Thai gamsung ah Kawlgammi nasemkhat nasepna Boss pa in thatawh kapliam cih MMTimes pan kiza hi. Southern Thailand, Phang Nga Province sungah Kuraburi Township ah thupiang hi a, tua Kawlgammi papen ngabeng “Fisherman” nasep asemkhat ahihi.
Phuket-based Myanmar Migrant Workers’ Network (MWN) te genkhiatna ah tuapa minpen Ko Maung Maung Htay kici a, kum 21 aphakhin khat ahihi. Boss pa’n thautawh akapna pen nasialua ahih manin, zato ah tudong omlai cihi.
“Nopbel noptuam zawdeuhta. Ahi zongin Doctors te’n Hospital ah amanlang in napaipih un hongcih ciangin akipaikik hi a, bangtanvai om kullaiding cihpen ki genthei naikei. Anoptuam ciangin Kawlgam ah ki ciahsak dinghi” ci’n naseppih leh Room Mate khat ahi Ko Soe Win in genkhia hi.
Thautawh akikapliam Ko Maung Maung Htay pen “Thai Fishing Boat” kici ngabeng gunkuang tungah nasem khat ahihi. Tuipi tungah Boat akuankhiatma in vanleiding apaisawmna panin apu tetawh ki kamnialkha uh a, tuapan in nasepna Boss te’n bengngawp uh cihi.
Tuipi tungah Boat azinkhiat khitciang inzong Boat Owner pa’n benggawp leuleu cihi. Tuaban ah alup laitak in alupna Bedroom sungah anung thautawh kap cimawk hi.
Ko Maung Maung Htay pen Myanmar, Rakhine State, Mrauk-U Township sung aom khuaneu khatpan hi a, Thai Fishing Boat ah nasem in aomzawh kumkhat phakhin hi.
Aompih alawmte genna ah Boat Owner papen Thai Royaal Navy Force te kiangah Report kibawl in, thu kibawlding cihi. Migrant Rights Group te leh Myanmar Embassy Officials tezong ki muhkhopna nei in, thu suahsawm uh cihi.
Thai Police Force te genna ah tua thautawh akap Boat Owner papen kimankhin ci uhhi. 2015 kum inzong hih Fishing Boat pen meikang ngei in, Fishermen tampi liamgawp uh a, Kawlgammi nasem mi 2 si ngei hi. Ahi zongin asi aliam tepen Boat Owner pa’n liausum bangmah pialo cihi.
Related: Thailand ah Kawlgam numei abuansawm khat temta tawh kidawtlum
Tutung thupiangzong Thai Police Force te’n mankhin acih uhhangin, amauleh amau hongki maisakziau lel uhtam, lunghimawh huai veve hi. ZD Sawltak #zomidaily
Comment piaknop aomleh...