Shah Alam ah mawtaw 5 meikang
Malaysia gamsung Shah Alam, Jalan Utarid D U5/D ah tuzing mawtaw 5 meikang cih theStar pan kiza hi. Selangor Fire and Rescue Department pan Spokesman khat ii genkhiatna ah hih mei akatciang in tuzing 14 August (Sunday) ni zingsang 4am hunpawl in hongkizasak a, kidelhpah cihi.
Mei akang mawtaw pen 5 tak hi a, Proton Wira, Proton Waja, Proton Perdana, Proton Juara, Nissan Cefiro cih mawtaw namtuamtuam ahihi. Meikatna ahang ki telcian nailophot hi.
Ciamnuih zong ahoihbek ciangkhat
Malaysia gamsung Kota Kinabalu khuapan in Kuala Lumpur ah Training Course khat kahding in apaisawm Malaysian galkap khat in kavansung ah Bomb om ahimaw ci’n Checking akibawl laitak a ciamnuih leh zankhat kikemcip cihi.
Tuapa pen kum 32 phakhin a, Friday ni in Malaysia Airlines tawh khualzin khiading, vanlengtual ah zan 10:45pm pawlin Airport Checking akibawl laitak vanlengtual nasem te kiangah a ciamnuih ngiatin agenkhiat cihi.
Malaysia Airlines Staff te’n na thupilak uh a, Report abawlkhit ciangin Airport Police te’n namanpah uh a, zankhat thong akiatlawh ahihi. Police te’n hoihtak asitciankhit uhciang in azingciang khahkhiakik uh cih kiza hi.
Malaysia gamsung Operasi lut kiza kawikawi
Zanni zankimkhit 12 khitdeuh hunpawl in Malaysia gamsung, Setapak veng ah Operasi lutkawikawi cihthu kiza hi. UN Card neihleh neihloh kisailo in, amuh bangbang un manphot uh a, akhuanung ahbel UN Card tawite khahkiksam uhhi. Hih Setapak vengsung ah Kachin te tampi om uh a, amakai khat ii genna ah ami te uh mi 50 bang kimanding ci’n genkhia hi.
Bukit Bintang sungahzong zanhal in Operasi lutkhin a, Puchong lamahzong Operasi lut cih kiza kawikawi hi. Omna peuhmah pilvang in kidop mahmahding thupi dinghi.
Zingciang 15 August (Monday) UN zum kikhak
Nungkalsung UNHCR panin hongki taangkosa mahbang in zingciang 15 August (Monday) ni UN zumpi kikhaklai dinghi. Tuesday 16 August ni akipan zumpi kihongkik panding hi.
Related news: Malaysia Bukit Bintang ah Operasi lut, mi 42 kiman
Zomi khatpeuh in leitung thuthak atheihlawh dingin lamen hang. Zomi Daily ah nonghawh zelzel manin lungdam mahmah hi!
Comment piaknop aomleh...