USA, Colorado Springs ah Deputy khat kikaplum, Officer 4 liam

USA, Colorado Springs ah Deputy khat kikaplum, Officer 4 liam

USA, Colorado Springs ah Monday ni in thau kikapna piangin Deputy khat ki kaplumkha a, adang Law Enfrocement Officer 4 zong liam uh cih Fox News pan kiza hi. Mawtaw akigu om ahih manin, tuavai akankhiat laitak un aki thautawh akikap uh ahihi.

Aki kaplumkhapa ii amin pen Deputy Micah Flick hi a, amahpen “El Paso County Sheriff’s Office” ah asem ahihi. Aki kaplupni Monday ni pen anasepna Department ah asepzawh kum 11 acinni “Anniversary” tawhzong kituak citciat hi. Deputy Micah Flick pen zi neikhin in, tazong apeng nei a, atate pen kum 7 aphapan uh ahihi.

Deputy Micah Flick pen asepna “El Paso County Sheriff’s Office” te’n nasep hoihtak semin, kician asakmahmah khat uh hi a, “outstanding member who will be missed” ci’n genkhia uhhi.

Palik te thautawh akappa zong aphual mahah kikaplum hi ci’n Police te’n genkhia uhhi.

Kapliam athuakkha Colorado Springs Police Officer pen zato ah Surgery kibawl in, bangmah lunghimawh nading omlo, Stable Condition cihi. Adang kapliam athuak Sheriff’s Deputies 3 tepen bangci dinmun cih kitheician nailo hi.

Hih thau kikapna, buaina hangin Agencies tuamtuam panin kidelhpah ngeingai hi. Colorado Springs Police Department te’nzong hih buaina pen “priority dispatch status” in koih uhhi.

Colorado State sungah abeisa ni 40 sungin Sheriff’s Deputy te aki kaplupna pen athum veina bang hita hi. “Third Colorado deputy killed in 40 days”

Kumthak New Year’s Eve ni in Douglas County Sheriff’s Office ah asem ahi Officer Zack Parrish pen innsung buainakhat ahungding in apailaitak Ambush-style in naki kaplum hi.

More: Cocaine akikoih Condom bekbek 60 nawmvalh in Thai gamsung alutsawm numeikhat kiman

Adams County Sheriff’s Office ah asem ahi Deputy Heath Gumm zong January 24 ni in thaukikapna adelhna ah kaplup nathuakkha hi. Sawltak #zomidaily