USA “Statue of Liberty” ah geelkholhna omlopi in Electric mei mialcip citciat
USA, New York Harbor aom “Statue of Liberty” pen Electric mei ngahlo in tawlpi khatsung mialcip cih Fox News in genkhia hi. Tuesday nitaklam ah mei asia hi a, Spokesman khat ii genna ah geelkholhna omlo in meisia ahihman hi ci’n genkhia hi.
WCBS-TV te genna ah Statue of Liberty pen mei mialcip a, alukhu Crown leh ameidet Tourch tebel tawmcik tangmilmial ci uhhi.
Wednesday ni in “A Day Without Women” cih thulu tawh lungphona kinei a, tualeh hih Statue of Liberty mei kisiatpen kizopna aom khadiam ci’n Social Media tungtawn in pawlkhat ciakngeingai uh kici hi.
Ahi zongin National Park Service spokesman Jerry Willis in agenkhiatna ah hih meisiatna pen Emergency Backup Generator Project vaitawh akizom khadiam ci’n genkhia hi. Ahi zongin mei asiatna taktak pen Wednesday ni ciangin nasemte akuankik ciangin ki theician panding ci’n genkhia hi.
Social Media tungtawn ah pawlkhat in akhelkhel in Comment pia uh a, Statue of Liberty nangawn in Donald Trump mudah hiding hi aci tawh, USA khimkhua zing acitawh…
Statue of Liberty pen aminthang mahmah, American icon ci’n akiciamteh munthupi mahmahkhat ahi hihmun ah Electric mei asiat sesepen lamdang kisa mahmah hi. ZD Sawltak #zomidaily
Pu Awn Za Pau’ gelh Statue of Liberty thu na simbehnop leh >>> Statue of Liberty – National Monument
Statue of Liberty – National Monument
Milim seek siam mahmah France sculptor Frederic Auguste Bartholdi in 1876 kumin a seek a bawl ahihi. A zat ding vante designer pen Eiffel Tower design bawlpa Alexandre Gustave Eiffel hi a, copper sheet leh steel vive zang hi. Huih nakpi a nung zongin a lello ding a, limtak phatak a tuat ngiatngiat a, a bawl ahihi.
America in Britishte khutsungpan suahtakna a ngahna lungdamna ciaptehna in hih bang hong vaihawm ahihi. A kisam sum leh paai pen tangpi tangta te kiang pan huhna kingen ahih manin sum leh paai akicin pahlohna huhau in a manlangin kisem thei zok lo hi. America leh France te kipawlkhawm…..
Comment piaknop aomleh...