USA, Dallas ah School Bus khat kibung in mi 2 si, adang 20 liam

USA, Dallas ah School Bus khat kibung in mi 2 si, adang 20 liam

USA, Dallas ah School Bus khat leh adang mawtaw pei 18 nei “18-wheeler” khat kiphukha ahih manin, tuahsiatna hangin mi 2 si cih Fox News pan kiza hi.

Thursday zanlam in Talco Town geinai aom Highway 271 ah atuahsia cihi. Tuamun pen Dallas pan inzong 125 Miles khawng aki gamlatna ahihi.

School Bus tungah atuang sangnaupang tepen “Mount Pleasant High School” pan hi uh a, Boys’ Track Team kici hi. Hih School Bus pen mawtaw golpi pei 18 anei “18-wheeler khattawh kiphukha in ki lumletgawp hi.

Tuakhit ciangin tua Truck mawtaw golpi in Girls’ Team te ii Assistant Coach pa ii ahawl mawtaw zong phuphei sawnsawn a, Driver te anih un sipah cih kiza hi.

Asi te ii amin apuam pen thunei te’n bangmah pulak khiatna neinailo uhhi.

Asi mi 2 banah sangnaupang te sungpan inzong mi 17 liam uh a, ulian zong mi 3 liam uhhi. Aliam teng ageinai aom Hospitals te ah kipuak in zatui akisam bangin kibawl uhhi.

Aliam te lakpan inzong School Bus ahawlpa pen liamphadiak ahih manin Surgery bawlkulding kici hi.

More: US, Baltimore ah School Bus leh Commuter Bus kiphukha, mi 6 sipah

Dallas sung aom Zomi te kuamah aki helkhalo dingin lamen hang. ZD Sawltak #zomidaily