Farewell Sia Philip Khaipu and family
Sia Philip Khaipu (Zozaang) pen 2008 kumin Malaysia hong tungin Myanmar Catholic Community of Malaysia (MCCM) ah Secretary hong sem a, a sawt lo in President semto pah hi. Tua khit ciangin Sia Francis Kham te tawh kipawl in Zomi Catholic Community in Malaysia (ZCCM) hong pankhia uh hi.
Kawlgam kumpi in Zomi om kei hong cih laitak un Myanmar Embassy maiah Malaysia Zomi makaite tawh kithuah in lungphona nei uh hi. Tua zawh asawt lo in Zomite kipumkhatna ding deihna tawh Malaysia Zomi Conference a sam Zomi makai 8 lakah zong amah kihel hi.
ZCD-LA ah zong President Pu Thomas Thang Lian Piang USA a len khit ciangin President hong semto hi. ZCD-LA ah President a sep sungin Zomi Women Conference zong khatvei makaih hi. Malaysia a om Zomi pawlpi lian tengah hangsan takin Zomi thu gen kawikawi in, mipi sim ding Zo Sunni Weekly zong thoh khia hi.
A tunga mun tengah a sep kawm mah in Harvest sangah UNHCR nuaia Refugee sang om teng sit kawikawi in khasum zong UNHCR-CDU min tawh sangsia teng pia hi. Tua banah ZCCM ah Vice President a sep laitakin Pasian deihna om bangin May 4,2015 kum in Nashville, USA ah a innkuan un leng uh hi.
Malaysia ah a om sungin Zomi makai ahi ZAM palaai teng tawh kithuhual takin mapang khawm den hi. Ih biak Pasian in thupha pia henla na ompih tawntung ta hen. Francis Lamthang
Comment piaknop aomleh...