leh kum 2 aphakhin Addyson Overgard-Eddy ahi uhhi.

Mawtaw sungah atate nung Tuesday nitak 9pm panin akoihcip hi a, Wednesday sunciang in lakhia kikpan cimawk hi. Nai 15 sungtak anih un mawtaw sungah an pialo, tuipialo bekthamlo, zunsuak eksuak zong paisaklo in mawtaw sungah akalhcip hilawmlawm hi.

Mawtaw akoihna pen gualnuamding in apaina uh innpan in ki galmuh a, naupang te mawtaw sungah asawt ciangin akahlala aw gingzong ki galzak cihi. Alawmte’n atate innsung ah asapsak uhhang in anu in khutvansanziau in, bangmah cikei unteh, akahkah khit uhciangin ihmuding uhhi cihsanziau hi.

Nitak 9pm panin akoihcip pen azingciang sunlam in lakhiapan a, tuaciangin atate nihpen sidekta “Grave condition” hita hi. Tuaciangin Kerrville khuasung aom Peterson Regional Medical Center ah paipihsam hi.

Tualaimun atun ciangin atate pen gimlua in, atate bawlnading in vanhoihzaw kisam ahih manin San Antonio aom University Hospital ah ki Transfer sak hi.

Ahi zongin naupangno nihte pen gimluakhin mahmah uh ahih manin, zato atunzawh asawtlo in anih un siziau mawk hi.

Kerr County Sheriff W. R. “Rusty” Hierholzer leh Investigator te’n agenkhiatna ah anu in atate pen mawtaw sungpanin alakkhiat phetin zato puakpahlo sawnsawn ahih manin atate nuntakna ahunlap in aki honkhiazolo cihi. University Hospital atunzawh asawtlo Thursday nitaklam 5pm hunin anih un sita hi.

Video: 2 Girls, Ages 1 and 2, Die After Mom Left Them in Car for 15 Hours: Cops

CNN te genkhiatna ah anu in mawtaw sungpan in alakkhiat ciangin khua hoihtak phawknawnlo uh cihi. Ahi zongin zato paipihleh akimatding lau ahih manin, atate tuitawh buakin silsawm in, apuankhawng laihsak cihi.

More: US Texas ah lamzikpi kuavang piangin mi 2 kia, khat si

Kerr County Sheriff W. R. “Rusty” Hierholzer in agenkhiatna ah Law Enforcement ah kasepzawh kum 37 phakhin a, tuasung ah naupang cikziat huai takin akikoih lakah amulkimhuai penpen himawk ei ci’n genkhia hi. Naupang te sihna ahang taktak kiciantak in kikansan ci a, anu pen Bexar County Jail ah kikemding cih kiza hi. Sawltak #zomidaily